Je studentët me mesatare mbi 8? Policia e Shtetit thirrje të rinjve: Ja procedurat se si mund të bëheni pjesë e jona

12 Janar 2019, 16:35Kronika TEMA

Më shumë se 100 studentë, që kanë mbaruar me rezultate të larta, do të kenë mundësi të bëhen pjesë e Policisë së Shtetit, në disa sektorë ku mungojnë specialistët.

Me hyrjen në fuqi të ndryshimeve ligjore, pas pak ditësh në Akademinë e Sigurisë do të kenë mundësi të aplikojnë të gjithë studentët që kanë dëshirë t’iu bashkohen uniformave blu.

Kriteri kryesor është mesatarja mbi 8, ndërsa policia kërkon burime njerëzore kryesisht në degë deficitare për këtë organizatë, si ekonomia, financa, informatika, elektronika dhe jurisprudenca.

Studentët që do të përzgjidhen, do t’i nënshtrohen për 9 muaj një kursi intensiv në Akademinë e Sigurisë, për t’u emëruar më pas në sektorët e luftës kundër krimit ekonomiko-financiar, korrupsionit dhe krimit kibernetik.

Në përfundim të kursit, studentët do të marrin automatikisht edhe gradën nënkomisar. Ndyshimet e fundit ligjore krijuan mundësi, që nga 1% e totalit të organikës, numri i personave që pranohen në polici për nevoja të veçanta të shkojë në 3%.

Sipas ministrit të Brendshëm, Sandër Lleshaj, ky vendim i jep mundësinë policisë të rigjenerohet dhe të ulë moshën mesatare të saj. Nga ana tjetër, sipas “Eurostat”-it, Shqipëria ka një ndër policitë më të vogla krahasuar me vendet e rajonit dhe të Europës.

Sipas të dhënave, vendi ynë ka vetëm 334 policë për 100 mijë banorë, ndërsa Kroacia ka 489 policë për 100 mijë banorë; Serbia ka 596 të tillë; Mali i Zi 645; si dhe Sllovakia plot 409 policë për 100 mijë banorë.

2 komente në “Je studentët me mesatare mbi 8? Policia e Shtetit thirrje të rinjve: Ja procedurat se si mund të bëheni pjesë e jona”

  1. ? says:

    Prindërit të nisen për në universitete që fëmijët e tyre të kthehen shëndosh e mirë në shtëpit e tyre. Nuk kanë mëndje për fakultet. Ë njeh bota të rinjtë tanë. Çunat me poshtërsira (vjedhje,vrasje,drogë )ndërsa gocat (prostitucion dhe pjellje me sida ).

  2. lalai says:

    hahahaa shtet pa Akademi Policie vetëm në Afrikë dhe Çyrykstan ka….!!!

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje