Emmanuel Macron dëshiron rol më të madh në bisedimet Kosovë – Serbi

Kosova do të jetë njëra ndër temat kryesore të bisedimeve të presidentit francez, Emmanuel Macron, gjatë vizitës së tij në Beograd.

Sipas mediumit francez “Frans 24”, Presidenti Macron dëshiron të ndihmojë nagociatat për normalizimin e marrëdhënieve midis Kosovës e Serbisë, sidomos pas dështimit të Samitit të Parisit, që ishte paralajmëruar për datën 1 korrik.

Loran Rui, një gazetar francez, ka thënë se kancelarja gjermane, Angela Merkel, dhe presidenti i Francës, Emmanuel Macron kanë vendosur të përfshihen në negociatat Kosovë-Serbi.

Sipas tij, Franca asnjëherë nuk ka pushuar të jetë e interesuar për Ballkanin dhe Serbinë.

“Vizita e Macron në Serbi, e vërteton se interesi është rritur edhe më shumë. Edhe mua më duket se Franca shihet si një vend qendror në rajon dhe është e interesuar që Ballkani të bashkohet me BE-në, pavarësisht se Macron tha se problemet duhet të zgjidhen në Bruksel dhe se kjo e zgjat pritjen e anëtarëve të rinj”, ka thënë ai.

Rui ka theksuar se politika e Francës, e cila e mbështet integrimin e Ballkanit në BE nuk ka ndryshuar. Sipas tij, Macron dëshironte ta vizitonte Serbinë në dhjetor të vitit të kaluar, por u pengua nga protestat në Francë.

Ditë më parë, mediat në Serbi shkruan se Franca e ka ndryshuar qëndrim ndaj Kosovës dhe se tani po ia mban anën Serbisë, por një gjë e tillë u mohua nga Qeveria e Kosovës.

REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *