Koronavirusi: Vjen nga Formula 1 pajisja për frymëmarrjen që mund të zhbllokojë terapitë intensive

30 Mars 2020, 13:04Hi-Tech TEMA

Sallat e terapisë intensive në gjithë Europën ashtu si dhe në Shtetet e Bashkuara janë në prag të kolapsit nga të shtruarit për pandeminë  e koronavirusit. Jo vetëm mungon stafi i mjaftueshëm, por edhe makineritë e duhura për frymëmarrjen artificiale, që teknikisht quhen ventilatorë.

Por një lajm i mirë vjen nga Anglia, ku studiuesit e University College në Londër në bashkëpunim me inxhinierët e Mercedesit që zakonisht punojnë për Formula 1,  kanë krijuar një pajisje e quajtur CPAP (në anglisht Continuous positive airway pressure), që premton se mund të ndihmojë spitalet që të mos tejmbushen.

Në thelb, pajisja kanalizon një miks oksigjeni dhe ajri normal në maskën e vendosur nga pacienti me një ritëm të përcaktuar, duke zhvilluar deri diku rolin e ventilatorëve. Në veçanti, pajisja do të ndihmojë pacientët që janë tepër të rënduar për të përballuar shtrimin në terapi intensive.

Sipas inxhinierëve, 100 pajisjet e para janë duke u shpërndarë në spitalet e Londrës, dhe mund të ndërtohen 330 të tilla në ditë. Në fakt kjo është edhe risia e një pajisje që në funksionimin e tij nuk është e re, duke qenë se është përdorur në mënyrë më të thjeshtë në Itali.

Bashkëpunimi me shtëpitë automobilistike mund të çojë prodhimin e tyre në 1000 në ditë, duke pasur një impakt domethënës  në lehtësimin e gjendjen në pavijonet spitalore.

“Kemi punuar ditë e natë, por jemi krenarë që një punë që ndoshta mund të zgjaste muaj të tërë u krye nga ne në 4 ditë”, tha një nga inxhinierët e Mercedesit.

5 komente në “Koronavirusi: Vjen nga Formula 1 pajisja për frymëmarrjen që mund të zhbllokojë terapitë intensive”

  1. drejtesia says:

    brovo si gjthmone te peret

    1. prizem says:

      CPAP ka 50 vjet apo me teper ndoshta, qe perdoret per pacientet qe vuajne nga sleep apnea ose bllokim frymemarje gjate gjumit. EUREKA.

    2. Shoku says:

      Brovo dha ty, par manyren si shkran. Hshaha

      1. Bukurshkrimi says:

        Ti e dhjave fare ?

  2. vet says:

    e ka shpikur shpikwsi hamilton

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje