Metamorfoza e krimit, të uriturit që u vranë dje ose janë sot milionerë

8 Nëntor 2019, 16:51Blog TEMA

Nga Lorenc Vangjeli

Ky ishte pak a shumë identikiti i të riut shqiptar të dalë nga komunizmi dhe që po derdhej në Perëndim. Vetëm pak kohë më parë, slogani i famshëm komunist – për ironi të fatit po e përdor 30 vjet më vonë Lulzim Basha – thoshte: “Si është rinia sot, do të jetë atdheu nesër!”. Kurrë ndonjëherë nuk kishte qenë më e shëmtuar Shqipëria se përgjatë asaj përmbysjeje të dhunshme sistemesh. Jo se kishte qenë ndonjëherë më mirë, por sepse kishte mbetur dëshpërimisht shumë mbrapa botës së qytetëruar, me të cilin shqiptarët nisën të kenë një ballafaqim dramatik.

Shqiptarët po preknin Perëndimin që e kishin parë vetëm në ekranet bardh e zi të televizorëve dhe e kishin vështirë të kuptonin se çfarë shihnin në vitrina, nuk ju përkiste. Se vajzat që qeshnin për mirësjellje në rrugë dhe minifundet e tyre nuk ishin ftesa për harbim seksual. Në Romë, në Athinë e kudo gjetkë ku derdh vala e parë e emigracionit shqiptar, por dhe në Tiranë, një pjesë e madhe e çunave nisën të vjedhin, ca për mbijetesë, ca sepse e zgjodhën si jetesë. Dhe më pas gradualisht nisën të rriten në hierarkinë e krimit: filluan si shpërndarës të vogjël droge andej dhe kontrabandë këtej. Më të guximshmit nisën të meren me trafik qëniesh njerëzore e armësh, me prostitucion dhe më pas edhe me droga të rënda.

Një pjesë e madhe e çunave me shumë emra përfunduan në burgje. Të tjerë u vranë në Perëndim apo edhe në Shqipëri, në episode të dhunshme krimi mes tyre. Prehen në varreza monumentale në vend, me bustet e tyre që bien në sy dhe me dedikime në vargje nga miqtë dhe familjarët.

Një pjesë tjetër e çunave pati fat krejt tjetër. Janë ata që zgjodhën të kthehen herët në Shqipëri. Eshtë ai brez i të uriturve të komunizmit që sot janë 50-60 vjeçarë. Kanë respektin e shoqërisë që i quan të suksesshëm. Janë të martuar lumturisht me gra pothuaj moshatare që i respektojnë si mamatë dikur. Fëmijët studiojnë në universitetet më të mira të botës dhe kanë gjithçka që vetë as nuk e ëndërronin dot në moshën e tyre. Janë të kuruar në detaj. Kujdesen për trupin, duart, këmbët dhe sidomos për fytyrën si vajza nazike. Vishen me këshilla stilistësh me ngjyra të çelura. Kanë dashuri sezonale vajza televizioni që i llastojnë si dashnore sheikësh. I çojnë në Dubai dhe Maldive, ju sponsorizojnë muzikën apo vendin e punës ose ju hapin edhe një dyqan mode. Vetë meren me ndërtim. Me tregti të madhe. Kanë flotë kamionësh, skafe, vila në periferi të Tiranës e bregdet dhe apartamente jashtë shtetit. Miq në pushtet. Në opozitë. Në drejtësi. Rrinë me ministra e ish-ministra. Me politikanë e prokurorë. Shpesh thonë dhe fjalën e fundit që në diskutimet e tyre të para. Komisionojnë. Koncesionojnë. PPPojnë.

Në identikitin e tyre nuk mungojnë unazat, vareset e rënda të floririt dhe sahatët që kushtojnë sa ka kushtuar gjithë jeta e prindërve të tyre që vdiqën të uritur. Parfumi gjithashtu. Pinë verë të mirë, parapëlqejnë crudo-t, por përgjithësisht mbajnë dietë.

Hedhin veten ose paratë e tyre në politikë dhe në media; një pjesë ndodhen edhe në politikë, edhe në media. Kanë vetëm një problem. Nuk kanë kurrë mjaftueshëm para për të blerë të shkuarën e tyre. E cila në mos njëherë, njëherë, rikthehet në forma të ndryshme. Qoftë si paralajmërim i heshtur. Qoftë në mënyrë të egër e brutale, me kërcënim prangash në rastin më të mirë dhe me kallashnikov apo tritol në rastin më të keq. Ky është rrugëtimi i një brezi që në rininë e tij të mjerë, të nisur me fasule të zjerra shumë dhe sapun Rogozhine përcaktoi sesi do të ishte atdheu nesër. Një Shqipëri shumë më e pasur se dje, por shumë më e varfër sesa meriton të jetë dhe sesa do të duhej të ishte. Për shkak të tyre. Por jo vetëm për shkak të tyre.

4 komente në “Metamorfoza e krimit, të uriturit që u vranë dje ose janë sot milionerë”

  1. LORENC VANGJELI ESHTE NJE HOMOSEXUAL says:

    LORENC VANGJELI PREJ KUR FILLOJ TE THITH KARIN E ALFRED PEZES DHE FILLOJ TE FUT KARIN NE BYTH TE MERO GELBAZA OSE YMERI KA RRJEDH FARE NGA TRURI

  2. xhemal says:

    vangjel shume nga ju qe bllokoni ekranet e faqet e gazetave nuk jeni larg atyre qe.akuzoni.jetoni ne keneten e ideologjise saliste gebelsiane.e shikoni shqiperine sipas mides suaj bardhe e zi nuk vereni jeten e milionave qe punojne mesojne .prodhojne thjesht jeojne e duan paqen qetesine dashurin e me njeri tjetrin ndersa nje pjese e mjeteve te informimit jane kethyer ne lajmetare te ndermarrjeve te vdekjes skane te bejne fare me misionin qe kane per te cuar tek njerezit realitetin po edhe shpresen besimin se vetem me pune arrihet cdo gje e mire

  3. dikur says:

    Mir e ke shkruar Lorenc. Pabuksat e djeshem miljonera sot . I sheh, te kujtohen kur siç ka then “doktor ” Flori , rafmet paste , ” buke e krip e hajshim buken dhe gjith diten matshim rrugen” dhe habitesh ngelesh pa frym , dhe te del vetja qejfit. I mer ne analiz dhe nuk te rezulton qe nonjeri te ket qene nga ata qe studuonin apo lexonin apo kishin nivel kulture mbi shoket. Dhe habitesh , habitesh per bes. Te kap nje si trishtim a zhgenjim.

  4. Neveri says:

    O Lorenc!
    Analizoji sot te gjithe pjestaret e bandave kriminale qe ekzistojne sot ne vend e jashte tij dhe do bindesh se te gjithe ata nuk jane produkt i rinise socialiste,por i RINISE DEMOKRATIKE!
    Te gjithe jane te moshes 20-30 vjec,qe sot komandojne jeten e vendit nepermjet politikaneve te majte e te djathte!
    Ata sot jane NJERIU I RI KAPITALIST,qe te vjedh,te perdhunon dhe te vret per 5 leke!
    Edhe Lorensi eshte nje lolo oborri,qe nuk mbron te verteten,interesat e qytetareve,por te padroneve qe e paguajne!

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje