Aktori i njohur Muharrem Hoxha: Më zuri koronavirusi në Pogradec, gruaja më shpalli "nderi i shtëpisë"

20 Mars 2020, 11:51Kulturë TEMA

Aktori i njohur i humorit shqiptar, Muharrem Hoxha pas bllokimit të lëvizjeve ka ngelur në Pogradec ku po bën edhe karantinën në kuadër të parandalimit të përhapjes së koronavirusit.

Aktori ndër të tjera përmes një lidhje direkte me ABC e Mëngjesit është shprehur se nuk e njohin kush është armiku, ndaj për këtë të gjithë duhet të bëjnë kujdes dhe të zbatojnë rregullat e vendosura. Ai ka shkembyer edhe batuta me drejtuesin e emisionit, pasi ndodhet vetem me gruan ne shtepine e tyre ne Pogradec.

Intervista:

Si je me shëndetin?

Deri më tani jam mirë, skam pas asnjë problem.

Pse je në Pogradec se ne jemi mësuar me thënë Rrema i Durrësit?

Kam ngecur në Pogradec, më kapi koronavirusi.

Ke ngelur në një bujtinë, hotel apo shtëpi tënden?

Kam një shtëpi në Pogradec dhe më zuri këtu koronavirusi bashkë me gruan. Koha është shumë e bukur në Pogradec por duhet të rrimë në shtëpi. Mosha e katër i bie 70 vjeç apo mosha e 5?

Jo more se i ke bërë llogaritë gabim, i bie mosha e dytë.

Mosha e dytë po.

Në këtë formë që të shof unë dhe pse ke gruan afër mendoj se ke kohë me u martua edhe një herë.

Mos e thuaj ti se pa e thënë ti, e thotë vetë kjo .

Dje ke thënë se po të ndihmojnë disa vullnetare me ilaçe dhe ushqime?

Është e vërtetë pasi kam telefonuar kryetarin e bashkisë, dhe e pyeta se e pyeta nëse kanë grupe punë. Po më tha. Me lekë apo pa leke i thashe, dhe më tha se këtë të dytën me lekët e tua (shaka.) Kanë ardhë menjëherë dhe me kanë sjellë çfarë kisha nevojë.

Ke ngelur në banesë përballë liqenit vetëm me gruan?

Vetëm me gruan dhe pyeta doktor Piperon, nëse mund të dilja në breg të liqenit. Me tha që të rri në ballkon e ta shikoj liqenin e ishalla po vinte liqeni tek unë. Ne kemi bërë një film komedi me Arjan Çuliqin, dhe kemi pas pjesë që thoja se luftën e Parë Botërore e kalova me sukses por të dytës s’po i jap dot drejtim, nuk po dimë kush është armiku, nuk po e shohim. Dal te ballkoni nuk ka njeri, dal te dera nuk ka njeri mor po kush është ngelëm duke la duart.

E rëndësishme është që të zbatojë karantinën edhe me këtë shpirt humori të lajmë duart dhe kamët. Aq më tepër që njohim njerëzit e shtëpisë. Si të duket gruaja?

Unë të them sinqerisht që ishalla nuk zgjat shumë sa më pak dhimbje për vendin tonë ishalla, se ne pak jemi aq sa jemi. Kur dëgjoj se sa kanë vdekur në vendet e tjera them me vete Zot i Madh por dhe ne duhet të ruhemi. Duhet me nejt brenda se me atë që po dëgjojmë është e vështirë. Jua them sinqerisht dhe ju gazetarëve mirë na thoni ne mos dilni, po ju gazetarët nuk ju zë ju ca bëni ju, apo ju njohin ju. Ju rujtë zoti të gjitheve. Faleminderit për prezantimit por nuk jam Nderi i Kombit por Mjeshtër i Madh.

 S’të kanë bërë Nder i kombit akoma?

Jo jo, vetëm gruaja më ka bërë nderi i shtëpisë.

1 komente në “Aktori i njohur Muharrem Hoxha: Më zuri koronavirusi në Pogradec, gruaja më shpalli “nderi i shtëpisë””

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje