Përgjimin tonë të përditshëm, na jep!

Nga Bledi Lumani

Astrit Patozi ka postuar një video emblematike, që tregon seancën parlamentare të tre viteve më parë, kur sapo kishin përfunduar zgjedhjet për Bashkinë e Dibrës.

Ai ka mbajtur një fjalim për vjedhjen e zgjedhjeve në Dibër, por në sallë, me përjashtim të Jozefina Topallit, nuk ndodhej askush nga PD, pasi Lulzim Basha kishte nxjerrë jashtë Parlamentit grupin parlamentar demokrat.

Pavarësisht akuzave dhe luftës së egër gjatë fushatës së 2016-s, Lulzim Basha pas humbjes së Bashkisë, e “harroi” vjedhjen e votave në Dibër dhe nuk tha më asnjë fjalë.

Kur shkoi në 2017-n për fushatën zgjedhore parlamentare, foli vetëm për “shushunjat” e LSI-së dhe PDIU-së, por nuk përmendi në asnjë fjalë, vjedhjen e votave nga PS më 2016.

Kuptohet, nuk mund të thoshte gjë kundër PS-së, pasi marrëveshja e 17 majit me Ramën, e gënjente se mund të qeveriste me këtë të fundit pas 25 qershorit.

Pasi humbi edhe zgjedhjet parlamentare dhe bashkëqeverisja me Ramën nuk u bë, atëherë në skenë dolën dosjet “339” dhe “184”.

Ka më se dy vite që flitet për këto dosje nga ana e PD-se, e cila kishte dijeni të plotë për përmbajtjen e tyre, duke qenë se fliste për përgjime dhe për përfshirjen e të paktën një ministri (gazetarët pranë saj e kanë përmendur emrin e Damian Gjiknurit me kohë).

Por, i kanë mbajtur këto dosje për t’i përdorur politikisht në momentin e duhur, dhe nuk i kanë publikuar që kur iu ranë në dorë, për t’u ndëshkuar autorët e vjedhjes së votave (prokurorët që iu vunë në dispozicion përgjimet ishin të tyret dhe kishin në dorë t’i çonin para ligjit, nga Imer Lala, tek Damian Gjiknuri).

Dhe momenti erdhi. Përgjimet iu duheshin tani, për të zhurmuar Europën  në momentin kur jepej vendimi për çeljen apo jo të negociatave, dhe për të frymëzuar mbështetësit e vet, që të mos lejojnë zgjedhjet e 30 qershorit, me argumentin se këta do na vjedhin, siç na kanë vjedhur edhe zgjedhjet e shkuara.

Për të bërë sa më shumë bujë dhe sa më të besueshme, përgjimet ia kanë çuar një gazetari gjerman, i cili i boton me seri ato, sa herë ka ndonjë ngjarje në Shqipëri, apo para çdo protesteje.

Si në çdo telenovelë, fillimisht një ditë apo dy ditë më parë, ai paralajmëron bombat që do të botojë, mediat shqiptare kuptohet, duan ushqim dhe bombardojnë lexuesit dhe shikuesit me paralajmërime për publikime bombë, dhe njerëzit e shushatur presin me gojë e veshë hapur, se çfarë do të dëgjojnë këtë herë.

Efekti pastaj është shokues dhe shou i garantuar.

Revolta po ashtu e kuptueshme.

Vetëm se, këta k**derrat e përgjimeve që sot na shfqen si ata aktorët e serialeve mafioze, tani mund të ishin në burg, jo personazhe të telenovelës së përjavshme me përgjime të “Bild”.

Por, PD-së nuk i duheshin në burg, sepse çfarë kuptimi do të kishte një mbyllje e tillë.

Telenovelë me fund të shpejtë nuk ka.

Duhet të ketë njëherë ca zhvillime, shokim, shkulje flokësh, përleshje, revoltë, destabilitet, pse jo dhe luftë!

Fundi pastaj, ashtu si në çdo telenovelë, nuk i dihet!

(Në videon e mëposhtme, kemi Lulzim Bashën në fushatën zgjedhore të 2017-s në Dibër. Në asnjë moment ai nuk përmend vjedhje votash, por merret vetëm me shushunjat e LSI-së dhe PD-së)

Kur Lulzim basha akuzonte LSI-në dhe PDIU-në për vjedhje votash: Ilir Meta njërën dorë në bakllava, tjetrën në sheqerpare

Kur Lulzim basha akuzonte LSI-në dhe PDIU-në për vjedhje votash: Ilir Meta njërën dorë në bakllava, tjetrën në sheqerpare

Publiée par Gazeta TemA sur Jeudi 20 juin 2019

REMOTE_ADDR:[]

5 komente në “Përgjimin tonë të përditshëm, na jep!”

  1. Askushi says:

    O Luman Bledi, më i arrirë do kish qon titulli (thomi u ), po t’kish qon kshu; -Përgjimin tonë të përditshëm, jepna sot .

    1. vang says:

      gazeta te tilla bulevardeske nuk i lexon kush jashe Shqiperise,pervec atyre me nivel shume te ulet dhe atyre qe u pelqejne ”sensasionet”.Pikerisht ngaqe nuk e dime ne Shqiperi se cfare fletushke eshte kjo gazete qe kalon me qindra gjyqe,sygjestionon shqiptaret si gjoja ”gazete gjermane me tirazh te madh” qe duket te kete edhe ”seriozitet te madh”.Po meqe kete te ashtuquajtur gazetar e ka takuar Cullaku dhe Lala bindemi me shume se me ke kemi te bejme.Lalen para dy ditesh e ”kishin njoftuar” nga MIN e BREND.se Lleshaj kish folur per vrasjen e mundeshme te Bashes,Dhe kur i merr ajo informacionet mos kini dyshime.

  2. ermal says:

    Basha arriti dy qellime:
    shkaterroi cdo mundesi qe Shqiperia te pranohej nga Europa
    beri aq zhurme sa mundi qe te mbulohet dialogu Kosove-Serbi dhe qe Shqiperia dhe Kosova, te dalin si vende te padenja, pra shqiptaret si njerez me te cilet nuk bisedohet se jane mashtrues.

    Por mashtruese eshte politika ne Shqiperi, jo populli qe eshte nga me te miret dhe me te ndershmit ne Evrope.
    Turp per Bashen, turp per ata qe e quajne veten demokrate dhe qe e ndjekin nje oportunist te tille, per me teper nese jane marre vesh me Ramen. Si gjithmone Shqiperia duhet te beje dramaqueen, sa here qe vendosen ceshtje madhore per Kosoven.

    1. Pellumbi says:

      Ke fare gazetari Gjermane do tw jete nje fundurin qe merret me fundurinat e Kombit Shqipetare .Fundurina ka le itile eshte dhe do te jete pergjithmon fundurin .Keta nuk e duane Kombin qe i ka rrite .

  3. Pede Tiede says:

    ky gazetari Petr Tiede eshte nje LGBT asgje me shume Punon si gazetar i lire perBild dhe paguhet me honorare Esht paguar mire nga Lylzimja ,Berisha e Meta me parate e vjedhura nga Shqiptaret

Lini një Përgjigje

Adresa juaj email nuk do të bëhet publike. Fushat e domosdoshme shënohen *