Festivalet më të mira në 2020, faqja e njohur: Shqipëria, një pjesë parajse që duhet eksploruar

Duke u bashkuar me më të pëlqyerat si Ibiza dhe Kroacia, Shqipëria hyri shpejt në skenë, duke u bërë zgjidhja më e mirë për një parajsë të festivalit veror.

Kombinimi i bregdetit të pacënuar, qyteteve historike dhe kulturës së pasur me muzikën e jashtëzakonshme të të gjitha zhanreve, Shqipëria nuk është gjë tjetër veçse një pjesë parajse e gatshme për t’u eksploruar.

Kështu shkruan revista “Festicket Magazine”, e cila zbulon festivalet më të mira që Shqipëria ofron edhe gjatë 2020-ës si Kala, ION dhe UNUM.

Festivali “Kala” , 10-17 qershor 2020 në Dhërmi

Programi i festivalit (2020): Moodymann, Palms Trax, Joy Orbison, 808 State, Skee Mask, Marcellus Pittman

Festivali “Kala”, i cili filloi në vitin 2018, është konsideruar si një nga festivalet më emocionuese në Shqipëri dhe mbase në Europë. Muzika elektronike, pak muzikë “funk”, si dhe ritme shpirtërore dhe argëtuese që zgjasin një javë. Sidoqoftë, Kala nuk është vetëm një festival muzikor, që ofron yoga, meditim, plazh, por organizon edhe ekskursione për të eksploruar mjedise të mrekullueshme të vendit.

Festival ION, 6-9 Shtator 2020 në Dhërmi

2020 parashikon organizimin e ION, një festival krejtësisht i ri, që do t’i çojë pjesëmarrësit e tij drejt kufijve të rinj, një parajse të paprishur dhe vende unike. Festivali katërditor që do të mbahet në fillim të shtatorit u konceptua nga promovuesit gjigant, LWE dhe Junction 2. Në këtë festival do të performojnë talentet e muzikës elektronike që midis bukurisë së pacënuar të Dhërmiut do të mbajnë të rinjtë pjesëmarrës zgjuar deri në agim.

UNUM Festival, 28 maj -1 qershor 2020 në Shëngjin

Programi i festivalit (2020): Seth Troxler, Raresh, Sonja Moonear, Dyed Soundorom, Priku, tINI

UNUM i kthyer për edicionin e tij të dytë është një festival, i cili mishëron idenë e unitetit dhe pozitivitetit, dy aspekte kryesore që janë përfshirë brenda muzikës ‘house’ dhe tekno që shërben si politika kryesore muzikore e festivalit. Artistët Sonja Moonear dhe Raresh do të tregojnë aftësitë e tyre në brigjet e mrekullueshme të Shëngjinit.

Festivali popullor i Gjirokastrës, në 20 maj

Kënga popullore shqiptare është një pjesë kryesore e trashëgimisë së pasur të vendit, që pasqyron historinë kulturore të popullit shqiptar. Me ngjarjen e vitit të kaluar që tërhoqi mbi 1000 artistë, edicioni i këtij viti do të jetë gjithashtu frymëzues dhe ndriçues.

Lini një Përgjigje

Adresa juaj email nuk do të bëhet publike. Fushat e domosdoshme shënohen *