Jam dakord plotësisht me Ilir Metën

9 Tetor 2019, 14:43Blog TEMA

Nga Astrit Patozi 

Jam dakord plotësisht me Presidentin e Republikës, kur thotë se gjendja politike në Shqipëri u rëndua pas ndryshimeve kushtetuese të vitit 2008.

Por do ta mbështesja më shumë në rast se do të shikoja që ky këndvështrim do të shndërrohej në qëndrim zyrtar të LSI-së, si njëra nga partitë kryesore të opozitës.

Do të ishte një kontribut i mirëpritur për kauzën e ndryshimit të sistemit, i cili, sipas meje, është përgjegjësi kryesor për krizën e thellë politike në Shqipëri.

Por mbi të gjitha, mendoj se do t’ia vështirësonte shumë misionin Edi Ramës dhe Lulzim Bashës për ta mbajtur me thonj statuskuonë e listave të mbyllura, si thelbi i një pushteti okult dhe të pamerituar që është keqpërdorur për më shumë se 10 vjet.

Koha i ka dhënë të drejtë Ilir Metës, i cili asokohe ishte në grevë urie për ta kundërshtuar kryetarokracinë, ndërsa unë kam qenë njëri prej atyre që e kanë votuar atë gabim historik, edhe pse nisur nga një qëllim i mirë.

Por politika është dinamike dhe askush nuk mund të mburret për një meritë të dikurshme dhe as të mbajë në shpinë një faj gjithë jetën.

Jo thjesht ngaqë “koka e falur nuk pritet”, por edhe sepse ka gjithmonë kohë dhe mundësi për t’i ndrequr problemet e shkaktuara nga vendimmarrje të gabuara.

Ka vetëm një kusht për të qenë i besueshëm: që, si ndjesa, ashtu edhe distancimi, duhet të bëhen pa hipokrizi.

3 komente në “Jam dakord plotësisht me Ilir Metën”

  1. lisi says:

    Po mor lytyre e berishes po nuk populli kohe te prese ty si kerkon te kthesh xhaketen

  2. Koba says:

    Po e thua me gojen tende qe je Legen.vete Ti e ke votuar dhe tashti te leverdis te ndryshoje.Po pse lidhesh me kryehajdutin Like Floriri !.Ai ka luajtur vetem per te fituar.A nuk ekundron sa pasuri Ka vene bashke me Sale kriminelin dhe Ramen???

  3. Jugu says:

    E ka kthyer tashme. Ka marr nga Rama nje ndertes klasi dhe me palester dhe qeran ja paguan qeveria se gjoja e ka per partine qe ka krijuar. Eshte shperblyer nga Rama per sherbimin qe i ben Rames te shaj opoziten.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje