Nënkryetari Mazniku dhe Dallëndyshe Bici vizitojnë në spital punonjësin e IKMT që u plagos nga banorët e Astirit

Nënkryetari i Bashkisë së Tiranës, Arbjan Mazniku, i shoqëruar nga Kryeinspektorja e Dallëndyshe Bici, ishte sot në mbrëmje në Spitalin e Traumës në Laprakë, për të vizituar punonjësin e Inspektoratit Kombëtar të Mbrojtjes së Territorit, Arben Bitri, i cili u plagos në krye të detyrës nga protestuesit në zonën e Unazës, pranë Astirit.

Pasi u njoh me gjendjen shëndetësore të tij, nënkryetari Mazniku i uroi atij shërim të shpejtë dhe falenderoi ekipin e mjekëve për kujdesin e treguar.

“Ju falenderoj shumë për përkujdesjen sepse në një situatë të tillë, kur një nëpunës shteti dëmtohet në krye të detyrës, kemi përgjegjësi institucionale, shtetërore pak më të madhe për t’iu gjendur pranë. Kjo është arsyeja pse gjetëm një moment për të ardhur këtu për ta vizituar. Ju falenderoj për gjithë mbështetjen”, tha Mazniku.

Dallëndyshe Bici, kryeinspektore e Inspektoratit Kombëtar të Mbrojtjes së Territorit, falenderoi në mënyrë të veçantë të gjithë punonjësit që rrezikojnë jetën në krye të detyrës për të zbatuar ligjin.

“Falenderojmë punonjësit që rrezikojnë jetën e tyre në krye të detyrës. Kërkojmë nga bashkëqytetarët tanë të na mirëkuptojnë për detyrën që na ka dhënë ligji, ndaj ju lutem na lini të kryejmë detyrën, ta bëjmë sa më mirë atë. Jemi pranë familjarëve që i lënduari të kthehet sa më shpejt pranë tyre”, tha Bici.

Mjeku Sotir Ceka theksoi se situata shëndetësore e Arben Bitrit paraqitet e stabilizuar, ndërsa tha se ai ka fraktura në krahë dhe dy plagë në kokë

REMOTE_ADDR:[]

1 komente në “Nënkryetari Mazniku dhe Dallëndyshe Bici vizitojnë në spital punonjësin e IKMT që u plagos nga banorët e Astirit”

  1. shqip says:

    Dhunuesit jane ne shtepi, apo i keni arrestuar ? Late nam o te shkrete. I sakatuat policet e punonjsit e shtetit. Ca barbare jane bere barriere, nuk i ben dot zap shteti. Po keshtu do veje halli i Shqiperise. Nuk behen dot punime se nuk i le çuni Fariut. Si s’ju vjen turp o sociadhiste ! Dy here populli ju dha voten per te bere shtet. Juve ju rrahin e ju bejne karshillek ca dru me pre. U pa puna, me mire keta punonjsit mos shkojne fare te rrezikojne koken nga tribute qe kane zaptuar Astirin e Shqiperine. Futi mor trap fadromat e rrafshoi, pastaj ikin vete ata malot. Madje ketyre te pabindurve mos i ofroni apartamente nga te bashkise.

Lini një Përgjigje

Adresa juaj email nuk do të bëhet publike. Fushat e domosdoshme shënohen *