Prej 1- muaji futbolli shqiptar ka ndalur topin dhe ende nuk ka një datë se kur do të mund të rinisë, pas vendimit unanim për bojkot të marrë nga 10- presidentët e Superiores.
Në vendimin e sotëm, Liga Profesioniste vendosi sërish bojkotin e kampionatit pa afat deri në një vendim të qeverisë për të plotësuar katër kërkesat e tyre, që duhet theksuar se kryeministri Edi Rama e ka deklaruar prerazi që shumica prej tyre janë të parealizueshme.
Ndërkohë, që presidentët e Superiores vijojnë betejën e tyre me qeverinë për t’iu plotësuar ato katër pika, që shërbejnë veç për ta, për lojtarët që kanë më shumë se 1 muaj që nuk luajnë nuk flet askush.
Pak muaj më parë, në sportin shqiptar bëri “bujë” krijimi i një “Sindikate Futbollistësh”, që për kryetar vendosi Andi Lilën, një personazh që që në fillim u konsiderua si i dyshimtë dhe jo i besueshëm.
Kjo për shkak të lidhjes së tij të ngushtë me presidentin Armand Duka, që ishte dhe një nga personat që loboi për krijimin e Sindikatës së Futbollistëve.
Dhe nuk kaloi shumë kohë dhe Andi Lila përveç disa takimeve formale me disa lojtarë, nisi menjëherë të vendosej në shërbim të FSHF-së.
Në çdo vendim të kësaj Federate, Andi Lila i dilte menjëherë në mbështetje, duke e kthyer shumë shpejtë në një Sindikatë qesharake, madje edhe politike.
Kujtojmë këtu që kjo e “Sindikatë e Futbollistëve”, vijoi të keqpërdorej nga Andi Lila dhe për interesa të tij politike duke sulmuar antarë të qeverisë, sa herë këta të fundit sulmonin Armando Dukën.
Rasti më i fundit është deklarata për shtyp që “Sindikata e Futbollistëve” ka bërë në lidhje me bojkotin ku sulmon qeverinë dhe kryeministrin, me një gjuhë sikur të ishte një organizatë politike.
Dhe në fakt ashtu rezultoi të ishte. Andi Lila, kryetari i kësaj Sindikate, është zyrtarisht në listën e kandidatëve për deputet të Partisë Demokratike për qytetin e Kavajës.
Edhe pse ka pasur shumë kontestime për kandidimin e tij, për shkak se nuk ka asnjë kontribut në këtë forcë politike, fal lidhjeve të tij me sekretarin e përgjithshëm të PD-së Gazmend Bardhin, Andi Lila arriti që të rikonfiromej në garën për deputet.
Antarësimi i tij si deputet është një skandal më vete për “Sindikatën e Futbollit”, e cila duhet të jetë kategorikisht e shkëputur nga politika.
Fakti që Andi Lila tashmë është kandidat i PD-së, zhvlerëson të gjithë Sindikatën, që tashmë merr zyrtarisht formën e një organizate politike.
Nuk dihet ende se si do të vijohet, nëse Andi Lila do të jap dorëheqjen, por në rast se vijon si kryetar, kjo Sindikatë e humbet gjithë qëllimin dhe misionin e saj për të ndihmuar futbollistët.
Do jetë thjesht një Sindikatë që do përdoret politikisht për përfitime personale të Andi Lilës, dhe ndonjëherë kur t’i hy në punë Armando Dukës. (TemA)
Une do e jap(pa é). Ai/ajo do e japé(me é). Sidoqofte, tashme dihet se rruga per te semafori PD, kalon neper srmaforet e grevave e demonstratave “jopolitike” kunder qeverise. Andushi eshte vecse semaforisti I radhes, se bashku me vellezerit Budina. Kjo diskrediton PD, keta personazhe vete, le vendin pa nje opozite, qe eshte demi me I madh. Dhe forcon pozitat e Edi Rames, edhe pse ky i fundit nuk besoj ka nevoje.
Andi Lila katunar nga Kazijet e Peqinit.
Bobobobo.ky fiks si injoranti qe per cdo gje thot e bej.