Ermal Meta ekzalton teatrin Ariston në Sanremo 2019, ja detajet e natës spektakolare

Kantautori shqiptar Ermal Meta ka performuar mbrëmë në teatrin Ariston të Festivalit të Sanremos 2019.

Plot një vit pasi u shpall fitues i Sanremos 2018, artisti shqiptar Ermal Meta është rikthyer në këtë Festival si i ftuar special në natën e dueteve , me këngën në garë “Abbi cura di me” të këngëtarit Simone Cristicci.

Performanca e duetit të tyre u duartrokit fort nga publiku në sallë e përcolli mjaft komente pozitive nga fansat e tyre në rrjetet sociale.

Për kritikët e muzikës italiane kënga “Abbia cura di me” e Simone Cristicchit është një nga pretenduese për t’u vlerësuar me cmimin e parë. Këngëtari shqiptar Ermal Meta qe një vlerë e shtuar që iu dha kësaj kënge e mesazhit të saj universal për lumturinë, dashurinë, vuajtjen e bukurinë e shpirtit.

“Bota sot është shumë materialiste në gjithçka, shprehet Ermal meta, e për këtë arsye kënga e Simone Cristicchit është pritur mjaft mirë nga publiku. Është një këngë që të fton të mendish e të refketosh. Kur e dëgjova për herë të parë këtë këngë shprehet këngëtari shqiptar, u stepa e thashë me vete se është një këngë e mrekullueshme. Por vecantia është se këngët e Simone Crisitcchit njihen menjëherë pasi janë frut i artit të tij unik.”

“E njoh Simone Cristicchit që prej vitti 2005, është një artist që më emocionin. Kjo këngë është një poezi e vërtetë”, thotë Ermal Meta. Dhe pse sivjet nuk isha në garë, përgjegjësia në skenën e Festivalit është e njëjtë pasi je i ftuari i një miku e duhet të bësh më të mirën për të.”

Vetëm pak orë pas performimit në skenën e teatrit Ariston kënga “Abbia cura di me” e kënduar në duet nga Ermal Meta e Simone Cristicci ka një shikueshmëri rekord të videos së tyre me dhjetra mijëra klikime në portalin zyrtar të Festivalit.

Edicioni i 69 i Festivalit të Sanremos 2019 prezantohet nga këngëtari i njohur italian Claudio Baglioni i cili për dy vite radhazi është njëherësh dhe drejtor artistik, si dhe e nga aktorët komikë Virginia Raffaele e Claudio Bisio.

Sonte në mbrëmje do të zhvillohet nata finale dh 24 këngëtarët në garë do të përformojnë për fitimin e cmimit Palma e Artë.

Sanremo e një viti më parë u fitua nga kënga “Non mi avete fatto niente” e kënduar nga kantautori shqiptar Erma Meta me këngëtarin italian Fabrizo Moro.

Krerët drejtues të Radio Televizionit publik italian shprehen të kënaqur nga numri i lartë i teleshikuesve që kanë ndjekur edicionin e sivjetëm të këtij Festivali, mesatarisht rreth 10 milionë cdo natë, me vecantinë se ndryshe nga vitet e tjera, Sanremo 2019 ka shtuar numrin e publikut në moshë të re.

REMOTE_ADDR:[]

1 komente në “Ermal Meta ekzalton teatrin Ariston në Sanremo 2019, ja detajet e natës spektakolare”

  1. #Gopisti i NSHRAK-ut says:


    E pashë mbrëmë Sanremo
    Ermalin,
    duke interpretuar
    e bukur dhe e veçantë kënga
    Ermali?
    Vlerë e shtuar.
    ..

Lini një Përgjigje

Adresa juaj email nuk do të bëhet publike. Fushat e domosdoshme shënohen *