Historia e jashtëzakonshme, shtatzënë në fushë, portierja e Vllaznisë ngriti kupën

31 Korrik 2020, 16:13Sport TEMA

Kupa e shtatë me radhë. Një rekord për Vllazninë dhe për futbollin e femrave. Një triumf që erdhi me prezencën e 12 lojtareve në fushën e lojës, por pa thyer asnjë rregull të futbollit.

Kjo për faktin e jashtëzakonshëm, se portierja shkodrane, Ardiola Raxhimi ka luajtur në finalen përballë Apolonisë duke qenë shtatzënë. Një ngjarje unike në botën e sportit.

“Një sekret i vogël. Mund t’ia kemi bërë me hile, pasi ne kemi luajtur me “12 vetë”, pasi unë së shpejti do të bëhem me një bebe”,  u shpreh portierja e Vllaznisë Ardiola Raxhimi.

Pas ndeshjes së dominuar dhe të fituar 4-0 përballë Apolonisë, në skuadrën kuqeblu vendosën që për vetë situatën e pazakontë, trofeu të mos ngrihej nga kapitenia Megi Doçi, por nga portierja Raxhimi.

“Gardiania” kuqeblu premton se do të kthehet në fushë për sezonin e ri, menjëherë pasi të ketë sjellë në jetë foshnjen, për të fituar titullin e pestë kampion me Vllazninë.

5 komente në “Historia e jashtëzakonshme, shtatzënë në fushë, portierja e Vllaznisë ngriti kupën”

  1. e kam seriozisht says:

    tu hiqet kupa – paskan luajtur me 12 lojtarë!

  2. e kam seriozisht says:

    tu hiqet kupa – paskan luajtur me 12 lojtarë!!

  3. e kam seriozisht says:

    tu hiqet kupa – paskan luajtur me 12 lojtarë!
    nuk ëshë e ndershme 12 me 11!

  4. e kam seriozisht says:

    tu hiqet kupa – paskan luajtur me 12 lojtarë!
    nuk ëshë e ndershme 12 me 11!

  5. s'tifoz i vllaznis says:

    Gjithmone me te futur fiton Vllaznia… Leqe ne kyt rast i bie te jet Moternia ?

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje