Dokumenti i 13 dhjetorit 1947: Si u arratisën nga kampet e punës së detyruar të burgosurit politikë

U pushkatuam familjarët, si u arratisën 9 të burgosur politik nga ferma e Llakatundit…

Pas arratisjes së 20 të burgosurve politikë nga kampi i Beratit, prillin e vitit 1947, në dhjetor të po atij viti, ngjarja ripërsëritet në fermën e Llakatundit, ku ishin izoluar 60 të burgosur politikë, që regjimi i quante “armiq të popullit”. Sipas dokumentit që kujto.al e sjell të plotë, arratisja kishte ndodhur për shkaqe të sigurisë së ulët. Lajmi alarmues për kupolën e regjimit, përcillet në Komitetin Qendror nga Sokrat Bufi, një përfaqësues partiak, atë kohë i angazhuar në seksionin politik të Policisë Popullore.

Ai shkruan se të burgosurit që ishin arratisur, që të gjithë kishin të pushkatuar kush vëllanë e kush të jatin dhe se ishin të gjithë të dënuar nga 10 deri në 20 vjet.

Dokumenti zbulon veç ngjarjes, edhe prapaskenat tipike të regjimit komunist, ku për çdo gjë që ndodhte krijohej një skenar i shkaqeve, i përgjegjësve dhe i masave drastike që merrte Partia Komuniste.

Në vijim, dokumenti i plotë:

Vdekje Fashizmit
Liri Popullit
Partija Komuniste shqiptare
Seksioni politik i Drejtorisë P.Policisë Popullore

Tiranë më 13/XII/1947

Komitetit Qendror të P.K.Shqiptare
Tiranë

Njoftojmë se më datën 3/XII/1947 nga ferma e Llakatundit ku punojnë rreth 60 të burgosur (Armiq Populli) janë arratisur 9 prej tyre, njerëz këta që kanë qenë të dënuar me 10 dhe 20 vjet.

Të burgosurit (që) u larguan, që të gjithë kanë pasur të pushkatuar kush vëllanë e kush të jatin.

Ikja e të burgosurve nga burgu i Llakatundit është shkaktuar nga neglizhenca e madhe që ka treguar përgjegjësi i rojes special atje reshter Brahim Hoxha A.P. si dhe nga dobësija e drejtorisë së burgut në kontroll.

Drejtoria e policisë për ta parë në vend çështjen dhe për të marrë masat e nevojshme për kapjen e tyre ka dërguar një nga kontrollet ku sipas konstatimeve rezulton se:

A.P. Reshter Brahim Hoxha ka qenë mjaft i familjarizuar me të burgosurit aq sa prej tyre ka marrë zoq të skuqur, raki dhe duhan. Nga ky familjaritet që ka ekzistuar, reshteri shumë herë karshi të burgosurve është treguar mjaft i butë dhe bile ka vepruar në kundërshtim me rregulloret e burgjeve, p.sh. apelin që duhesh ta bënte dy herë ditën, ai e ka bërë një herë në pesë ditë , derën e burgut e linte hapur qysh në orën 9 mbas dite dhe gjatë kësaj kohe të burgosurit kanë qenë të lirë për të kryer nevojën, e cila ishte mëse 20-30 metro larg burgut.

Para një muaji e gjysëm këtu është gjetur një litar i varur nga Drejtoria e burgut dhe po në datë 2 të këtija prapë është gjetur një dru i gjatë i lidhur me litar varur në dritare, gjëra këto që tregonin se të burgosurit po tentonin për të ikur. Rreshteri për këtë nuk ka marrë asnjë masë e për më tepër kur sekretari i grup celulës tetar… i thotë për të marrë masa, të kontrollohej burgu dhe të shifeshe se kush po tenton, rreshteri është munduar të fshehë litarin duke thënë se është tel etj. Nga ana tjetër kur rreshteri është goditur në grup celulë për familjaritetin me të burgosurit dhe për neglizhimin që ka pasur treguar ai nuk pranonte, prekej aq sa njëherë ka ikur nga mbledhja.

Grup-celula këtu çështjen e dobësive që dukeshin e ka pas ngritur shumë herë e sidomos neglizhencën e reshterit dhe masat që të burgosurit po merrnin për ikje sidomos për 5 prej tyre, të cilët vazhdimisht mblidheshin si grup etj. Për këtë çështje që Grup-Celula e ngrinte me forcë reshteri në fjalë dhe vetë drejtoria e burgut nuk ka marrë masat e duhura të paktën të transferonte disa nga të burgosurit që dyshohej se mund të iknin.

Shtojmë se Ibrahim Hoxha gjith’ashtu dhe vetë drejtoria e burgut thosh që, të burgosurit janë përmirësuar e ndjejnë fajin, tash punojnë me koshiencë dhe sikur vetëm ti lësh ata nuk ikin etj. Opinion ky jo i drejtë dhe që s’ka se si kurrë ata shifen në atë mënyrë.

Antari i Partisë Ibrahim Hoxha ka qenë shoferi i Memet Alemit, i cili ka qenë tradhtar dhe si organizator i Ballit. Gjithashtu ky dhe sot ka shprehur pakënaqësira në lidhje me gradën dhe rrogë gjoja sikur si është dhënë e drejta etj…

Për të gjitha këto atje u muar masat e duhura, u mbloth organizata e Partisë, u mblodh shtabi i seksjonit dhe drejtoria e burgut, ku u goditën gjithë dobësitë dhe u organizua ndjekja për kapjen e të burgosurve kurse reshteri u arrestua jo vetëm si njeri që ka neglixhuar por nga të gjitha këto dyshohet të ketë pasur dhe lidhje për ikjen e tyre.

P. Seksioni Politik
Sokrat Bufi/kujto.al

REMOTE_ADDR:[]

9 komente në “Dokumenti i 13 dhjetorit 1947: Si u arratisën nga kampet e punës së detyruar të burgosurit politikë”

  1. Deda says:

    Nuk kan qen te burgos politik kan qen bashkeputor me nazifashizmin kriminela antishqiptar , mos na ktheni llumin ne heronj , prandaj jemi katandisur per i bret ka 30 vjet se i jepni lavdi maskarenjve kriminelve te kti vendi dhe antishqiptarve dhe ata ja u qin nenen siç e meritoni ,:se maskaralliku krimi dhe vjedhja jan veset evmaskarenjve dhe antishqiptarve, kta kan qen pushtat e kombit jo te burgosur politik , kujdes kur i etiketoni.

  2. Deda says:

    Nuk kan qen te burgos politik , kan qen bashkeputor me nazifashizmin kriminela antishqiptar , mos na ktheni llumin ne heronj , prandaj jemi katandisur per i bret ka 30 vjet se i jepni lavdi maskarenjve kriminelve te kti vendi dhe antishqiptarve , dhe ata ja u qin nenen siç e meritoni ka 30 vjet demokraci ,:se maskaralliku krimi dhe vjedhja jan veset e maskarenjve dhe antishqiptarve, kta kan qen pushtat e kombit jo te burgosur politik , kujdes kur i etiketoni.

  3. Hamshori says:

    Pse na shkruani nga keto mbrockullat e kota dhe nuk na rrefeni plot perdhunime qe gardianet e burgjeve,policet dhe sigurimsat u benin grave,vajzave,motrave,kushurirave etj te te burgosurve,arratisurve,internuarve etj?
    Keto po qe jane tregime me interes per te marre vesh se sa femije te lindur nga keto femra te perdhunuara kane baballaret biologfjike ish komunistet e jo burrat e nenave te tyre!
    Bile ato te bejne ADN dhe te kerkojne demshperblim nga perdhunuesit e tyre duke u dhene edhe atesine femijve te tyre!
    Se nuk mjafton vetem te shash qe te paskan perdhunuar,se fundi qejfin keni bere ne rreze te mullarit,por duhet edhe ndonje lek se eshte bere keq tani!
    Ja psh ca komentues ketu si “intelektuali”,”tartufi” ,”vasili” etj me siguri qe jane pjelle e spermes komuniste,prandaj jane edhe kaq te zgjuar!

    1. moni says:

      Avash se na bere per te qare. Ne ka dicka qe nuk i prek dot asaj kohe ishte morali. Pune tjeter se ca perverse si ty cdogje e lidhin me dhunen seksuale. Kjo tregon shume per problemet dhe frustrimet tuaja. Ti dil me Lulin ne proteste, hidhni shigjeta dhe moloteve se dhe inteligjenca juaj nuk shkon pertej kesaj. Ju qe lindet nga sperma jokomuniste u bete Ajnashtajnet e shekullit, me ne krye Dr. Frankeshtejnin, i perkedheluri i bllokut qe conte shurren e nomenklatures per analiza ne Paris!

  4. HISTORIAN says:

    Kush ta tregoi ty DED mami qe ishin bashkepunetore te gjermaneve ? turp te vije ,ishin trgetare te munduar e te punuar shume ,qe bythegrisurit dembela i quajten armiq te popullit

    1. Filip says:

      O Historian aty thuhet se te gjithe kishin vella ose baba te pushkatuar.Nuk te pushkatonte njeri atehere se ishe tregtar.Atehere pushkatonin tradhtaret, kpushtuesi,bashkepunetoret e pushtuesit

  5. Qerim Selmani says:

    ja, per besnikerine ndaj Partise dhe shokut Enver, te shfaqur kurdohere nga Sokrat Bufi, sot Fatmir Mediu propozon, qe te birin e Sokratit, Ylli Bufin, nje Enverist shembullor, ta beje pjestar te qeverise teknike qe opozita kerkon. Behet fjale per ate “Yllin”, autorin e thenies “edhe gjashte dite buke kemi”, e cia coj ne vdekje nje numer qytetaresh ne Fush Arrez te Pukes.

  6. Pellazgos says:

    Enveri dhe shume te tjere qe i kane duart me gjak e katandisen ate vend thjesht nje burg te madh ku servilat,spiunet,tradhetaret e Lirise se vertete te njeriut kishin privilegje,dilnin nga Burgu Albania me leje nga Partia e “popullit” dhe shikonin boten e vertete.
    Njeriu ka lindur i Lire,kafsha e eger duhet te kufizohet.
    Keto pasoja populli i vuajture qe kurre

  7. kam degjuar says:

    Po çfare te keqe ka ketu? Duhet te ishin pushkatuar.

Lini një Përgjigje

Adresa juaj email nuk do të bëhet publike. Fushat e domosdoshme shënohen *