Ashtu sikundër Argjirolajm.net raportoi një ditë më parë, sot Bashkia Gjirokastër ka bërë kallëzim penal në Prokurori për disa persona, që i cilëson si përgjegjes për rrënimin e klubit të Luftëtarit dhe abuzim me fondet.
Të akuzuarit janë shtetasit Grigor Tavo dhe Donjaldo Hoxha në cilësinë e administratorëve të “KF Luftëtari”, ish kryetarja e Bashkisë Gjirokastër, Zamira Rami në cilësinë e përfaqësuesit të Bashksië Gjirokastër, si dhe shtetasi Bekim Halilaj në cilësinë e administratorit dhe aksionarit të shoqërisë me përgjegjësi të kufizuar “Anast”sh.p.k.
Bashkia i akuzon ata për “Mashtrim me subvencione”, “Krijimi i skemave mashtruese lidhur me tatimin mbi vlerën e shtuar”, “Shpërdorimi i kompetencave”, “Fshehja e të ardhurave” dhe “Falsifikimi i vulave, stampave apo formularëve”.
Ndërkohë një ditë më parë kryetari i Bashkisë Gjirokastër, Flamur Golemi, zhvilloi një takim me ish-futbollistë dhe specialistë të sportit, ku sqaroi me detaje situatën e krijuar te klubi.
Golemi tregoi me emra përgjegjësit, sipas tij, të rrënimit të ekipit, që nga ish-kryetarja Zamira Rami, Grigor Tavo e deri te Bekim Halilaj.
Na u duk cudi kur legjenda e futbollit gjerman Huli Henes ish president dhe tani perseri president i klubit te Bajernit u denua me burg dhe pune korektonjese mos ndoshta dhe ketu dicka leviz per mire, le te shpresojme…..