"Lëkundjet pas goditjes së parë bien dhe dobësohen me kalimin e kohës, jo shanse për goditje më të fortë"

22 Shtator 2019, 16:04Sociale TEMA

Në fund të shekullit të nëntëmbëdhjetë, sizmiologu japonez Omori zbuloi ligjin e parë të fizikës së tërmetit, i njohur sot si Ligji i Omorit, i cili thotë se shkalla e pasgoditjeve që shoqërojnë një tërmet, zvogëlohet reciprokisht me kohën.

Ta themi thjesht, numri i pas goditjeve bie pak a shumë si reciprociteti i kohës. Nëse ka, 100 goditje në tokë një ditë pas një tërmeti (ditën e dytë), të nesërmen (pra diten e tretë) do të ketë afro gjysmën e totalit, pra 50. Një ditë pas kësaj, do të ketë sa një e treta e totalit, pra 33, të cilat do të jenë përherë e më të lehta.

Por a mund të jetë një pasgoditje më e fuqishme se tërmeti i parë?

Kjo ndodh shumë rrallë në të gjithë botën, ku vlerësohet se në ditët e para pas tërmetit, shanset për një goditje më të fortë janë 5-6 % të kohës, pra pothuajse minimale.

Tërmeti që goditi Shqipërinë ditën e shtunë u pasua nga 340 lëkundje sizmike me një trend dhe fuqi në zbritje.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje