Noel Dishi ka pranuar vrasjen e shokut të tij Vilson Tafçiu mbrëmjen e 20 janarit në zonën e Astirit në Tiranë pranë lokalit ‘Artisti’.
Dishi është vetëdorëzuar mbrëmjen e djeshme dhe e ka mohuar krimin, duke thënë se nuk ka lidhje me këtë histori.
Ditën e sotme autori ka bërë një kthesë të papritur dhe e ka pranuar se ka qenë ai vrasësi i shokut të tij.
Sipas dëshmisë së tij, viktima e ka sharë nga nëna dhe prandaj e ka qëlluar me armë.
Pasi kreu krimin Dishi është larguar drejt Kavajës dhe ka qëndruar i fshehur në një hotel, derisa u vetëdorëzua mbrëmjen e djeshme ne polici.
“Unë lëvizja gjithmonë me armë me vete. Me Vilsonin ishim shokë prej vitesh. S’kam dashur e s’kam pasur qëllim ta vras.
Të hënën shkova në Astir për të takuar Vilsonin. Unë gjithmonë lëvizja me armë me vete.
Kur e takova Vilsonin ai më shau nga nëna. U ndjeva shumë i ofenduar, si shkak për raportin që kishim.
Unë e kam marrë në shtëpi, s’duhet të ma thoshte këtë gjë.
U nervozova dhe e qëllova me armë. Pas krimit kam qëndruar me hotel në Kavajë”, ka deklaruar ai në polici.
Vritet tjetri se shau nga nena (apo kushdo tjeter) vetem nder shqiptare ndodh kjo.
Ky njehere eshte mshef mandaj ka tentu ta mohoj krimin kur eshte zenen ngusht e ka pranu krimin por eshte duke e mshef MOTIVIN e vertete. Ktij nuk i BESOHET se ky eshte renacak. Duhet te hetohet shkaku PSE ky u sha nga Nena ? nga shoku te cilin ky e ka egzekutu.