Karmina kundër dhunës së PD në mitingun e teatrit

Gjatë protestës së sotme në Tiranë, sërish pati incidente.

Grupi i djemve të PD rrahën sërish një artist, i cili kërkoi që Luli të mos përfshihej në protestë.

Pasi pa skenën, Karmina vendosi të reagojë dhe të dënojë dhunën mbi artistët:

“Jam shumë e shqetësuar nga skena e dhunës që pashë në protestën që po bëhet për Teatrin.

Aty u dhunua një artist, se tha që Luli nuk duhet të vijë në protestë dhe se ka përgjegjësi për shembjen e teatrit.

Kjo nuk është ndonjë arsye për ta rrahur.

Unë e dëgjoj këtë gjë përditë nga Zeni, në shtëpi sidomos, kur flet në telefon me Qim Pekën.

Biles ata janë angazhuar në një projekt televiziv, vetëm për këtë punë.

PD e ka të qartë se Luli nuk i ka bërë mirë ca punë dhe duhet të ikë.

Ky artisti mu duk se mendonte njësoj si Zeni.

Dhe përfytyro sikur ta dëgjojë njeri Zenin që flet kështu me Qim Pekën e të rrahin Qim Pekën.

Kjo do të jetë skandal.

Merlin Monro ka thënë në librin e saj se “dhuna mund të të mbyllë gojën, por jo trurin dhe shpirtin”.

Ndaj dhe ky artisti do të vazhdojë të jetë i zemëruar me Lulin dhe pas kësaj.

Është shumë gabim që kanë tentuar ta trembin me dhunë.

Nga ana tjetër, unë jam vërtet e trishtuar që u prish teatri.

Kam që më 2009 që i lutem Zenit të shkojmë një herë të shikojmë një shfaqje dhe nuk vjen, se thotë duhen roje, biem në sy, e kështu gjërash.

Tani jam shumë e pikëlluar, se nuk pata rastin të hyja sa ishte ndërtesa në këmbë dhe nuk kam asnjë kujtim.

Po sa vetë mund të ketë si mua në Tiranë? Shumë.

Ndaj është gabim i madh prishja.”

REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *