Nga moti i ftohtë dhe dëbora, tek banja e nxehtë dhe hudhrat: Mitet e rrëzuara mbi koronavirusin

Frika nga sëmundja ka shtyrë shumë njerëz në të gjithë botën të besojnë disa teori jo shkencore mbi koronavirusin dhe mënyrën e luftimit të kësaj sëmundjeje. Organizata Botërore e Shëndetësisë ka sqaruar disa nga këto mite.

Moti i ftohtë dhe dëbora

Një nga mitet e krijuara është që moti i ftohtë dhe dëbora mund të vrasin koronavirusin. OBSH thotë se kjo nuk është e vërtetë. “Nuk ka arsye të besojmë se moti i frohtë është në gjendje të vrarë koronavirusin e ri apo sëmundje të tjera,” thotë OBSH. Trupi i njeriut ruan temperaturë konstante në 36.5-37 gradë pavarësisht temperaturës së ambientit jashtë. Mënyra më efikase për të mbrojtur veten është larja e duarve me lëndë dezinfektuese me bazë alkoolin apo me sapun dhe ujë.

Banja e nxehtë

Nëse bën banjë me ujë të nxehtë, kjo nuk ju shpëton nga infektimi nga COVID-19. Temperatura e trupit tuaj është normalisht 36.5°C deri në 37°C pavarësisht se me sa ujë të nxehtë e bëni dushin. Në fakt, nëse zgjidhni ujë shumë të nxehtë, kjo rrezikon t’ju djegë pa ju ndihmuar. Larja e duarve është mënyra më e mirë për të mbrojtur veten nga COVID-19. Në këtë mënyrë ju eliminoni viruset që mund të gjenden në duart tuaj për të shmangur infektimet që mund të ndodhin nëse i vendosni duart e papastra në sy, gojë apo hundë.

Mallrat nga Kina

Edhe pse koronavirusi mund të qëndrojë mbi një sipërfaqe për disa orë deri në disa ditë (në varësi të llojit të sipërfaqes), ka shumë pak gjasa që virusi do të mbijetojë pasi sipërfaqja të jetë lëvizur, të ketë udhëtuar dhe t’i jetë ekspozuar kushteve dhe temperaturave të ndryshme. Nëse mendon se një sipërfaqe mund të jetë e kontaminuar, përdor një dizinfektues për ta pastruar dhe laj duart.

Koronavirusi dhe mushkonjat

Deri më sot nuk ka informacion dhe as prova që të sugjerojnë se koronavirusi mund të transmetohet nga mushkonjat. Koronavirusi i ri është një virus respirator që përhapet kryesisht përmes pikave të pështymës kur një person i infektuar kollitet apo teshtin, apo përmes shamive të hundës. Larja e duarve dhe ruajtja e distancës me personat që kolliten apo teshtijnë është mbrojtja më e mirë.

Tharësit e duarve

Disa besojnë se përdorimi i tharësve të duarve vret virusin. Kjo nuk është një mënyrë efikase. Larja e duarve mbetet mënyra më e mirë.

A ndihmojnë hurdhat?

Hurdhat janë një ushqim i shëndetshëm që mund të kenë disa cilësi antimikrobiale. Gjithsesi, nuk ka prova nga sëmundja aktuale që të sugjerojnë se konsumimi i hudhrave i ka mbrojtur njerëzit nga koronavirusi.

A prek më shumë koronavirusi të moshuarit apo fëmijët?

Njerëzit e të gjitha moshave mund të infektohen nga koronavirusi i ri. Të moshuarit, dhe njerëzit me sëmundje të tjera (të tilla si astma, diabeti apo sëmundjet e zemrës), duket se janë më të rrezikuar që të sëmunden rëndë nga virusi. OBSH këshillon njerëzit e të gjitha moshave të ndërmarrin hapa për të mbrojtur veten nga virusi, për shembull, duke ndjekur një regjim higjenik të fortë për duart dhe frymëmarrjen.

A ndihmojnë antibiotikët?

Jo, antibiotikët nuk funksionojnë kundër viruseve. Ato veprojnë vetmë kundër bakterieve.

Koronavirusi i ri (2019-nCoV) është një virus dhe, për rrjedhojë, antibiotikët nuk duhet të përdoren si mjet për parandalim apo trajtim. Gjithsesi, nëse shtrohesh në spital për këtë virus, ty mund të të japin antibiotikë për shkak se bashkëinfektimi me bakterie është i mundshëm.

A ka ndonjë ilaç specifik për të parandaluar apo mjekuar koronavirusin e ri?

Deri më sot nuk ka asnjë ilaç specifik. Gjithsesi, ata që janë të infektuar me virusin duhet të marrin kujdes të përshtatshëm për të lehtësuar dhe trajtuar simptomat, dhe ata me sëmundje të rëndë duhet të marrin kujdes të fuqizuar mbështetës.

 

REMOTE_ADDR:[]

2 komente në “Nga moti i ftohtë dhe dëbora, tek banja e nxehtë dhe hudhrat: Mitet e rrëzuara mbi koronavirusin”

  1. KORÇARI says:

    E ftohta , apo e nxehta sigurisht që ndikon mbi viruset ,sepse viruset dihet që kanë një temperaturë të caktuar në të cilën mbijetojnë ose vdesin
    Psh: Në verë ska shumë gjasa të mbijetojë virusi, pasi mbi 26-28 gradë Nuk mbijeton, gjithashtunë Alaskë nuk mbijeton virusi sepse nuk mbijeton dot në temperaturën -10 == – 12 gradë nën zero.
    Tani sa për virusin e ri ka një farë luhatjeje të vogël në krahasim me viruset e tjera përsa i përket temperaturës.
    Psh : sipas studimeve të Kinezëve ,Rusëve dhe Amerikanëve del se ky virus mund të durojë deri në + 26— >>+28 gradë , ose në të ftohtë jo më shumë se – 10 —->> — 12 gradë nën zero, vërtet trupi mban një temperaturë konstante por po flasim për mbijetesën e virusit në mjedis ,pra për përhapjen dhe jo për mbijetesën në organizmin e njeriut, sepse atje hynë të tjera gjëra.
    Sa për hudhrat nuk dihet nqs kanë ndonjë ndikim në këtë virus , por dihet që bëjnë shumë mirë për mushkëritë sepse kanë cilësi Septike, gjithashtu dhe Qepa dhe Piperkat Djegëse.
    Sa për tharësen e flokëve , nqs mund të krijojë temperaturë më të madhe se 28 gradë ,mund të dobësojë ose të vrasë virusin , duke mos lejuar kështu hyrjen e tij në organizëm.
    Sa për ujin e nxehtë , lëre fare…..

    Ajo që ka ndikim për virusin është ,HIGJENA VETIAKE ,gjithashtu KUJDES I MADH , dhe çaj të ngrohtë dhe në përgjithësi lëngje të ngrohta , Mjaltë me Limon për grykët dhe kollën , raki të ngrohtë me mjaltë të tretur në të për të dobësuar efektin e viruseve në përgjithësi.
    Barna për viruset mos kërkoni Kot, çdo virus duhet të bëjë ciklin e tij para se të kalojë .
    Barnat kanë efekt vetëm për Mikrobet.

Lini një Përgjigje

Adresa juaj email nuk do të bëhet publike. Fushat e domosdoshme shënohen *