Thaçi: Dialogu me Serbinë ka kuptim vetëm nëse sjell njohje reciproke

22 Tetor 2018, 13:26Rajoni TEMA

Presidenti i Kosovës, Hashim Thaçi tha se pret që procesi i bisedimeve ndërmjet Prishtinës dhe Beogradit të dinamizohet, por njëherësh është shprehur skeptik se mund të arrihet një marrëveshje në këtë proces.

Pas një pritje që i bëri një ekipi të Forcës së Sigurisë së Kosovës, i kryesuar nga komandanti i kësaj Force, Rrahman Rama, presidenti Thaçi tha se dialogu me Serbinë ka kuptim vetëm në rast se sjell njohje reciproke.

“Marrëveshje që hapë perspektivën e njohjes së Kosovës nga pesë vendet anëtare të Bashkimit Evropian dhe mundësinë që pas marrëveshjes të hiqet vetoja ruse në Këshillin e Sigurimit dhe Kosova të përfitojë njohje globale”, tha Thaçi.

Sidoqoftë ai tha se pritjet për një marrëveshje me Serbinë janë të vogla.

“Nëse arrihet marrëveshja, për çka unë jam skeptik, sepse shoh mundësi shumë të vogla, por ne duhet të punojmë”, theksoi presidenti i Kosovës.

Ai u bëri thirrje subjekteve politike në Kosovë që të bashkëpunojnë, të krijojnë konsensusin për bisedime dhe të shmangin mundësinë që Kosova të fajësohet për bojkotim të procesit.

Edhe këtë herë, Thaçi tha se në takimet e radhës në Bruksel, me palën nga Beogradi ai do të shtrojë edhe çështjen e “korrigjimit të kufirit në mënyrë që komunat Preshevë, Medvegjë e Bujanoc të përfshihen në Kosovë”.

Ndonëse u shpreh skeptik, Thaçi tha se cilado që të jetë marrëveshja finale, ajo do të ruajë edhe karakterin shumetnik në Kosovë.

3 komente në “Thaçi: Dialogu me Serbinë ka kuptim vetëm nëse sjell njohje reciproke”

  1. "Mekataret"--???? says:

    @@@@ PRIT GROMAR TE MBIJE BARE…lol

  2. A. says:

    Matrapazi Thaci ka demtuar rende arritjet e dertanishme te Kosoves duke futur ne ngrirje perparimin e shtetit te brishte te Kosoves me te gjitha fushat :zhvillim ekonomik e politike etj.dhe si shkembim kerkon ti faturoj Kosoves pastrimin e te palarave te tij…Nuk eshte aspak e veshtire te kuptohen qellimet e tij ,prandaj me cudit fakti qe nuk eshte larguar akoma nga skena politike.

  3. ARIAN says:

    SERBIA VETEM DON TE HAPE DIALOGUN PER KOSOVEN E HUMBUR ,PRA DON TE BISEDOJE PER DICKA QE U MBYLL EDHE U FITUA ME GJAK . SERBIA NUK KA PER TE DHENE TERRITORE POR DON TERROTORE E PSE JO GJITHE KOSOVEN. MOS BINI NE KURTHIN E RUSISE SERBISE EDHE POLITIKES MASHTRUESE TE TYRE . INSITONI VETEM PER NJOHJE RECIPROKE QE TE JENE SERBET QE DO TERHIQEN NGA DIALOGU. MOS HARRONI POLITIKA PO NDRYSHON NE FAVOR TE SERBEVE RUSIA PO FORCOHET EU DOBESOHET PERTITE EKSTREMISTE PO FITOJNE KUDO. FORMONI USHTRINE EDHE KERKONI NDIHME FINACIARE NGA DIASPORA SIKUR $1000 TE JAPI CDO SHQIPETARE USHTRIA KOSOVES DO BEHEJ ME FUQISHME NE BALLKAN . KOSOVA E FORTE ESHTE MBUROJE PER GJITHE SHQIPETARET NE BALLKAN. MOS U BESONI SERBEVE TEORIA E TYRE ESHTE TI ZHDUKIM SHQIPTARET QE TU MARRIM TOKAT.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje