Tamponët: Ç’rrezikon Lazio. Pse mund të ndryshojë renditja

2 Mars 2021, 16:53Sport TEMA

Strategjia mbrojtëse 231. Kështu e ka quajtur e përditshmja “Domani” çështjen Lazio-Tampone. Në rindërtimin e hetimit federal është shkruar se presidenti i Lazios mohoi çdo përgjegjësi përmes një ankese në ligjin për përgjegjësinë administrative të shoqërive. “Teza është se në strukturën e ndërlikuar të biznesit të Lazios, që zbaton sistemin e qeverisjes së dyfishtë me ndarjen mes një Bordi Mbikëqyrës dhe një Bordi Drejtues, përgjegjësitë shpërndahen mes sektorëve në mënyrë kapilare”.

Në takimin me prokurorët federalë, numri 1 i Lazios deklaron se “për shkak të madhësisë dhe kompleksitetit të shoqërisë, unë nuk mund të ndjek të gjitha degët e veprimtarive dhe funksioneve të biznesit”, dhe se ai është marrë me “problematikat tampone vetëm në situata të jashtëzakonshme sepse organet e mia më kanë shtyrë për të marrë një pozicion zyrtar të SS Lazio”. Situata që janë dokumentuar në disa nga letrat e hetimit të botuara nga vetë “Domani”.

Si në rastin kur dëshironte të bindë doktoreshën Cristina Lapucci të Synlab (laboratori në të cilin mbështetet UEFA dhe i cili bëri testet që vërtetuan pozitivitetin në qendër të çështjes) se lojtarët e tij nuk rrezikonin të infektonin të tjerë. “Në këtë rastin e fundit fola vetë me Presidentin Lotito – thotë dëshmitari i dëgjuar nga Prokuroria Publike – pika në të cilën ai këmbënguli ishte se, në thelb, tre nga pacientët pozitivë ishin pacientë pas karantinës, të shëruar ose negativizuar në një pozicion infeksioni të vonuar. Ai pretendonte se anëtarët në fjalë nuk ishin infektues por unë i shpjegova atij se laboratori nuk hyn në kategorinë e infektivitetit por atë të pozitivitetit dhe si masë paraprake ne i konsiderojmë të gjithë pacientët pozitivë si infektivë ”.

Tentativa e Lotito sidoqoftë është të shmangë përgjegjësinë e drejtpërdrejtë të klubit, gjë që do ti bënte rreziqet për Lazion shumë më të mëdha, duke parë penalizimet, në gjyqin sportiv të shkallës së parë më 16 mars.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje