"Skifterat" në Rinas vjedhin edhe bagazhet, udhëtarët kanë denoncuar 67 raste në 15 muaj

20 Maj 2019, 16:01Kronika TEMA

Vjedhja e bagazheve në aeroportin e Rinasit vijon të jetë shqetësim për udhëtarët. Me urdhër të prokurorisë të Tiranës sot janë arrestuar 2 punonjës, ndërsa 2 të tjerë po hetohen në gjendje të lirë. ABC News mëson se në 15 muaj në Komisariatin e Policisë Kufitare të Rinasit janë denoncuar 67 raste vjedhjesh.

Siguria në aeroportin e Rinasit ka pasur probleme të herë pas hershme, konkretisht dhe për vjedhjen e sendeve nga valixhet e pasagjerëve, raste këto të përsëritura.

Por ndryshe nga herët e mëparshme, ku shumica e denoncimeve nga të dëmtuarit janë administruar nga TIA, e më pas janë mbyllur pa u gjetur autorët, këtë herë me urdhër të Prokurorisë së Tiranës u prangosën dy punonjës që janë përgjegjës për sektorin e transportit të bagazheve.

Në bashkëpunim edhe me dy punëtorë të tjerë të aeroportit, ata arritën të merrnin 4800 euro në bagazhin e një udhëtari që kishte si destinacion Slloveninë. Nga hetimet rezultoi se dy të arrestuarit kishin kryer gjatë dy muajve të fundit edhe katër grabitje të tjera në drejtim të udhëtarëve.

Ata nëpërmjet vjedhjeve kishin përfituar shuma të mëdha monetare të, si paund e dollar të udhëtarëve. Në komisariatin e Rinasit janë denoncuar edhe disa varëse floriri e sende të tjera me vlerë të humbura në mënyrë të mistershme gjatë transportit të valixheve nga qytetaret te barku i avionit.

Nisur nga ky numër i lartë denoncimesh, Policia e Rinasit me anë të një shkresë gjatë vitit të shkuar i ishte drejtuar kompanive ajrore të marrin masa për parandalimin e rasteve të tilla, duke vendosur kamera portative brenda barkut të avionëve.

Në letrën drejtuar TIA-s, thuhet se bagazhet të ngarkohen në kontenierë për të shmangur kontaktin me punonjësit, të cilët merren me ngarkimin dhe shkarkimin e tyre.

Siguria brenda pistës së aeroportit të Rinasit u cënua mesditën e 9 prillit kur u grabitën 6 milionë euro. Për këtë arsye, u vendos që Policia Ushtarake të monitorjë perimetrin e jashtëm të aeroportit, nga ku u grabitësit kanë mundur të thyejnë dy herë gjatë këtyre 3 viteve sigurinë e tij.

2 komente në ““Skifterat” në Rinas vjedhin edhe bagazhet, udhëtarët kanë denoncuar 67 raste në 15 muaj”

  1. Deep State says:

    Skifterat e Ramutit dhe Ripjelles Socialiste. Shreti rrumpall e gangster mafjoz i Shqiperise se Leshit.

  2. Pak rendsi says:

    Sugjerim personal.
    Mos fusni gjera me vlere ne valixhe te madhe, por futini neper canta te vogla dhe mbajini aty ku mbani laptopin qe ti keni gjithmone me vete, ashtu sikurse edhe pasaporten.
    Valixhja e madhe mund te vidhet, ashtu sikurse mund te humbi. Ne te kundert me mire ti transferoni parate me Western Union.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje