Ilir Meta në hall: Në takimin lobues nga kryetari i Komisionit të Venecias u prit si "student"

18 Shtator 2019, 18:45Politika TEMA

Ditën  e djeshme presidenti i vendit, Ilir Meta bëri një udhëtim drejt Strasburgut, që sot zyrtarisht nga zyra e shtypit të tij u reklamua si një vizitë pune edhe pse kjo lëvizje ishte e paparalajmëruar. Në faqen zyrtare të Presidencës u reklamua edhe vizita e Presidentit në Strasburg që në një formë përgjigje ndaj mediave që shkruan se ai kishte udhëtuar drejt Strasburgut duke lobuar  ‘ për të shpëtuar lëkurën e tij’ ku u takua edhe me presidentin e Komisionit të Venecias, Gianni Buquicchio, e shiti si takim pune.

Por në këtë postim të Presidencës vihet re një detaj që nxjerr blof presidentin, si dhe përdhos institucionin që ai përfaqëson. Nga fotografia e publikuar, shihet që Presidenti Meta ka takuar zotin Buquicchio me një kartë vizitori të varur në qafë, poshtë një posteri të rastit me një pamje nga Venecia dhe pa asnjë lloj protokolli zyrtar mikpritje.

Me pak fjalë në axhendën e Komisionit të Venecias nuk ka pasur asnjë takim të planifikuar me Metën dhe për këtë arsye, presidenti i Republikës është trajtuar njësoj si një kalimtar i rastit apo student i interesuar, duke u pajisur me leje hyrje për të vizituar ambientet e Komisionit të Venecias. Kjo për një institucion si Presidenca e një vendit që synon që të bëhet anëtare e Bashkimit Europian është shumë denigruese.

Pajisja e një presidenti me një kartë që i lejon hyrjen në një institucion ndërkombëtar është një akt i paprecedent në historinë e diplomacisë apo marrëdhënieve dypalëshe mes shteteve.

Për më tepër, diçka e tillë tregon që Komisioni i Venecias, i cili ka mbikëqyrur paketën e Reformës në Drejtësi, ashtu si edhe çdo reformë të madhe në vend, nuk është i gatshëm që të pranojë në ambientet e tij Ilir Metën si President.

Arsyeja mund të gjendet vetëm në bindjen e qartë të ndërkombëtarëve, se Meta është një element që ka penguar zbatimin e reformës në drejtësi, ndërsa sjellja politike me zgjedhjet vendore, duket se e ka ridikulizuar edhe më shumë figurën e tij.

Kujtojmë se shpesh herë ai ka dalë haptazi kundër Reformës në Drejtësi dhe duke e quajtur si Ramaforma. Po ashtu ka dalë edhe kundër ndërkombëtarëve. Ekziston edhe një element i dytë edhe më problematik.

Në çdo vend normal të botës, kreu i një shteti pritet në një takim pune me një protokoll zyrtar, pjesë e të cilit janë gjithmonë simbolet kombëtare, tapeti i kuq apo nëse takohet me një homolog, edhe himni i flamurit. Asnjë simbol kombëtar nuk është shfaqur në këtë takim.

Kujtojmë se ky takim vjen pikërisht në kohën kur ekspertët e këtij komisioni po studiojnë materialet e marra nga autoritetet shqiptare për nismën parlamentare të ndërmarrë për shkarkimin e Presidentit të Republikës për shkelje të rënda të Kushtetutës. Dhe në fakt, tentativat për të sfumuar gjurmët e lobimit, bien nga vetë njoftimi që presidenca dha zyrtarisht, ku temë e diskutimit mes tyre ka qenë pikërisht çështja e shkarkimit të tij.

Siç njoftoi zyrtarisht presidenca, Meta “i dorëzoi Presidentit Buquicchio raportin e përgatitur për Komisionin e Venecias, dhe i shprehu vullnetin për bashkëpunim të plotë për çdo çështje apo paqartësi që lidhet me të.

Ndaj, me postimin e realizuar në vetë faqen e Presidencës, Meta ka dëshmuar një mungesë të plotë respekti për simbolet e shtetit, por ç’është edhe më e rënda, ka ulur figurën e Presidentit të Shqipërisë në një nivel të padëgjuar kurrë më parë.(Shqiptarja.com)

5 komente në “Ilir Meta në hall: Në takimin lobues nga kryetari i Komisionit të Venecias u prit si “student””

  1. Leonidha dashnori i dyte i Grides says:

    Nje arsye me shume per ta shporrur nga zyra e presidences kete idiot provincial qe na turperon cdo minute, hajduti i dreqit.

  2. #Gopisti i NSHRAK-ut says:


    Ehh mor Like
    na hënksh munë
    as paratë
    s’bëkan punë.
    Si një goxha
    president
    bën takime
    si student?!
    Apo Gianni
    Italia
    t’u duk si
    Ramiz Alia?
    Si azgan
    e trim i çartur
    mirë me brekë
    të keshe vajtur.
    Të habisje
    njerëzinë
    me fizikun
    mënçurinë.

    O lumadh
    të rëntë pika
    do të lërë
    dhe Munika.
    Mos të ardhçin
    as për mort
    nashti ika
    do shoh cport.

  3. sadrina says:

    Kush e pret dhe e beson ket hajdut, ky eshte diarreja e tridhjet viteve te tranzicionit. Nje hajdut dhe vrases bashke me te shoqen e tij. Mjer ata qe u besojne kesaj familjeje, keta jane simboli i se keqes. Pthu far e keqe.

  4. Xhelili says:

    Dridhe Like se u fike

  5. h says:

    Se mos ka kërkuar ta korruptojë siç bën me gjykatësit në shqipëri,
    se i ka haper groen vetes loqja.Nuk njeh mënyrë tjetër degjenerata.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje