Soreca uron nxënësit në shqip: Kini besim tek vendi juaj, shumë shpejt hapen negociatat për në BE

16 Shtator 2019, 10:20Sociale TEMA

Ambasadori i BE në Tiranë, Luigi Soreca në diten e pare të vitit të ri shkollor, ka uruar të gjithë nxënësit shqiptarë.

Soreca ka dhene mesazhin e mire se shpreson se shumë shpejt Shqipërisë do t’i hapen negociatat për anëtarësimin në BE dhe më pas të bëhet pjesë e familjes Europiane.

Njeheresh ambasadori i BE ne Tirane ka bërë apel per të rinjtë dhe nxënësit qe të kenë besim tek Shqipëri ashtu siç vetë ai ka.

Sipas Sorecës nxënësit janë e ardhmja europiane dhe për këtë arsye ata duhet të behën më të mirët e mundshëm në radhë të parë për Shqipërinë dhe me pas për BE.

Në fund Soreca ka folur edhe shqip duke falenderuar të gjithë të pranishmit.

“Keni besim te Shqipëria ashtu siç kam unë. Shqipëria do të bëhet një vend më i mirë, kini besim.

Së shpejti, shpresoj që shumë së shpejti do të hapim negociatat me Shqipërinë në mënyrë që Shqipëria të bëhet vend anëtar i BE dhe të rikthehet në gjirin e BE, aty ku ky vend i përket gjithmonë.

Ju jeni e ardhmja e BE. Duhet të jeni qytetarë më të mirë të Shqipërisë dhe të më pas të BE. Urime për vitin e ri shkollor.

Gëzuar. Delegacioni i BE do të jetë pranë jush. Faleminderit të gjithëve”, ka thënë Soreca.

Shqipëria dhe Maqedonia e Veriut pritet që të hapin negociatat me BE në Tetor, teksa vendet kryesore europiane dhe drejtuesit e strukturave ne Bruksel kane dhene mesazhin se te dy vendet e meritojne kete vendim pozitiv.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje