INTERVISTA/ Rrëfimi i Klement Balilit: Policia nuk m’u afrua kurrë, kam qenë në shtëpi disa herë

16 Janar 2019, 21:12Kronika TEMA

Klement Balili, personi më i kërkuar në Shqipëri, i cilësuar si Eskobari i Ballkanit ka folur ekskluzivisht për gazetarin e Report Tv, Artan Hoxha vetëm pak orë para arrestimit. Intervista publikohet e plotë në emisionin “Repolitix”.

Ai ka rrëfyer muajt e arratisjes dhe se si i shpëtoi policisë, në 16 operacione. Balili thotë se policia nuk i është afruar asnjëherë vendit ku ai fshihej dhe qëndroi në arrati për 2 vite e tetë muaj.

Teksa pohon se është i pafajshëm dhe nuk ka asnjë provë që e implikon në trafikun e drogës Balili flet edhe për lidhjet me politikën dhe angazhimin e tij me PD dhe më herët me LSI, parti për të cilën ai thotë se është angazhuar edhe familjarisht.

Klement Balili u shpreh se ka qenë në shtëpinë e tij disa herë për të takuar të afërmit.

Zoti Balili, prej 10 majit të vitit 2016 dhe deri tani që jemi në mesin e janarit të vitit 2019, keni qenë personi më i kërkuar në Republikën e Shqipërisë. Pra, për më shumë se dy vite e gjysmë keni qenë njeriu nr. 1 në listën e të kërkuarve të Shqipërisë. Pse nuk i jeni dorëzuar drejtësisë gjatë kësaj kohe? Për çfarë arsyesh?

Për arsyet se nuk kisha provat e duhura këtu në Shqipëri, përse më akuzonin dhe çështja në momentin e parë u politizua në të dy ekstremet. U bënë shumë akuza të rënda ndaj meje, u quajta “Eskobar”. Dhe normalisht që unë nuk kisha besim.

Keni qenë ndonjëherë më përpara i ndaluar?

Po. Jam arrestuar në vitin 2006, kam qëndruar 6 muaj dhe jam lëshuar pa asnjë pyetje dhe pa prova.

Ju thanë se për çfarë ju kishin arrestuar dhe a ju thanë në fund përse ju liruan?

Më arrestuan për një sasi droge (hashash), që ishte kapur në Borsh. Më mbajtën 6 muaj dhe më liruan për mungesë provash, që nuk kisha lidhje.

Ju jeni akuzuar edhe në atë kohë se keni bashkëpunuar me pjesëtarë brenda Policisë së Shtetit, të përfshirë në trafik të lëndëve narkotike.

Unë nuk kisha lidhje me të gjitha ato akuza që u bënë. Prokuroria nuk gjeti gjë për mua dhe e pushoi çështjen.

Sigurisht që të jesh i kërkuari nr. 1 në një vend, edhe si Shqipëria, nuk është një gjë e lehtë për t’iu shmangur arrestimit nga policia. Ku keni qëndruar gjatë kësaj kohe?

Rrotull, në vendet me publik të madh, si në Gjirokastër dhe në qytete të tjera të mëdha.

Asnjëherë gjatë kësaj kohe nuk jeni larguar nga Shqipëria?

Jo, jo, asnjëherë.

Po si është e mundur që policia në asnjë rast nuk ju ka parë?

Nuk ka koinciduar ndonjëherë përballë meje. Asnjëherë.

Policia ka deklaruar publikisht se ka bërë një seri operacionesh për arrestimin tuaj.

Po, i kam dëgjuar.

Ka qenë ndonjëherë afër bazës ku keni qëndruar ju?

Fare, asnjëherë.

Po si është e mundur që gjatë gjithë kësaj kohe, pra ju të keni qëndruar në Shqipëri dhe asnjëherë policia nuk ka qenë e aftë as që t’i afrohet vendit ku ju keni qëndruar?

Aty ku kam qëndruar unë nuk ka ardhur ndonjëherë policia. Dhe as nuk ka pasur ndonjëherë mundësinë që të afrohej.

Gjatë kësaj kohe që keni qenë në kërkim sigurisht që është një gjë e vështirë sepse nuk është e lehtë që të lëvizësh, ka shpenzime, ka kosto, ndërkohë ka edhe një merak tjetër sepse dëshiron që të dish se çfarë ndodh me familjen tënde. Si ia keni dalë që t’i shmangeni të gjitha këtyre operacioneve të organizuara nga Policia e Shtetit?

Policia kërkonte vetëm në shtëpinë time, në fshat. Normale që unë nuk mund të rrija në fshat.

Gjatë kësaj kohe, keni ardhur ndonjëherë në banesë për t’u interesuar për familjarët tuaj?

Po, kam ardhur.

Policia nuk arriti asnjëherë që ta identifikonte këtë?

Jo, asnjëherë. Kam ardhur dhe kam ikur.

Si i keni mbajtur kontaktet me familjarët?

Me vështirësi.

Keni ndjerë ndonjëherë rrezik se dikush, njeri i afërt që mund të ketë qëndruar me ju gjatë kësaj kohe, edhe mund t’ju dekonspironte te policia për shkak të shpërblimit prej 100 milionë lekësh, që ka qenë vënë?

Jo, jo.

Nga e mësuat lajmin që ishit shpallur “Eskobari i Ballkanit”?

Nga media. Unë edhe kur e dëgjova në media, bëra një intervistë te puna ime. Atëherë lëvizja i lirshëm, nuk më kërkonte njeri. 6 muajt e parë nuk më ngacmonte njeri.

Pra, nga maji deri në nëntor ju keni qenë i lirë?

Po, i lirë.

Keni jetuar normalisht?

Normal, po. Dilja çdo ditë në qytet. Isha pezulluar nga puna dhe isha i lirshëm.

Nuk ju kontaktoi ndonjë njeri nga policia, për t’ju thënë që jeni person i kërkuar për shkak të një hetimi në Greqi?

Jo, as edhe një.

Ju vetë gjatë kësaj kohe, ndjetë rrezik që mund të arrestoheshit?

Po, ndieja rrezik por nuk trembesha. Nuk ruhesha që të fshihesha. Pastaj kur u politizua shumë dhe u bë bujë e madhe, normale që kisha frikë dhe atëherë vendosa që të fshihesha.

Kur vendosët të largoheshit nga banesa dhe t’i fshiheshit arrestimit nga policia?

Nga fillimi i dhjetorit 2016 u bë një operacion. Unë atë ditë kisha lëvizur nga shtëpia pasdite sepse paradite isha aty. Kur mora vesh se në shtëpinë time kishin shkuar shumë policë dhe kishin bërë kontroll, normale që në atë moment u fsheha.

Pse e menduat shmangien nga arrestimi, si zgjidhjen më të mirë? Për çfarë motivi?

Për motivin se nuk kisha prova këtu dhe unë mund të qëndroja në burg derisa të vinin provat ose derisa të mbaronte çështja në Greqi.

Fare mirë mund të qëndronit në burg dhe të ishit përballur me drejtësinë, nëse ju jeni i bindur që nuk ka prova kundër jush.

Drejtësia nuk kishte dokumentet e duhura, që të më dërgonte në gjykatë dhe unë të përgjigjesha përballë drejtësisë.

Pas më shumë se 2 vitesh e gjysmë, ju keni vendosur që t’i përgjigjeni thirrjes së drejtësisë dhe të dorëzoheni. Pse pikërisht në këto momente?

Po se në këto momente kam marrë një informacion, një njoftim nga avokati, që ka ardhur dokumentacioni, siç e kam dëgjuar edhe në media, pra kanë ardhur dokumentet për t’u gjykuar, që çështja ime i kalon drejtësisë shqiptare. Nga ky moment që çështja ime i kalon drejtësisë shqiptare, unë e kam deponuar edhe vetë më përpara që nëse çështja i kalon drejtësisë shqiptare, unë jam i gatshëm që të dorëzohem në çdo moment. Nga ky moment që çështja ime i kalon drejtësisë shqiptare, unë jam i gatshëm që t’i paraqitem drejtësisë.

Kur vendosët që të dorëzoheshit? Si i vendosët kontaktet me policinë, në ç’formë? Tani që po flisni ju jeni ende i lirë, pra si kontaktuat me policinë?

Pjesëtarët e familjes kanë kontaktuar me policinë dhe i kanë thënë që në datën 15, që i bie nesër, të vijnë e të më marrin në shtëpi. Dhe unë jam paraqitur sot në shtëpi që nesër t’i dorëzohem policisë.

Nuk mendoni që në momentin që do të dorëzoheni, mund të fillojnë përsëri akuzat që janë bërë kundër jush?

Në momentin që kanë ardhur provat, unë iu paraqita drejtësisë. Se çfarë provash janë, se çfarë akuzash janë do t’i tregojë drejtësia.

A jeni në dijeni që në adresën tuaj ka një vendim në Greqi, që jeni dënuar me burgim të përjetshëm në Greqi?

Jo, jo. Greqia nuk ka burgim të përjetshëm për hashash dhe unë nuk jam i dënuar.

Pse jeni i sigurt që nuk jeni dënuar?

Sepse kam një avokat për çështjen time që më ka mbrojtur.

Avokat shqiptar apo grek?

Sepse ambasadori amerikan Lu ka deklaruar …

Çështja vazhdon që të jetë në proces gjyqësor në Greqi, nuk ka mbaruar.

Pra ju jeni i bindur që deri tani nuk ka dënim ndaj jush nga pala greke?

Çështja është në procese gjyqësore.

Gjatë kësaj kohe, ju keni qenë njeriu më i akuzuar në Shqipëri. Dhe për më tepër nofka “Eskobari i Ballkanit” ka bërë që emri juaj të ishte në krye të listës së personave më të kërkuar në Republikën e Shqipërisë.

Ajo dihet që ishte politizuar.

Por ajo që i dha më tepër peshë akuzave kundër jush ka qenë pikërisht përmendja e emrit tuaj nga ambasada amerikane…

Ambasada është ndikuar nga politika shqiptare, që më ka bërë këtë sepse unë nuk kam lidhje as me DEA-n siç më akuzon DEA, dhe as me ambasadën, se unë akuzohem për 600 kg hashash të kapura në Zakintho i dyshuar.

A e dini ju që për 2 vite e gjysmë keni qenë njeri shumë i kërkuar edhe për agjencinë amerikane të antidrogës DEA?

Po, kam dëgjuar dhe ky ka qenë shkaku që unë nuk jam dorëzuar sepse këtu u bë një bujë shumë e madhe dhe u politizua shumë. Dhe normale, si mund të dorëzohesha unë kur më akuzon si “Eskobar” për 600 kg hashash?

Gjatë kësaj kohe keni marrë ndonjë informacion përse është përfshirë emri juaj në gjithë këtë histori, sepse ju pretendoni sot që në asnjë rast nuk jeni përfshirë në trafik të drogave të forta, që zakonisht janë elementët që heton DEA amerikane.

As që bëhet fjalë fare.

Atëherë, si është e mundur që është përfshirë emri juaj?

Nuk e di. Politika, ndoshta. Nuk e di këtë se si është bërë.

Nga aq sa keni kontaktuar me avokatët tuaj në Shqipëri dhe në Greqi, për çfarë episodesh jeni nën akuzë në Greqi?

Për hashash, për punën e Zakinthos.

Për ngarkesën me 600 kg kanabis.

Ju jeni akuzuar si organizator dhe financues dhe po ashtu si përgatitës i infrastrukturës dhe i logjistikës për trafikun ndërkombëtar të lëndëve narkotike, përfshirë një seri vendesh të Bashkimit Evropian, duke filluar nga Holanda, Belgjika, Gjermania, Austria, Italia, Bullgaria.

Unë nuk kam shkelur ndonjëherë në asnjë nga këto shtete që përmenden dhe nuk kam lidhje me asnjë nga akuzat që kanë nxjerrë. Edhe në përgjimet e bisedave që diskutohet se janë në dokumentacion, unë nuk figuroj. Këto janë dokumente që mund t’i hetoni dhe t’i verifikoni në dosje.

Në deklaratën që policia e Athinës ka bërë në datën 10 maj të vitit 2016, thuhet që ju keni bashkëpunuar me vëllezërit Poti, nga Kukësi, të arrestuar në Belgjikë. A i njihni këta persona?

As që i kam dëgjuar ndonjëherë. As i kam parë dhe as i kam dëgjuar ndonjëherë. Nuk më ka lidhur ndonjëherë puna që t’i njoh këta persona.

Të kthehemi tek akuza që është bërë për rastin e Zaqithos. Aty thuhet që identifikimi juaj është bërë nëpërmjet numrit të serisë së një pasaporte. Çfarë ka ndodhur?

Si mund të nis unë pasaportën time? Përse do ta nisja? Në qoftë se isha unë ai, për çfarë arsyeje do të nisja pasaportën? Është shumë e thjeshtë, shumë e logjikshme.

Keni kontaktuar atë ditë me personin, i cili bënte transportin sepse në dosje thuhet që ju keni fikur telefonin sapo keni marrë vesh që diçka nuk shkonte.

Jo, jo. Nuk është e saktë.

E njihni ju personin i cili është ndaluar në Greqi?

Këtë të Sarandës e njoh se ja ku është Saranda dhe ka popullsi të vogël, por thjesht si fytyrë. Kontakte nuk kam.

Në çfarë rrethanash jeni njohur?

Në asnjë rrethanë, nuk kam fare asnjë lidhje. Nuk kam kontakt me anjë nga ata persona.

 Në rastin konkret, numri telefonik të cilin policia greke pretendon që është përdorur nga ju, është i juaji apo jo?

Jo. Le ta faktojnë. Unë nuk kam fare kontakt me atë lloj numri që më akuzojnë, nuk kam lidhje fare.

Autoritetet greke janë të bindura që skafi, ngarkesa dhe skafisti atë ditë, kanë qenë duke bërë trafik për llogarinë tuaj.

Për të vërtetuar këtë duhen prova.

Pse jeni i bindur ju që nuk ka prova.

E di që nuk kanë sepse di veten, njoh veten që nuk kam lidhje me atë punë dhe me atë grup. Kjo është krejt normale, si të mos jem i bindur. Unë e di veten se çfarë kam bërë.

Deri në atë moment, ju me çfarë aktiviteti jeni marrë në Greqi? Keni pasur biznes atje?

Jo. Asnjë biznes në Greqi.

Keni shkuar në Greqi?

Më parë, ka 5-6 vite, që në 2011-ën. Më pas nuk kam shkelur në Greqi.

(Shqiptarja.com)

4 komente në “INTERVISTA/ Rrëfimi i Klement Balilit: Policia nuk m’u afrua kurrë, kam qenë në shtëpi disa herë”

  1. NUK JEMI SHQIPETAR, JEMI OSMAN says:

    Rrnofte Perandoria OSMANE qe po vjen ne trojet shqiptare me: investime ne infrastrukture, ekonomi, financa,kulture, sport, tv,hoteleri, e besa edhe po na emancipojn neve shqiptareve e ne duhet tu jemi falenderues.
    Ne vetem nje shpetim e kemi: ti shkerrdhejme keto copa shtete shqiptare qe i kemi dhe ti kthejme ne vilajete te administruara nga REJISI REJEP TAIP ERDOGAN.
    RRNOFTE PERANDORIA OSMANE,
    RRNOFTE REJEP TAJIP ERDOGAN
    RRNOFTE TURQIA MODERNE
    NUK JEMI EVROPIAN JEMI OSMAN
    NE JEMI SHQIPETAR OSMAN

  2. Toni.D says:

    Po kush i hane keta genjeshtra me bisht mer “sandokandi” lsi,po pse s’thua qe me kane ndihmuar politikanet e lsi per keta dy vite sa fsheha miliardat,mqse e gjithe intervista eshte e pregatitur si te ka dashur qefi pasi pyetjet i pregatitni ju per ate gazetarin dhe jo gazetari, i ke thene te gjitha vetem nje gje s’ke thene kush do ta qg tani e tutje….
    kuptohet ata horrat e lsi.

  3. zoga e vodices says:

    PO mire more gazetari artan koqja nuk ibere nje pyetje se si e bere gjithe ate pasuri apo ja falen likja dhe saliu.

  4. Marin Barleti says:

    Mbase dikush ka passaport falls me emrin e tij nuk i dihet mos i bieni ne qafe djalit eshte gjynaf , edhe ky ka shpirt

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje