“Drejtësia e re s’bëhet me drapër e çekanë apo dënime partie”! Rama: PD-LSI e KÇK janë 3 këmbët e së keqes me 2 koka presidentësh, kërcënojnë reformën. Do ju vijë fshesa

3 Mars 2021, 10:38Politika TEMA

Në një monolog ku në fokus ka drejtësinë e re, kryeministri Edi Rama nuk i kurseu akuzat dhe sulmet për opozitën. Kreu i qeverisë theksoi se drejtësia e re nuk ndërtohet me drapër e çekanë as me dënime partie, por me një veprim të thellë demokratik dhe me një vrapim maratone.

Mes të tjerash ai tha se PD, LSI, dhe KÇK sot janë 3 këmbët e së keqes së vettingut, të dy kokave presidentësh, që sipas tij nuk e duan reformën në drejtësi.

“Kjo është puna më e vështirë mes të tëra punëve kaq të vështira. Nuk është punë që bëhet shpejt, pasi kërkon më shumë kohë. Dua t’ju kujtojë se kjo punë ka nisur pak vite më parë. Këtë punë mund ta niste dhe ta bitisë nesër vetëm një forcë politike në këtë vend, kjo e jona, PS.

Mos e vini në dyshim këtë. Mos u zhgënjeni nga zhgënjimi juaj përballë drejtësisë. Drejtësia e re nuk ndërtohet me drapër e çekanë as me dënime partie, e as me urdhra partie, por me një veprim të thellë demokratik, me një vrapim maratone.

Deri kur e vendosëm reformën në drejtësi në rendin e ditës, askush se mendonte se do ta niste atë maratonë me vendosmëri. I hymë detit në këmbë kur i thonë, edhe pse para nesh kishim mjegullën e dendur të skepticizmit dhe nihilizmit.

Mos harroni se çfarë kemi hequr për ta votuar atë reformë, me ata që sot kërkojnë votën tuaj për të marrë drejtimin e këtij vendi, për të çuar në djall atë reformë.

Mos harroni se çfarë iu desh që të bënin partnerët tanë europianë për të sjellë në parlament, Saliun, Ilirin dhe Lulin e Monikës për t’i nxjerrë ata nga ajo çadra tragji-komike u dhanë vende në administratë dhe në qeveri, vetëm e vetëm që të ktheheshin në kuvend për të votuar Vettingun, A-n e alfabetit të reformës dhe më pas të hynin në zgjedhje.

Ju mund të thoni; “Po mirë ikën 4 vite që ta dhamë timonin, por kush është futur në burg, nga ata që ju e dini, dhe unë e di. Ata duhet të japin para SPAK llogari, dhe jo të shesin dokrra në sofrën e vendit”.

Pyetje e dhimbshme dhe përgjigje po ashtu; askush! Kush e ka menduar se vota për vettingun do të çonin njerëz në burg, ai është hallka e parë, fshesa e pastrimit të drejtësisë nga llumi i kalcifikuar 30 vite me radhë.

Pastrimi i pallatit të drejtësisë nga ata që u pasuruan, duke e kthyer drejtësinë në biznes dhe të drejtën e çdo njeriu që shitet e blihet sot e gjithë ditën.

Presidenti i republikës dhe ish-presidenti i kësaj republike, mbështeten nga kasta e korruptuar, deri kur t’ju vijë dita e fshesës së vettingut. PD, LSI, dhe KÇK sot janë 3 këmbët e së keqes së vettingut.

Për inat të qeverisë, apo për inatin tim, ju nuk votoni fare, atëherë do të bëni një prej atyre gabimeve fatale në jetën e një vendi që i bën një gjeneratë dhe i paguan gjenerata tjetër.

Unë nuk dua t’ju them se ju nuk keni asnjë arsye se pse të jeni të inatosur me mua apo me qeverinë, por përkundrazi mund të keni.”, tha Rama.

2 komente në ““Drejtësia e re s’bëhet me drapër e çekanë apo dënime partie”! Rama: PD-LSI e KÇK janë 3 këmbët e së keqes me 2 koka presidentësh, kërcënojnë reformën. Do ju vijë fshesa”

  1. Kalec Dega says:

    Batakci , mashtrues, te doli boja … ja ke kaluarSiut o corapekuq

  2. Tetovari says:

    Ti kalec dega qenke KAKLEC DEGA!
    A e hëngre byrekun sot pa jogurt?

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje