GABIMI/ Tetor ’43: Aleatët bombardojnë një lagje të Tiranës, shqetësimi i Major Spiro Moisiut

16 Nëntor 2019, 11:48Dossier TEMA

Ajo që jemi mësuar të dëgjojmë vitet e fundit – mbi shënjestra të gabuara që marrin jetë të pafajshmish, ka ndodhur dhe në Shqipëri, e jo nga ushtri pushtuese, siç në Irak, Afganistan e gjetiu.

Në  tetor 1943, me hyrjen e ushtrisë gjermane në territorin shqiptar, fuqitë aleate kishin planifikuar të bombardonin objektet ushtarake  gjermane, në mënyrë që t’u shkaktonin nazistëve humbje të thella.

Por gjatë bombardimit të 13 tetorit nga misioni britanik, ndëssa në shenjëster ishte një prej objekteve ushtarake naziste, bombat kanë rënë në një lagje të Tiranës duke shkaktuar qindra viktima në rradhët e popullsisë civile.

Ky gabim ishte vënë në dukje nga Majori Spiro Moisiu, i cili ju kërkonte që të bënin kujdes në bombardimet e rradhës, pasi nuk duhet të ngjallnin pakënaqësi në rradhët e popullsise civile. Sipas tij, armiku mund ta përdorte këtë si argument propagandues kundër aleatëve.

Më poshtë e sjellim këtë përshkrim të ngjarjes nga Major Spiro Moisiu.

Më 13 të muajit tetor, avionat amerikanë bombarduan aerodromin e Tiranës, por fatkeqësisht bombarduan gjithashtu një lagje të tërë të qytetit. Numri i të vrarëve dhe të plagosurve arrin në qindra. Gjith lagjja është shkatërruar dhe dëmet janë të pallogaritshme. Përveç kësaj, morali i popullit bije kur shikon se avionat aleatë bombardojnë popullsinë civile dhe armiku përfiton për të gjallëruar propagandën e vet kundër aleatëve tanë.

Ju lutem njoftoni Kajron mbi këtë ngjarje dhe i lutemi që vërejtja jonë ti bëhet e njohur atij që i takon, me qëllim që këto akte të papëlqyera të mos përsëriten më mbi popullsinë civile por të përsëriten me një ashpërsi akoma më të madhe kundër objekteve ushtarake armike.

Komandant i shtatmadhorisë së Ushtrisë Nacional Çlirimtare Shq. Major Spiro Moisiu.

Kujtojmë se një gabim të ngjashëm bëri dhe NATO në Kosovë gjatë bombardimeve anti-serbe në pranverë të 99-ës. E përqëndruar te objektet ushtarake serbe, një avion i saj goditi një karvan kosovarësh në ikje drejt kufirit shqiptar. Edhe atëherë, propoganda e Beogradit u aktivizua fuqishëm për ta shfrytëzuar si rast. Viktimat në radhët e civilëve kosovarë, ishin me dhjetra.

3 komente në “GABIMI/ Tetor ’43: Aleatët bombardojnë një lagje të Tiranës, shqetësimi i Major Spiro Moisiut”

  1. Romak says:

    Dokumenti eshte i njohur, po nenshkrimi me graden Major nga ana e Spiro Moisiut me duket absurd, sepse ai ne kete kohe mbante graden Gjeneral. Grada major ishte ajo e dikurshmja e sherbimit ne forcat ushtarake te Zogut.

    1. KOZi says:

      Dy momente – E para kjo ngjarje ka ndodhur vertete , eshte quajtur nga aleatet gabim i pilotve. E dyta vereni se cili ka qene komandanti i luftes ne tetor 1943 , Major Spiro Moisiu. Sepse kane qene dy organizime njeri Fronti Nac – Clirimtar i krijuar ne Peze me 16 shtator 1942 dhe tjetri Shtabi i Pergjithshem krijuar ne korrik 1943. Normal qe shtabin do e drejtonin ushtaraket. Me 24 maj 1944 ne Kongres te Permetit perseri Kryetar i Frontit ishte Omer Nishani ,shef i shtabit Gjeneral Spiro Moisiu ( ketu filluan gradat) dhe u krijua detyra e Komandantit te pergjithshem qe u emrua Enver Hoxha. Por veprimet i drejtonin ushtaraket dhe ishin disa ne formacionet partizane vecori se ishte edhe nje gje e panjohur me pare Komisari.

  2. Olsi says:

    Dmth miqte tane nderkombetar. Dje na bombardonin. Sot nuk duan te investojne .Na kane kthyer ne refugjate dhe duan te na martojne burra me burra . E gra me gra. Duke i bere presione parlamentit tone shqiptar.Per keto lloj miratim ligjesh.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje