Alexandros Kosenas (Neptun): Bizneset mund të korrin sukses në rrethana të vështira, nëse janë të shkathët dhe me kurajo

13 Korrik 2020, 16:23Ekonomia TEMA

Pandemia goditi Shqipërinë në fillim të muajit Mars dhe si shume kompani, Neptun duhet të merrte masa të menjëhershme për sigurinë jo vetëm të punonjësve por edhe të klientëve gjithashtu, për ti shërbyer e plotësuar nevojat e tyre.

Kompania iu kthye menjëhere e-commerce-it, me platformen e web që e kishte tashmë gati. Për më tepër, për të qënë më i aksesueshëm për klientët, përveç faqes së webit Neptun ofroi mundësinë e blerjes edhe nëpërmjet rrjeteve sociale dhe shërbimit ndaj klientit. Me dërgesa brenda 24 orëve, ky shërbim tregoi se ishte një ndihmë e madhe për klientet dhe shumë produktiv për kompaninë duke qënë se të gjitha dyqanet fizike ishin te mbyllura.

Ne zhvilluam një intervistë të shkurtër me Z. Alexandros Kosenas, Drejtorin Ekzekutiv të Neptun, i cili ndau me ne sfidat me të cilat u perball kompania më e madhe e pajisjeve elektronike dhe elektroshtepiakeve në Shqipëri dhe planet e afërta.

Kur pandemia goditi vendin, për të gjithë brenda organizates lindi nevoja për tu pershtatur me rrethanat e reja. Duke qene se u ndërmoren një sërë masash kufizuese nga qeveria dhe pjesa më e madhe e qytetareve u mbyllen në shtepi, shitjet online patën një rritje të menjëherëshme. Kjo kërkoi edhe një ripërshtatje të strategjisë së kompanisë e cila u përqëndrua në 2 shtylla: Siguria dhe shpejtësia

Kosenas na tregoi se: – “Shitjet online u rriten 30 herë më shumë, duke tejkaluar një total prej 15,000 porosish. Nuk mund të themi se performanca jone arriti 100%, siç ne gjithmonë synojmë, por ofruam shërbim të mirë pavarësisht kufizimeve në disponueshmërinë e burimeve në atë periudhë, ku mundëm të arrinim 95% të të gjithë dërgesave brenda 24 orëve. Për këtë arsye, unë besoj se Neptun doli nga karantina më i fortë se më parë kryesisht sa i përket reputacionit. Për klientët, ishte shumë e rëndësishme që gjatë kësaj kohe ti shërbehej shpejtë dhe në mënyrë të sigurtë.

Më tej ai shton se: –Parametrat e ketij suksesi ishin kater:

Infrastruktura e kompanisë e cila na lejoi që të transformonim dyqanet tona më të mëdha në qëndrat tregtare në qendrat e shpërndarjes online.

Forcimi i shërbimit ndaj klientit dhe servisit (qëndra që menaxhonte dërgesat) me 40 personel shtesë nga burimet ekzistuese të Neptun

Aktivizimi i flotes tonë private me 20 makina të disponueshme për shpërndarje.

Neptun arriti të aplikonte standartet e kërkuara të shëndetit në punë në kohën kur i gjithë vendi ishte i izoluar në shtëpi.

Ai përmendi gjithashtu se rritja në shitje përmes porosive elektronike dhe nëpërmjet telefonit nuk mundi të kompensoje të gjitha humbjet nga mos-operimi i dyqaneve fizike të Neptun, me rezultat uljen e xhiros krahasuar me të njëjtën periudhë të vitit të kaluar. Gjithsesi, rezultatet ishin dukshëm më mirë nga sa pritej duke konsideruar mbylljen e plotë të dyqaneve për një periudhë 2 mujore.

Sipas të dhënave të paraqitura, mund të shihet se gjatë karantinës, faqja online e Neptun pati më shumë se 2 milion vizitorë, ndërkohë më shumë se 35 mije telefonata u kryen në call center-in e kompanisë.

Kur u pyet për të ardhmen, ai u shpreh:

“Kriza është aleatja më e mirë e të aftit dhe të guximshmit”

Sfidat me të cilat u përballën korporatat nuk kanë qënë asnjëherë më komplekse dhe bizneset do duhet të ruajnë balancën mes mbijeteses dhe zhvillimit. Për këtë arsye, na duhet të planifikojmë, të jemi të shpejtë dhe kurajoze”

Ai më tej shpjegon se, sot të gjithë janë të shqetësuar për kthim të sigurtë nga investimi dhe njerëzve do tu bëhet thirrje që të kapërcejnë frikën e tyre. Prandaj shitësit me pakice duhet të fokusohen së pari në sigurinë dhe higjenën dhe së dyti në produktivitetin. Me nota optimiste, ai sjell në vëmendje se:

“Ambjenti ku ne operojme ka dhënë sinjale për mundësi të ardhshme të cilat vijnë nga ndryshimi në mënyrën e blerjes së konsumatorit. Për këtë arsye, duke qënë se jemi lider në treg ne duhet të bëjmë të mundur shtimin e vlerës dhe përmirësimin e mëtejshëm të pozicionit tonë aktual.

Duke filluar që tani e deri në fund të vitit, do të  fokusohemi në zgjerimin e rrjetit të dyqaneve fizike me dyqane të reja (tonat dhe franchise) ndërkohë që do të përmirësojmë prezencën tonë online me prezantimin e faqes sonë të re dhe një aplikacioni të ri, të cilat do të finalizohen gjatë stinës së verës.

Neptun është aktualisht rrjeti më i madh në sektorin e elektroshtëpiakeve prezent me 26 dyqane dhe duke planifikuar zgjerimin në 30 dyqane deri në fund të vitit. Gjatë karantinës Neptun gjithashtu tregoi se ishte kompania më e madhe edhe pëe sa i përket shitjes me pakicë online të pajisjeve elektronike dhe elektroshtepiakeve.

Për të ardhmen Kosenas zbuloi se po përgatiten të prezantojnë për herë të parë në tregun Shqiptar përqasjen Omni-Channel (shumë-kanale), duke siguruar një eksperiencë të integruar për konsumatorin. Ai do të ketë mundësi të kryejë blerje online nga ekrani i kompjuterit ose telefonit celular, duke telefonuar, ose edhe në një dyqan fizik dhe eksperienca që do të marrë do të jetë e shkëlqyer kudo ku do blejë.

Përsa i përket klientëve besnik, Neptun bëri një përditësim në kartën e besnikërisë Happy+. Tashmë të tjerë shitës me pakicë janë të përfshirë në skemë, duke rritur kështu shpërblimin kundrejt klientëve me një vlerë prej 6% të blerjes së tyre. Kjo skemë e re është vlerësuar së fundmi si skema më e mirë e besnikërisë në eventin vjetor që vlerëson këto lloj programesh e që u organizua në Athinë në fillim të këtij viti.

 

1 komente në “Alexandros Kosenas (Neptun): Bizneset mund të korrin sukses në rrethana të vështira, nëse janë të shkathët dhe me kurajo”

  1. m says:

    Edhe këtë grekët e paskan marrë në dorë

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje