Mbledhja e Komisionit për Reformën Zgjedhore, opozita refuzon ftesën. Gjiknuri: PD nuk ka sjellë propozime

“PD nuk ka sjellë propozime “, kështu deklaroi Damian Gjiknuri pak minuta nga fillimi i mbledhjes së njoftuar në Komisionin e Reformës Zgjedhore.

Teksa po futej në Kryesinë e Kuvendit, Gjiknuri nuk dha detaje për gazetarët, por u shpreh shkurt se PD nuk ka sjellë propozime lidhur me Reformën.

Kjo deklaratë e Gjiknurit vjen një ditë pas ftesës së këtij të fundit për Ivi Ksson, që të merrte pjesë në mbledhjen e sotme.

Ndërkohë, kjo ftesë u hodh poshtë nga Sekretari i PD, Gazmen Bardhi i cili u shpreh se duhet të shikohen 5 pikat që opozita ka dërguar, e cila kërkon që të bëhen bisedime mes përfaqësuesve ndërkombëtarë, opozitës së bashkuar dhe qeverisë.

Mbledhja e sotme e Komisionit të Reformës Zgjedhore vjen pak ditë pas asaj të 25 shtatorit, ndërsa do të zhvillohet pa praninë e mediave.

REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *