Pas tërmetit, kryeministri Rama me sytë nga Zoti: Për 7 ditë, 7 thënie nga librat e shenjtë

9 Dhjetor 2019, 12:00Politika TEMA

Tërmeti i 26 nëntorit i bëri njerëzit më të ndjeshëm dhe shërbeu që të gjithë të kthejnë sytë nga qielli, madje edhe jo besimtarët nisën t’i luteshin Zotit.

Kryeministri e ka shfrytëzuar këtë situatë për të dhënë mesazhe duke iu referuar pikërisht librave të Shenjtë.

Janë 7 thënie të marrë nga libra të ndryshëm, si nga Bibla, Kurani, nga besimi i Bektashinjve dhe nga besimi Hindu, të cilëve kryeministri i referohet.

Thënia e parë e tij është publikuar më 3 dhjetor, disa ditë pas tërmetit të fuqishëm dhe pasi situata nisi të qetësohej.

Rama publikoi një thënie nga Ungjilli sipas Mateut ku shkruhet: “Gjithçka doni që të tjerët të bëjnë për ju, bëjeni vetë për ata. Këtu përmblidhet gjithë ligji bashkë me profetët”.

Më pas publikoi një thënie nga besimi hindu ku shkruhet:

“Zotat do t’ju dhurojnë çka dëshironi. Po kush nginjet nga dhuratat e tyre dhe nuk u dhuron të tjerëve nuk është asgjë tjetër veçse një kusar”, marrë nga Baghavada Gita.

Një thënie kjo shumë domethënëse në kohën e shpërndarjes së ndihmave për të prekurit nga tërmeti dhe një thirrje që të mos abuzohet me ndihmat.

Ndërsa për të shigjetuar abuzuesit me lajmet e rreme Rama publikoi një thënie nga Imam Aliu ku shkruhet:

“Është e pavërtetë kur ju thoni “Unë kam dëgjuar për këtë” dhe është e vërtetë kur ju thoni “unë e kam parë këtë””.

Nga Kurani dhe nga Bibla Rama ka shkëputur dy thënie shumë domethënëse përmes të cilave apeloi që njerëzit të ndihmojnë njëri- tjetrin.

“Cila është fytyra më e bukur Islamit? Jepu të hanë njerëzve dhe ndihmo të shpëtohen ata që njeh dhe ata që nuk njeh”- Profeti, Kurani.

“Shëroni të sëmurët, ringjallni të vdekurit, purifikoni lebrozët, shpartalloni demonët: ju është dhënë falas, dhuroni falas”- Ungjilli sipas Mateut.

Ndërsa ditën e hënë (sot) e ka nisur me një shprehje të Naim Frashërit të publikuar në librin Mirësija, pjesë e Fletores së Bektashinjve, ku poeti u bën apel njerëzve që të mos e ndyjnë shpirtin dhe të ecin në rrugën e vërtetë.

“Mos e ndy shpirtin ne jetë. Zemërënë mos e lyej, shko në udhëzë të vërtetë. Mos u kthe e mos u thyej”, shkruan Rama duke cituar Naim Frashërin. (Real Story)

2 komente në “Pas tërmetit, kryeministri Rama me sytë nga Zoti: Për 7 ditë, 7 thënie nga librat e shenjtë”

  1. Dori says:

    Edhe ne patem demtime ne pallatin tone, por administratori ka 6 muaj qe jeton e punon ne Londer, se atje e ka familjen. Shkova per t’u ankuar ne njesine bashkiake (te cilen Erion Veliaj e quan “minibashki”, ndonese ka 80 mije banore), por ata me thane se administratoret e pallateve jane nomenklature e Erion Veliajt ne Bashkine e Madhe. Shkova ne Bashkine e Madhe (sikur shkova ne Britanine e Madhe) dhe atje sportelistet e sjellshme me thane se duhet ta bej ankesen me shkrim ne shtepi pa gabime ortografike, ndryshe nuk do te ta pranojme. U thashe, sapo vij nga zyrat e Elektrikut dhe atje me dhane nje flete- ankese dhe une e plotesova, ju pse nuk kini? Wow, thane, ky kerkoka llogari!? Keshtu ika dhe administratori yne qe edhte kthyer ne pronar , se ka punesuar nje bedel, vazhdon te punoje ne Londer, kurse Erion Veliaj e paguan ne Tirane.

  2. Roberto says:

    Shko denancoje ate qe rri ne Londer ti bashke me te tjeret. Nese e keni zgjedhur ju dhe ai nuk rri aty shkarkojeni,zgjidhni nje tjeter. O te behen njerez ose te ikin. Edhe ato tek bashkia nese sillen keq ose perdorin ironi pse nuk i denonconi me emer e mbiemer?? Ndryshe kjo pune nuk behet.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje