Rrahmani titullar e Hysaj në stol, Napoli eliminon me vështirësi Empolin

Napoli vuajti jo pak përballë Emapolit në stadiumin “Maradona” megjithatë ia doli të kualifikohej në çerekfinale të Kupës së Italisë. 3-2 triumfoi skuadra e drejtuar nga Gattuso, të cilën e pret në fazën tjetër fituesi i çiftit Spezia-Roma.

Kishte ardhur momenti që të aktivizohej mbrojtësi i Kosovës, Amir Rrahmani, i cili qëndroi në fushë gjatë gjithë ndeshjes, ndërsa Hysaj qëndroi gjatë gjithë kohës në stol.

Dy herë arriti Empoli të barazonte rezultatin me shqiptarin me pasaportë zvicërane, Bajrami (33’ dhe 68’), pasi për napolitanët shënuan fillimisht Di Lorenzo (18’) e më pas Lozano (38’).

Gjithsesi, në minutën e 77-të Napoli gjeti golin fitues dhe të kualfikimit, që u realizua nga Petagna.

REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *