Kosova pritet të marrë nesër përgjigjen përfundimtare mbi kërkesën për anëtarësim në INTERPOL.
Përfaqësuesit e qeverisë thonë se përgjigjja e vendeve anëtare të INTERPOL-it do të jetë pozitive për Kosovën.
Por pavarësisht kësaj, ata thonë se Serbia nuk po rresht së lobuari kundër anëtarësimit të Kosovës në këtë organizatë ndërkombëtare.
Kërkesa e Kosovës do të shqyrtohet nesër në Asamblenë e Përgjithshme të INTERPOL-it.
Me këtë rast, pas votimit nga shtetet anëtare do të bëhet e ditur përfundimisht nëse Kosova do të bëhet anëtari i 193-të i INTERPOL-it ose jo.