Në emër të kujt flet Lulzim Basha?

26 Janar 2020, 19:15Blog TEMA

Nga Artur Ajazi

Nuk e kam kuptuar kurrë, se në emër të kujt flet Lulzim Basha ? Në emër të kujt flet ai, kur ka të paktën 6 vjet që flet por nuk vendos, në emër të kujt flet ai, kur ka të paktën 6 vjet, që nuk bën kryetarin e partisë, pasi vendin e “Nderit” e ka patur dhe vazhdon ta ketë vetëm Doktori.

Eshtë ai që reagon, vendos “kushte” për shumicën qeverisëse, është ai që ndikon dhe monitoron gjithë aksionet e ish-opozitës, është ai që jep intervista të gjata në emër të Partisë Demokratike, është ai që kërkon largimin dhe rrëzimin e Ramës, është ai që teston “uraganin popullor”, dhe bën thirrje për “ndezjen e motorrëve”, madje është ai që përcakton edhe kur do të bjerë tërmeti.

Eshtë ai, që kërkon të takohet i pari me ambasadorët e huaj (pastaj Lulzimi) dhe të dërguarit europianë në Tiranë, është ai që përcakton sa ka qenë, dhe sa është “minimumi jetik” i shqiptarëve, sa është “rritur krimi dhe korrupsioni” është ai që përcakton “afatin” e hapjes së negociatave dhe parashikon fatin e shqiptarëve.

“Doktori di gjithçka, Doktori ka informacion, Doktori është themeluesi partisë”, kështu shprehet kryetari de jure i saj. Atëhere, në emër të kujt flet zoti Lulzim Basha, cili është realisht vendi dhe pozicioni i tij në PD ?

Dhe kjo nuk është hamendësi, por realitet. Dihet tanimë se Doktori ka përcaktuar, dhe do të përcaktojë edhe për shumë vite, rradhën emërore të atyre që do të jenë kryetarë partie, anëtarë kryesie, apo dhe deputetët e ardhshëm në atë parti. Atëhere, në emër të kujt flet Lulzim Basha, kur dihet se “tapinë dhe tepsinë” e asaj partie e ka Doktori.

Ajo çfarë i ka mbetur kryetarit de jure të ish-opozitës Lulzim Basha, është të bëjë gjoja “reagim” ndaj “vonesave në strehimin e banorëve”, apo ndaj raporteve , mbi “të dhënave e Indeksit te Demokracisë”, që e klasifikonte vendin tonë si “regjim hybrid dhe një hap larg autoritarizmit”.

Po si nuk i ke lënë gjë Doktorit, o kryetari PD, si nuk i ke hequr asnjë pikë dhe asnjë presje veseve të tij. Pra, sipas zëdhënësit të Doktorit “Shqipëria shënoi përkeqësim duke rënë nga vendi i 76 në vendin e 79, sipas raportit “The Economist Intelligence Unit”. Madje Lulzim Basha (gjithmonë pas Doktorit) jep edhe arsyet se përse raporti e “klasifikon” Shqipërinë nga vendi 76 në vendin e 79.

Sipas tij “shkak për gjendjen është mungesa e një qeverie funksionale, parregullsia në zgjedhje, korrupsioni të lartë, sundimi të dobët i ligjit dhe mungesa e drejtësisë së pavarur”.

Në fakt Lulzim Basha ngatërron kohët, sepse jeton akoma me vitet e pushtetit absolut të Doktorit, madje vetja i duket sikur ka fituar zgjedhjet, sikur ka marrë mandatin e kryeministrit, dhe jo sikur ka 6 vjet në opozitë, madje prej 1 viti me asnjë përfaqësues në institucionet ligjore. Gjithmonë 24 orë pas Doktorit, në ekrane del Lulzim Basha, dhe përpunon në detaje, çfarë ka deklaruar dhe “sqaruar” shefi i partisë.

Atë që sulmon Doktori, e bën “copash” edhe Lulzimi, atë që mbron Doktori, e ka “xhan” edhe Lulzimi, në rast se lëshon kushtrimin për të përmbysur me çdo “mjet demokratik qeverinë” Doktori, atë bën edhe Lulzimi, edhe pse brënda tij ndjehet trishtimi.

Në fakt Doktori, kishte kohë që nuk dilte në ekrane, dhe kjo ndodhi fill sapo gjykata mbylli dosjen e CEZ. Ndoshta u ndje i çliruar , madje jo vetëm ai, por më shumë edhe Lulzimi, duke thënë se “më në fund foli drejtësia e pavarur nga Rama”.

Duke ricituar e kundërshtuar vetveten kryetari PD zoti Basha, gjithmonë është një hap mbrapa Doktorit, dhe kjo ka ndodhur në kohë “paqe” apo në kohë “krize”.

Në atë parti, duket se “tërmeti” krijoi dhe thelloi më shumë ndasitë mes fraksioneve, ku Grida kundërshton Gazin, apo Paloka nga Lushnja shpall fitoren dhe “ngjitjen edhe me 10 pikë të PD ndaj PS”, por kurrë nuk flasin për hallet dhe problemet e shqiptarëve. E përballë kësaj situate zhurmuese brënda asaj partie, nuk dihet ende se në emër të kujt flet Lulzim Basha……

8 komente në “Në emër të kujt flet Lulzim Basha?”

  1. Romi Tirane says:

    Ne emer te shquptareve te selise bllu

  2. Tarasi says:

    cfare rendesie ka se ne emer te kujt flet ?!!!!!! rendesi ka per kete qe, e moren nga nje perkthyes vk edhe e ben minister kryetar bashkie miliardier…edhe po nuk u be kurre kryeminister atij nuk i prish pune fare ….RENDESI KA PER KETE QE TE MERRET ME POLITIKE VETEM E VETEM PER TE MBROJTUR MILIARDAT E VJEDHURA…..

  3. Lule says:

    Po Luli ben Milionat . Partine e drejton komunisti I flakte Berisha I cili I ka treguar Lulit si behet paraja me korupsion!

  4. flet ne emer te saliut se vete nuk flet ai
    e shkaterroi ate parti

  5. poshtë i paafti dhe hajduti , edhe vrasësi i 21-Janarit.? says:

    Çmerresh me këtë hajvan .
    Sa të jetë ky, Rama do të mbretërojë .

  6. Daja says:

    Ky asht papagall,ashte vetem hajdut e genjeshtare e karnival. Te rroje partij qe ka s’bashku me salianusin,klevis krricin dhe pathoqen qe kishte partin me 10%tengritur.

  7. Zigur Qarri says:

    PO BENE NDONJEHERE LULJA SI I FORTE TRASHE ZERIN ( RAMA NARKOSHTETI UNE KRYEMINISTER
    ) PO NUK I SHKONE FARE LULE TERITALIT SHUME FALLCO
    DEL TE SHKALLET E PD DHE FILLONE TIK TAK TIK TAK NANO IK I FUTE NJE HYMNE SI KENDEZI NGRE DY GISHTA LARTE ZOTI I BEKOFTE SHQIPTARET DHE SHKONE NE SHTEPI I FUTE NJE GJUME KY ESHTE LULJA I PD .

  8. dila prej rrile says:

    Flete ne emer te kunatit dhe buqes tij

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje