Mirela Kumbaro humbet nënën: Të rëndë ma ke lënë barrën e modelit, s’di a do ta arrij dot

19 Janar 2021, 21:10Sociale TEMA

Deputetja e PS, Mirela Kumbaro ka humbur njeriun më të shtrenjtë, nënën.

Lajmin e ka bërë të ditur vetë, përmes një statusi në rrjetet sociale.

Postimi i plotë:

U ngjit në qiell një Zonjë, një mësuese pasionante që jetën ia kushtoi arsimit, që për gati 4 dekada formoi breza profesionistësh dhe artistë duke u mësuar atyre matematikën të cilën ua bëri po aq të dashur sa muzikën, pikturën apo baletin në Liceun Artistik.

Një bijë që me shumë dinjitet e përulësi nderoi emrin e familjes e cila la gurë të rëndë në themelet e patriotizmit e të kulturës gjirokastrite të kombit.

Një grua që dashuroi fort një libohovit dhe të dy bashkë ndërtuan familjen më të bukur në botë, me besimin te fëmijët dhe me bindjen te parimet e jetës.

Një gjyshe që nipërit e mbesa e kishin shoqe të ngushtë dhe dashuri të pazëvendësueshme.

Ajo është nëna ime!

Të cilën e njoha kështu si në këtë foto kur erdha në jetë.

Dhe kështu e përcolla sot drejt parajsës se vetëm atë meriton zysh Azbija, mama jonë, e bukura dhe e mençura jonë, e kthjellët si hëna e plotë, e thellë si toka e pjekur, e qetë si deti pas furtunës, elegante si mendimi për Jetën që e respektoi deri në çastin e fundit kur iku në paqe dhe krenare nga kjo botë për t’u bashkuar përgjithmonë me dashurinë e jetës së saj, tim atë.

Të rëndë ma ke lënë barrën e modelit që s’di a do ta arrij dot, e që më jep ndjesinë e fundit të detit…

Lamtumirë Ma!

3 komente në “Mirela Kumbaro humbet nënën: Të rëndë ma ke lënë barrën e modelit, s’di a do ta arrij dot”

  1. Nejse says:

    Rahmet past zysh/nene Azbia…..

  2. Asnji trashegimi nuk eshte e lehte sot
    kur botet ndryshojne aq shume .
    Dikur kishte Moral shoqeria ,kishte rrespekte per gjithcka
    sot kto dy komponentet kryesore qe vendosin ekujlibrat ne shoqeri e familje ,
    kane braktisur Shqiperine .
    Detyra e trashgimise eshte me shume se e veshtire per ishMinistren .
    ishin kohe te Njerezimit ato .
    U prehte ne Paqe …

  3. pejapaqe says:

    Te roni ta kujtoni. I pa haruar kujtimi.
    pJp /USA

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje