MESAZHET/ “Kam probleme me një femër": Historia e pabesueshme gruas së martuar nga Tirana, me të 'dashurën' e burrit

20 Korrik 2019, 17:54Politika TEMA
MESAZHET/ “Kam probleme me një femër": Historia e

“Kam problem me një femër… nuk dal dot nga shtëpia se më kërcënon në telefon”. Duke u dridhur dhe pas disa muajsh që i është prishur qetësia dhe familja, një grua e martuar ka ngjitur ato pak shkallë të Komisariatit nr.4 të Policisë në Tiranë, për të denoncuar një vajzë të re beqare që, sipas saj, e kërcënon vazhdimisht me mesazhe në telefon. Oficerët e policisë kanë nisur hetimin.

Të dyja femrat pasi kanë komunikuar gjatë me mesazhe me njëra-tjetrën, kanë përfunduar duke e kërcënuar njëra-tjetrën. Por të dyja këmbëngulin se tjetra gënjen. Kallëzimi është mbajtur nga një oficere e Komisariatit nr.4, që pasi ka regjistruar problemin e gruas së martuar, ka pyetur edhe vajzën beqare. Gazeta “Si” mëson se oficerja do të pyesë gjithashtu edhe personin që është bërë shkak për grindjen dhe për konfliktin mes dy femrave dhe që është bashkëshorti i denoncueses.

E martuara

Ertisa M. është nga Pogradeci dhe jeton në kryeqytet. Ajo u paraqit në komisariat për t’i kërkuar policisë arrestimin e një vajze që quhet Rosela B. “Ajo ka hyrë në marrëdhënien time me bashkëshortin. Në një prill zbulova disa mesazhe mes bashkëshortit dhe asaj dhe që atëherë marrëdhënia jonë është ftohur. Jam munduar ta ruaj familjen, por kjo femër më dërgon në mënyrë të vazhdueshme mesazhe me përmbajtje kërcënuese dhe fyese.

I kërkova bashkëshortit të mos komunikojë me të, por ai vazhdon. Një ditë i dërgova mesazh asaj nga telefoni im dhe i kërkova të largohej dhe madje edhe e fyeva. Që nga ajo ditë ajo më shkruan në viber dhe në fund të qershorit ajo më dërgoi foto të ballkonit dhe më thoshte se ishte poshtë dhe donte të më takonte.

Më shkroi dhe më thoshte “sot jam gati të të vë flakën ty dhe gjithë ç’ke brenda”, ka deklaruar e martuara në deponimin e siguruar nga gazeta “Si”. Gruaja e martuar i tregoi policisë se “në mbrëmje mesazhin ia kishte treguar bashkëshortit, por ai i kishte thënë ta linte me aq se vajza e re kishte njerëz dhe do ta rrihnin”.

Çifti ka debatuar atë natë për Roselën dhe të nesërmen në datën 24 qershor, për shkak të grindjeve, bashkëshorti është larguar nga shtëpia për të qëndruar në qytetin e tij të lindjes, në Fier.

Denoncuesja shprehet se kishte marrë fëmijën e vogël dhe kishte udhëtuar drejt Fierit ku është përpjekur të qetësonte ujërat në familje, por partneri ia ka prerë shkurt: “Nuk kemi më punë bashkë!”. Në vazhdim, sërisht nga telefoni, beqarja i ka shprehur keqardhjen duke e ngushëlluar: “Më vjen keq që ta prisha familjen!”

Beqarja

Por një version krejt tjetër ka Rosela B., vajza nga Lushnja, e cila prej katër vitesh jeton në Tiranë. Rosela B. sapo i ka mbushur 20 vjetët. Ajo këmbëngul se është viktimë e një martese që nuk ka shkuar siç duhet.

“Unë nuk kam lidhje me burrin e saj. Një ditë bashkë me shoqërinë po pija kafe dhe rastësisht njoha edhe atë tipin, i cili me sa më kujtohet, quhet Joni. Pas kësaj, me këtë djalin kam folur vetëm në telefon. Një ditë në telefonin e këtij djalit u përgjigj një femër që më tha jam Ertisa dhe jam gruaja. Filloi të më shante dhe të më thoshte se po dilja me të martuar dhe se ai kishte fëmijë.

Vetëm më shante. Vazhdimisht më pas, vetëm më shante. Ajo më tha se do të më nxjerrë sytë. Në këto kushte, ndryshova numrin e telefonit, por ajo ma zbuloi numrin e ri. Ndaj i thashë “më ke prekur aty ku më dhemb më shumë” dhe shtova se “nuk do ta lija rehat”. Është e vërtetë që njëherë i kam thënë jam poshtë ballkonit, por ia kam thënë qëllimisht, pasi një ditë kur po kaloja në lagje, pashë në ballkon bashkëshortin e saj. Unë ju vë në dispozicion gjithë komunikimin me këtë grua. Ajo më ka bezdisur, për sa më takon mua i kam kërkuar falje”, ka deklaruar vajza nga Lushnja, në deponimin e siguruar nga gazeta “Si”.

Të dyja qëndrimet e grave, të cilat pretendojnë se janë përndjekur nga njëra-tjetra, janë referuar në Prokurorinë e Tiranës që do t’i thërrasë. Asnjëra nuk e njeh fizikisht tjetrën. Ato vetëm kanë folur në telefon për tre muaj me radhë, herë me mirësjellje, herë duke kërkuar falje dhe herë duke kanosur.

Policia ka këqyryr edhe telefonin e dy grave. Njëra prej tyre është jo vetëm e frikësuar nga beqarja, por edhe xheloze. Ndërsa tjetra, e qetë mendon se i ka dhënë një leksion gruas, e cila tashmë ka mbetur vetëm me foshnjën 3-muajshe. Dhe derisa gratë të sqarohen, bashkëshorti që piu kafen e gabuar dhe flirtoi me një tjetër, po mediton në qytetin e tij të lindjes.

10 komente në “MESAZHET/ “Kam probleme me një femër”: Historia e pabesueshme gruas së martuar nga Tirana, me të ‘dashurën’ e burrit”

  1. Muli says:

    Ky ësht ël niveli i shoqërisë Shqiptare sot. Një i pasur që mendon se përveç gruas, çdo punonjëse është e dashura e tij, një politikan që përveç gruas mendon që tërë sekretaret apo punonjëset e institucionit janë të dashurat e tij, një pijanec që përveç gruas në çdo klub që shkon dhe sheh femra duke pirë kafe mendon se janë të dashurat e tij, dhe qershia mbi tortë, këto femra në vend se të merren me burrin dhe më familjen dhe ta vënë përpara përgjegjësisë burrin, merren me të dashurat e ti j të cilat në një farë mënyre janë dhe ato viktima.

    1. ben says:

      koment i shkelqyer

  2. Muli says:

    Harrova të them, dhe niveli i gjuhës së komunikimit dhe niveli i Shqipes, o zot o zot, nuk ka shans që ta dëshifrosh.

    1. Tropojani says:

      per mendimin tim prokuroria ti akuzoje te dyja palet per mungese drejtshkrimi dhe gramatike
      do ishte gjeniale

  3. Ai vete says:

    Lushnjarja: Do me mtaku…as nuk du me tprish familjen
    Lushnjaret nga lushnja: He reee, do te me takosh eeeee?!

  4. Une dhe ti says:

    Eshte koha ne Shqiperi te fillojne “ Jerry Springer Show” !!!

  5. mik says:

    E c’ka asht kjo, love story ?!! Ca jane keto history banale more tema, apo zbavitje per fund jave !!
    Tregues niveli i gazetes.

  6. Era says:

    Muli eshte niveli i shoqerise shqiptare.Eshte menyra e veshjesh provokuese tek femrat,make-upi etj.Te flasi gruaja me te dashuren e burrit vetem ketu e kan degjuar.Gruaja duhet te flasi me burrin e saj njehere pastaj me te dashuren.Kjo tregon qe ne Shqiperi divorci eshte nje tabu sidomos kur hyjne edhe familjaret e te dyjave paleve.

  7. Kollodoku says:

    O joni. Treshe mer plak. Treshe.
    Hyp njones zbrit, hyp tjetres zbrit e kshu me rradh.
    Provoje so ngelesh shume i knaq.

  8. Lapraks says:

    Lushnje pogradec fier…ska ngel katnar pa ardhur ne tirane. Duhet te rikthehet sa me shpejt pashapirtizimi.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje