Reagime të jashtëzakonshme ka pasur menjëherë nga federata dhe klube pas lajmit për vdekjen e legjendës argjentinase, Diego Maradona.
Maradona ka ndërruar jetë në moshën 60-vjeçare gjatë mëngjesit të së mërkurës në Buenos Aires të Argjentinës.
Vdekja e legjendës botërore të futbollit ka ardhur për shkak të një sulmi në zemër.
Kjo vdekje ka shokuar të gjithë spektrin sportiv, e në veçanti atë të futbollit, të cilët kanë reaguar me disa postime në rrjetet zyrtare.
Janë Federata Argjentinase e futbollit, faqja e kombëtares argjentinas, ajo e klubit të Barcelonës, Boca Juniorsit dhe Napolit që kanë reaguar ndër të parat.
“Kaq gjatë, Diego. Do të jesh i përjetshëm në çdo zemër të planetit të futbollit”, shkruhet në postimin e faqes argjentinase.
“Faleminderit për gjithçka, Diego”, ka shkruar Barcelona në faqen zyrtare.
“Përgjithmonë. Mirupafshim Diego”, lexohet në mesazhin e Napolit për lojtarin më të mirë në historinë e tyre.
Reagime tjera kanë ardhur edhe nga klub tjera të mëdha evropiane.
Real Madridi, Interi, Manchester Unitedi dhe Liverpooli janë disa nga klubet e shumta që kanë reaguar.