Pinte 7 ekspres dhe 4 paketa duhan në ditë: Disa fakte të 'panjohura' për Ibrahim Rugovën

21 Korrik 2019, 21:45Rajoni TEMA

Ibrahim Rugova ishte shkrimtar, filozof e intelektual. Është një nga themeluesit e Republikës së Kosovës dhe Lidhjes Demokratike të Kosovës (LDK), pa të cilin historia moderne e Kosovës nuk do të mund të shkruhet, pa e përmendu, shkruan Gazeta Metro.

Shumë mite dhe fjalë janë thënë e publikuar për Presidentin e ndjerë Ibrahim Rugova. Por të paktë janë ata që i dinë mirë faktet rreth tij.

Gazeta Metro, është kujdesur dhe ka biseduar me të afërmit e Rugovës, këshilltarë të tij, shokë të klasës fillore e të studimeve, për të sjellë fakte interesante që nuk dihen publikisht.

Më poshtë ju sjellim 6 fakte interesante për Rugovën, jetën dhe shijet e tij, që nuk i keni ditur deri tash.

1.Gjithmonë e mbante nënën me vete. Rugova në momentin e parë që krijoi mundësitë financiare dhe fitoi bursën… u kujdes që nënën e vet ta marrë në Prishtinë, që ishte e veçantë dhe e rrallë në atë kohë për një student në Kosovë. Ai mori me qira një banesë, në lagjen Lakrishte në Prishtinë ku jetoi me nënën e vet përgjithmonë, edhe pasi u martua, deri sa ajo ndërroi jetë.

2.‘Presidenti Legjendar’ i pinte mesatarisht ‘shtatë esspreso dopio’ në ditë. Dhe këtë e bënte në embëltoren e famshme ‘Elita’ që gjendet ende në qendrën tregtare që atë kohë quhej “Boro Ramizi” në Prishtinë. Tavolina e tij, ende mbetet e njëjta në këtë lokal ku ruhen legjenda të tilla për të.

3.Rugova, nuk kishte pasion për pronën dhe botën materiale. Po ashtu edhe nga familja fillimisht nuk i trashëgoi hise. Pasi që ja vranë babën dhe gjyshin Presidenti Rugova është rritur fillimisht me mixhën e tij, deri sa fitoi bursën dhe një punë mësuesi për t’u shpërngulur në Prishtinë.

4.Rugova ishte 9 vjeç, dhe jo 6 kur u regjistrua në klasë të parë të shkollës fillore. Ai ishte më i vjetri nga nxënësit e klasës për faktin se familja e vonoi të regjistrohet se nuk i kishte kushtet dhe mundësitë financiare. Kjo i ndodhi pasi që babain dhe gjyshin e tij, e kishin pushkatuar partizanët komunistë, për një ditë, në afërsi të Istogut. Dhe nga prindërit, të gjallë e kishte vetëm nënën.

5.Rugova i pinte deri katër pako duhan në ditë. Këtë duke e përcjellë kafen që shumë e preferonte e pastaj vazhdonte edhe me bisedat e gjata me miq e tij. Pinte lloje të ndryshme të duhanit gjatë studimeve dhe karrierës së tij. Por, marka e tij e preferuar e duhanit ishte ‘Dunhill’, që prodhohej atë kohë në Fabrikën e Duhanit në Gjilan.

6.Nëse shumë kush në Kosovë sot e ka idhull Presidentin Rugova, le ta dijë se edhe ai i kishte idhujt e vet të letërsisë dhe poezisë. Ata ishin Frederiko Garcia Lorca dhe Sergej Aleksandroviç Jesenin, të cilëve edhe ua dinte pothuajse të gjitha poezitë përmendësh, dhe nuk pritonte t’i recitonte para miqve të vet. Sidomos atyre të gjinisë femërore. (Gazetametro.net)

7 komente në “Pinte 7 ekspres dhe 4 paketa duhan në ditë: Disa fakte të ‘panjohura’ për Ibrahim Rugovën”

  1. Plaku Xhuxhumaku says:

    Fakti qe pinte 4 pako duhani ne dite tregon mangesi mendore.

  2. Kapit Tupalla says:

    Mungon fakti kryesor … sa wisky i pinte në ditë ?

  3. the american says:

    paskan harruar tradhetine ndaj kombit shqiptar, qe t’ja permendin…

  4. S.Krasniqi says:

    Cigaret Dunhill kushtonin sa tre pako të tjera duhani.
    Me një bursë studenti çudi se si ka mundur ta përballojë?!!

  5. shqip says:

    Po nje Shqiptar i mire Rugova, nje intelektual, njeri i qete i kujdesshem, por patjeter edhe trim sepse nuk ishte e lehete te pranoje drejtimin e LDK-se, nen pushtimin serb.
    E vetmja paqartesi ne qendrimin e Rugoves, eshte foto me Miloshevicin kur Nato filloj bombardimet

  6. kaqi i zi says:

    as shkrimta,as filozof porishte sekretar partis komuniste te jugosllavis,diferencus i shkrimtarve te kosoves,nji klysh i milloshit

  7. Njutoni says:

    Po uiski dhe konjak?

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje