Vetting-u në inxhineri, më urgjent se kurrë

Nga Artur Ajazi

Ngjarja shumë e rëndë që ka ndodhur së fundmi në Durrës, Tiranë, Thumanë, Laç, Shijak dhe fshatrat rreth tyre, tregoi se sa shumë kemi nevojë të rishikojmë gjithçka kemi bërë, dhe të mos gabojmë kurrë më nesër. Nga dikush që ishte njeri i profesionit, u hodh mendimi këto ditë se “duhet Vetting në inxhineri”, nisur kjo nga situata skandaloze, që ka rezultuar në mbi 25 per qind të pallateve të ndërtuara në vitet e fundit në Durrës, dhe atyre para viteve ‘90. Zona e plazhit, ish-Këneta dhe të tjera zona ku është ndërtuar në qytet-portin më të madh të vendit, treguan me fakte skandalet e ndërtuesve, arkitektëve, inxhinierëve, muratorëve amatorë, dhe koalidatorëve të blerë, që kanë toleruar me dashje katrahurën e ndodhur.

Kanë nxituar të prishin blloqet e banesave 1 dhe 2 katëshe me vjetërsi 200 dhe 250 vjeçare, për të ngritur pallate shumëkatëshe, kanë nxituar të hedhin themelet brënda 48 orëve dhe të dorëzojnë pallatin 12 katësh brënda 12 muajve, pa e ditur dhe duke injoruar faktin se, rreziku ishte atje brënda objektit të rremë. Rritja e kërkesave nga të ardhurit e rretheve të Veriut dhe Jugut , veçanarisht drejt Durrësit dhe Tiranës, ishte dhe mbetet shkaku kryesor i një shfrenimi të padëgjuar të dhënieve të lejeve të ndërtimit nga ish-KRRT e bashkive, por dhe nga ish-KRRTRSH e Shqipërisë. Tashmë banorët e Durrësit po binden për tragjedinë e tyre, tashmë banorët e plazhit dhe ish-Kënetës, po binden sa gabime fatale kanë bërë me jetën e tyre, duke u besuar paratë dhe djersën e fëmijëve, një grupi njerëzish që nuk kanë lidhje fare me ndërtimin, por thjesht vinin nga rruga ose bixhozi.

“Vetting në inxhinieri”- tha specialisti ndërtimeve, i bindur se në fushën e tij ka me dhjetra e qindra, që e kanë blerë diplomën, ose në rastin më të mirë, i kanë marrë me 100 mijë lekë pothuajse të gjitha provimet tek Inxhineria. Ajo ç’ka kishte vënë në gjumë për afro 3 dekada shqiptarët, është trazuar nga tërmeti dhe tragjedia që ndodhi, duke shkretuar një pjesë të mirë të qytetit bregdetar dhe zonave rreth tij. Gjithmonë kur ka ndodhur gjëma, jemi mësuar të mblidhemi dhe të mendojmë për nesër, dhe jo më shumë se kaq. Ka ardhur koha që ky pësim tragjik, të bëhet mësim për fushën më delikate, atë të ndërtimit. Vetting-u duhet vërtetë të shtrihet edhe në inxhinieri.

Duhet kudo Vetting, për të shpëtuar jo vetëm organet e molepsura të drejtësisë, por edhe në inxhineri, mjeksi, arsim, bujqësi, infrastrukturë, shkencë, administratë publike, në media e kudo. Duket sikur vetëm Vetting-u, do të spastrojë gjithçka negative nga ky vend, dhe do ti kthejë gjërat në vendin e duhur, duke qetësuar shqiptarët. Jemi ndoshta i vetmi vend, me institucione të ngritura ligjore, ku nuk bëjmë dot pa “çekiçin” e ligjit, por kur ky funksionon ama. Ngjarja e fundit tregoi se ligji, nuk ka funksionuar veçanarisht në fushën më delikate të jetës publike dhe shoqërore, në ndërtim. Duke injoruar dhe duke e shkelur me dashje çdo nen dhe grimcë të ligjit, duke abuzuar dhe përfituar sa mundet me gjithë hapësirat e tij, ajo që ka ndodhur në fushën e ndërtimit mbetet kriminale.

Ajo që ngjau në Durrës, duhet ta bëjë shtetin të shkundet , dhe të vendosë atje ku duhet forcën e ligjit. Të vendosë në vendin e tij ligjin e nëpërkëmbur, të vendosë në vendin e tij specialistin e flakur nga bashkia për “hatër” të ndërtuesit injorant, të rikthejë besimin dhe dinjitetin e humbur të zyrtarit lokal tek qytetari i trembur i mbetur edhe i pastrehë.

REMOTE_ADDR:[]

2 komente në “Vetting-u në inxhineri, më urgjent se kurrë”

  1. Na myten says:

    Kusha ta beje vettingun o trapa. Ai drejtori i Institutit me shkolle nate?!

  2. poo eshte e vertete

    duhet vetting ne inxhinieri, polici, arsim shendetsi

    kudo vetting sepse sali berisha e dhjeu per 30 vjet kete vend.

Lini një Përgjigje

Adresa juaj email nuk do të bëhet publike. Fushat e domosdoshme shënohen *