Real Madrid, zbulohet plani për ëndrrën 120 milionëshe

4 Korrik 2020, 18:00Sport TEMA

Real Madrid është në kërkim të një qendërsulmuesi të klasit botëror që të garantojë një numër të mirë golash dhe që të jetë në gjendje të udhëheqë skuadrën në momentet e vështira.

Askush nuk ka arritur ta zëvendësojë CR7 dy vite pas largimit të tij dhe nuk është aspak e lehtë të gjendet një tjetër në lartësinë e portugezit.

Ai që mund ta mbushë boshllëkun e krijuar nga largimi i Ronaldo-s është Harry Kane. Ylli i Tottenham është ëndrra e vërtetë e Florentino Perez.

Madrilenët nuk do ta kenë të lehtë ta sigurojnë, duke parë se anglezi kushton shumë dhe mund të ketë disa vështirësi për sa i takon likuiditetit në epokën Coronavirus. Megjithatë, Real Madrid ka një plan.

Në fillim duhen shitur lojtarët e tepërt në ekip, si Luka Jovic dhe Mariano, për të mbushur arkat e klubit. Lëvizja e dytë do të jetë ajo që të bindet Jose Mourinho që të ulë koston e kartonit të lojtarit, i cili vlerësohet 120 milionë euro aktualisht.

Los Blancos shpresojnë që kjo të jetë strategjia e duhur për të siguruar qendërsulmuesin britanik nga fillimi i sezonin të ardhshëm, gjithmonë nëse e lejon Mourinho.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje