Karmina shpjegon pse anuloi udhëtimin e dytë me jaht në Korfuz

Pas bujes që bëri me udhëtimin e parë me jaht luksoz në Korfuz, fansat e Karminës prisnin që ajo të postonte sot foto të reja nga Korfuzi dhe pushimet atje. Por duket se Karmina i ka anuluar planet.

Në një sqarim për fansat e saj ajo shkruan.

Të dashur fansa!

Udhëtimi im i dytë për këtë të martë u anulua për arsye etike.

Të gjithë e patë se çfarë ndodhi në Liban. Një aksident teknologjik hodhi në erë portin e Libanit dhe tani miliona njerëz janë në hall për të siguruar ushqime.

Zeni i cili e ndjeu thellë atë që ndodhi, më sugjeroi të anulonim udhëtimin, pasi ai donte të lutej për vëllezërit libanezë.

-Unë e di mirë se çfarë ferri kanë hequr ata njerëz,- tha. Unë kam humbur burrin e  tezes në një aksident të tillë. Ndaj duhet të shmangim pushimet luksoze.

Unë e mbështeta plotësisht. 

Merlin Monro ka thënë, se nuk ka rëndësi nëse ke anuluar rrugën drejt lumturisë, rëndësi ka që të jesh e lumtur pse e ke bërë këtë. Dhe unë jam e lumtur që nuk shkova prap me jaht luksoz këtë të martë në Korfuz, për shkak të asaj që ndodhi në Liban.

Bashkë me Zenin shkuam tek varri i burrit tezes së tij vrarë në Gërdec dhe pastaj tek kompania e boronicave në Gërdec. Unë i propozova t’u çojmë nga një pako boronica gjithë familjeve të viktimave të aksidentit tekonologjik të Gërdecit. 

Boronicat janë si fryt me gjak brenda dhe është simbolikë i mirë. Por ai refuzoi. Nuk dua t’u lëndoj plagët tha. Do përpiqem t’ua shlyej me punë dhe përgjegjësi atë që ka ndodhur. Deri tani kam sjellë 5 milionë euro investime në zonë dhe në të ardhmen do t’i shtoj akoma.

Kjo më bëri të lumtur, njësoj sikur të kisha ikur prap në Korfuz.

REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *