Granit Xhaka: Ndjehem shqiptar, ishte e vështirë të luaja kundër kuqezinjve

15 Qershor 2019, 15:08Sport TEMA

Prej ditësh, ylli i Arsenalit, Granit Xhaka ndodhet në Kosovë aty ku edhe sot do të zbresë në fushën e blertë për ndeshjen përballë shokëve të Milot Rashicës.

Xhaka ka dhënë një intervistë për mediat në Kosovë, ku ka folur në lidhje me ndeshjen e tij kundër Shqipërisë por edhe për një ndeshje të mundshme ndaj Kosovës.

Kapiteni i Zvicrës u shpreh se ishte mjaft e vështirë të luante kundër kuqezinjve pasi ndihet shqiptar ndërkohë që u ndal edhe te Kosova dhe Europiani.

Xhaka pranoi se mundësitë janë të mira duke shpresuar që Kosova të arrijë në Europian.

“Jam shumë krenar me këta shokë, me këta djem se si janë duke luajtur. Shanset janë të mira, shpresoj të arrijnë atë qëllim për një kualifikim në Europian.

Ka qenë shumë e vështirë të luaja kundër Shqipërisë, por nëse na bie rasti të luajmë kundër Kosovës… është vështirë, shumë vështirë të jap një përgjigje. Prindërit i kam nga këtu, unë kam lindur në Zvicër, por ndjehem shqiptar kështu që të luaj kundër Kosovës do të jetë një ndjenjë e veçantë. E kemi detyrë që të luajmë edhe pse do të ishte e vështirë”, tha Xhaka.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje