“I velur” me Championsin, Zidane: Prioritet i Realit këtë vit, titulli kampion

Real Madridi do ta nisë të shtunën sezonin e ti, në “Balaidos”, përballë Celta Vigos. 6 sezonet e fundit kanë qëne një sukses absolut për “Los Blancos” në Champions League, ku në këtë hapësirë kohore madrilenët kanë siguruar 4 herë titullin e kampionit të Europës, megjithatë ka një njollë edhe në këtë periudhë të lavdishme.

Nga viti 2013 Reali i Madridit ka fituar vetëm një herë titullin kampion në Spanjë, më konkretisht në sezonin 2016-2017, dhe pikërisht triumfi në kampionat duket se është kthyer në prioritet për trajnerin e “Los Blancos”, Zinedine Zidane. Ngriti lart trofeun e Championsit si trajner 3 herë radhazi, por titullin në këtë rol e ka siguruar vetëm një herë.

“Nuk e fsheh që kampionati është më i rëndësishmi për mua, sepse është puna e përditshme që pasqyrohet çdo javë, është më i vështiri për t’u fituar. Pa asnjë mungesë respekti ndaj kompeticioneve të tjera, por La Liga është objektivi ynë primar”.

Në këtë mijëvjeçar të ri, nga 19 edicione që janë zhvilluar, Reali i Madridit ka arritur të fitojë titullin kampion në 6 raste, që nuk është maksimumi mundshëm për një klub gjigant si ai madrilen.

Zidane do të kërkojë që në fund të këtij sezoni të jetë trajneri i 8-të në historinë e “Los Blancos” që fiton më shumë se një titull kampion.

REMOTE_ADDR:[]

1 komente në ““I velur” me Championsin, Zidane: Prioritet i Realit këtë vit, titulli kampion”

  1. X says:

    E di qe nuk e merr dot. Por nuk merr dot asgje.

Lini një Përgjigje

Adresa juaj email nuk do të bëhet publike. Fushat e domosdoshme shënohen *