Një mënyrë e re varrimi, kompostimi njerëzor

21 Prill 2019, 19:32Lifestyle TEMA

Washington-i është gati për t’u bërë shteti i parë amerikan që ligjëron “ reduktimin organik natyror” të trupave, pra kompostimin njerëzor.

Guvernatori demokrat Jay Inslee, do të firmosë për një javë legalizimin e “reduktimit organik”, “djegies së lëngshme” (një proces tretjeje teknikisht i quajtur alkaline hydrolysis), si një alternativë të varrimeve të tjera.

Jay Inslee po bën fushatë për zgjedhjet presidenciale demokratike të vitit 2020 duke përdorur një platform ambientaliste. Fundja, çka më miqësore ndaj mjedisit se të plehërohet Toka me vetë mbetjet e njeriut.

“Djegia e lëngshme” është e ligjshme në tetë shtete të tjera, edhe pse ka hasur në kundërshti nga kleri katolik, sipas të cilit kjo tregon mungesë respekti ndaj të vdekurit.

“Reduktimi organik” është një ide e re, e lindur nga kërkimet shtatëvjeçare të dizajneres Katrina Spade. Ajo punësoi një grup shkencëtarësh për të provuar se ideja e kthimit të trupave njerëzorë në plehërues ishte e sigurt dhe e realizueshme.

Pasi tregoi që trupat njerëzorë të dekompozuar në tokë i tejkalojnë standardet e produkteve të rrezikshme (si metale e produkte të tjera), ajo tashmë po sheh ëndrrën e saj të realizohet.

Sipas saj, procesi do të kushtojë 5,500 dollarë, që gjithsesi është më pak se 7000 dollarë që kushton djegia.

Si bëhet kompostimi njerëzor? Trupi vihet në një enë me kashtë, ashkla, jonxhë, dhe shtohen bakterie termofilike. Ajri që kalon nëpër të e vazhdon procesin. Për një muaj trupi arrin përmasa të vogla dhe kompostoja mund të merret në shtëpi.(TemA TV)

1 komente në “Një mënyrë e re varrimi, kompostimi njerëzor”

  1. VERI says:

    Ne doni te mos keni nje varr emigroni ne Amerike, pra ne vendin qe dhe te vdekur te “asgjeson” ..!

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje