Kreu i Grupit Parlamentar të PS, Taulant Balla, ka reaguar pas betimit të 7 ministrave dhe zv/kryeministrit të ri.
Balla me anë të një postimi në mediat sociale, shton se ka shumë besim tek ndryshimet në kabinet dhe të gjithë do të kenë mbështetjen e tij.
Ndër të tjera ai shton se ata marrin tani përgjegjësi të rëndësishme në këtë moment kyç të rrugës së Shqipërisë drejt Bashkimit Evropian.
“Shumë besim dhe mbështetje të plotë për anëtarët e rinj të Qeverisë, të cilët marrin përgjegjësi të rëndësishme në këtë moment kyç të rrugës sonë Europiane.
Në qershor Shqipëria pret hapjen e negociatave me BE. Me vëmendjen për njerëzit, PS është e vetmja forcë politike në Shqipëri me lidershipin, ekipin dhe programin për ta realizuar këtë aspiratë historike”, shkruan Balla në Facebook.