“Nuk dalin dot më tek kryeministria se janë pak në numër”, Rama thirrje studentëve: Mos bllokoni fakultetet, të tjerët duan mësim

Kryeministri Edi Rama tha se një grup studentësh po bllokojnë të tjerët që të bëjnë mësim.  

Teksa prezantoi platformën e punësimit të studentëve ekselentë, Rama tha se studentët nuk dalin më te kryeministria se nuk kanë forcën e numrave dhe kështu pengojë të tjetër të bëjnë mësim duke u ngujuar në Fakultete. 

Më tej Rama sqaroi sërish se ekselentët dhe ata në nevojë nuk do paguajnë tarifë studimi, ndërsa të gjithë tjetër do paguajnë vetëm 50%.  

“Nuk dalin më te kryeministria sepse nuk kanë më mundësi sesa shumë janë, pengojnë të tjerët që të bëjnë mësim.  

Ata me 4-a dhe 5-a do marrin këtë vit, por vitin e ardhshëm nëse paraqiten me të njëjtat rezultate, nuk do marrin asnjë kokërr leku.  

Ne s’mund të paguajmë për këta që rrinë në kafe dje marrin katëra. Ata që përsërisin vitin nuk kanë për të marrë më kokërr leku.  

Unë mund të jem një person që dua të bëj mësim, kam paguar para, nuk më intereson protesta, qeveria e asgjë, dua mësim.  

Pedagogu ka për detyrë të vijë dhe të më japë mësim dhe s’më pengon asnjë, jo më çeta që nuk di se çfarë kërkon apo kërkojnë gjëra që s’kanë për t’u bërë kurrë dhe thonë jemi studentë. 

Shoh që ka shumë që kërkojnë të njëjtën gjë për masterin, por kjo nuk bëhet. Kemi bërë një përjashtim për ata me 9-a e 10-a dhe ata me ndihmë ekonomike.  

Masteri nuk është detyrim i shoqërisë për të paguar. Kush do ta bëjë Masterin, ta bëjë”, tha Rama.(TemA)

REMOTE_ADDR:[]

2 komente në ““Nuk dalin dot më tek kryeministria se janë pak në numër”, Rama thirrje studentëve: Mos bllokoni fakultetet, të tjerët duan mësim”

  1. FMN jep 1 miliard USD fond për arsimin. Në muajin mars gjithçka stabilizohet. Vazhdoni protestat për kënaqësi.

  2. anonim says:

    jane vetem horrat e Klajdi bellos me kokore qe paguhet nga Nafije Dybeku dhe Belind kerrici , gernetaxhiu i Pd-se

Lini një Përgjigje

Adresa juaj email nuk do të bëhet publike. Fushat e domosdoshme shënohen *