Mirsad Jonuz është trajneri ri i Vllaznise.
Jonuz është prezantuar ditën e sotme në zyrat e klubit shkodran duke zëvendësuar në këtë detyrë Agim Canaj.
Trajneri maqedonas gjatë karrierës së tij në drejtim ka punuar me disa ekipe duke filluar nga ai i Rabotniçkit, për të vazhduar me Pobeda Prilep, para se të merrte drejtimin e kombëtares U21 të Maqedonisë të cilën do ta drejtonte nga vitet 2003-2009.
Në këtë vit i është besuar drejtimi i ekipit të parë të kombëtares së vendit fqinj.
Në krye të kombëtares maqedonase ka qëndruar për dy vite duke e drejtuar në 30 ndeshje.
Pas kësaj, ka punuar në krye të ekipit qipriot Nea Salamis. Ka provuar të jetë edhe drejtor teknik tek FC Horizont Turnovo në vendin e tij ndërsa në sezonin e kaluar ka qenë trajner i ekipit FC Aiginiakos në Greqi.