Negociatat, Rama mesazh nga Gjeneva: Ndihemi si një varkë në mes të detit, na e kanë marrë me forcë busullën

Kryeministri Edi Rama ndodhet në Gjenevë, ku po merr pjesë në Forumin Ekonomik të Davos-it. Kreu i qeverisë, ka theksuar se është e rëndësishme të kuptohet se procesi i integrimit, është shumë i rëndësishme.

Kreu i qeverisë shqiptare tha ndër të tjera se “BE ka nevojë për Ballkanin Perëndimor po aq sa ne kemi nevojë për BE.

Ata që nuk e kuptojnë këtë nuk kuptojnë mirë cfarë është në lojë apo cilat janë sfidat e sotme dhe të së ardhmes”.

Ai ka theksuar se Shqipëria do të bëjë më të mirë për të rritur bashkëpunimin në Rajon. Rama është shprehur se se Ballkani ndodhet si në një varkë në mes të detit, pasi na e kanë marrë me forcë busullën.

“Dua të theksoj se nga sa mbaj mend për këtë iniciativë, kjo ishte mbledhja më e mahnitshme dhe e dobishme në drejtim të zgjerimit të këtij forumi. Ndihemi si një varkë në mes të detit, pasi na e kanë marrë me forcë busullën.

Për ne ka shumë rëndësi ta dimë me saktësi. Është e qartë që nëse procesi i integrimit është karakterizuar në 5-6 vitet e fundit, ajo që ndodhi në tetor e bëri të paparashikueshme.

Nuk kemi më mundësi të dimë se çfarë duhet të bëjmë për të marrë atë që kërkojmë, pasi është e qartë që natyra e vendimeve në KE është shumë më e përcaktuar nga vetë vendet anëtare të BE.

Vendet tona nuk janë gati të anëtarësohen, nëse loja e meritokracisë shndërrohet në lojën e fajësimit.

Ne e nisëm këtë proces, jo se na detyruan vendet e BE, por sepse ishte ajo që i duhej popullit tonë, kombit tonë.

Nuk mendoj se meqë ne e kemi më të vështirë duhet të qajmë apo të lutemi sepse në fund të fundit e bëjmë për fëmijët dhe brezat e ardhshëm”, tha Rama.

REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *