Gorbachov paralajmëron Rusinë she SHBA-në: “Lufta e nxehtë” mes jush do të thotë shkatërrim i qytetërimit tonë

Ish-lideri i Bashkimit Sovjetik, Mikhail Gorbachov paralajmëroi Rusinë dhe Shtetet e Bashkuara që duhet të shmangin një “luftë të nxehtë” pasi kjo do të sillte shkatërrimin e të gjithë qytetërimit.

Në një intervistë për CNN ai tha se gjërat janë përkeqësuar pas tërheqjes së amerikanëve nga pakti bërthamor i firmosur mes tij dhe Ronald Reagan në vitin 1987.

“Politikanët dhe njerëzit publikë duhet të kuptojnë se kjo Luftë e Ftohtë e re nuk duhet të lejohet. Ajo mund të kthehet në një luftë të nxehtë që do të sillte shkatërrimin e të gjithë qytetërimit tonë. Nuk duhet të lejohet”, tha Gorbachov.

Pasojat e një lufte bërthamore mes dy superfuqive u bënë edhe më të qarta pas shpërthimit në Çernobil, një ngjarje tragjike e ndodhur në Ukrainë në vitin 1986, së fundmi e risjellë në kujtesën e njerëzve përmes një seriali nga televizioni amerikan HBO.

“Nuk e kam parë filmin, por i di të gjitha detajet nga ajo ngjarje”, tha 88-vjeçari. “Ne i studiuam asokohe të gjitha arsyet për atë fatkeqësi dhe përfundimet iu a dorëzuam të gjitha vendeve të tjera.

Ato duhet të shërbenin si mësim për të gjithë. Njerëzit pyesin pse unë qëndrova i heshtur për disa ditë? Por e them përsëri, ne nuk e kishim kuptuar çfarë kishte ndodhur”.

REMOTE_ADDR:[]

1 komente në “Gorbachov paralajmëron Rusinë she SHBA-në: “Lufta e nxehtë” mes jush do të thotë shkatërrim i qytetërimit tonë”

  1. Ilia Toli says:

    Kur isha në Vlorë më 2008, ishim të gjithë te muzeu i pavarësisë. Një profesor amerikan pyeti “kundër kujt luftuan shqiptarët?” Unë iu përgjigja “kundër pushtuesve turq.” Profesorët turq që ishin aty u tkurrën nga zori. Të gjithë profesorët e tjerë po qeshnin si të marrë. Profesori amerikan urreu veten. “Ç’m’u desh mua që pyeta.”

Lini një Përgjigje

Adresa juaj email nuk do të bëhet publike. Fushat e domosdoshme shënohen *