arkiva

Seksionet

•Home

•Editorial

•Politika

•Speciale

•Kronika

•Intervista

•Komente

•Opinion

•Aktualiteti

•Rajoni

•Bota

•Ekonomi

•Reportazh

•Rrethe

•Kultura

•Sporti

•Forum

•Dossier

•Sociale

•Arkiva

•Tema E-mail

Lidhje

•Deutsche Welle

•BBC Shqip

•Zeri i Amerikes

•EDSH

•Rilindja Demokratike

•Besnik Aliaj

•Zeri Yt

Shtypi i Huaj

•New York Times

•The Washington Times

•The Times

•Independent

•Guardian

•Frankfurter

•Corriere della Sera

•Il Giornale

•Le Figaro

•Le Monde

Drejtor Mero Baze

ARKIVA

EDITORIAL

Cogito ergo sum

Ilir Paço

Pa vënë aspak në diskutim negativitetin e videos së “famshme” të një grupi ushtarësh greke diku në ca rrugë pylli të Greqisë, duhet parë edhe diçka tjetër në këtë çorbë urrejtjeje, kusinë e së cilës e vunë në zjarr ai grup ushtarësh kokëgdhe dhe po e shtojnë dhe po e trazojnë me kujdes disa këtu në Tiranë. Reagimi gati i “stuhishëm”, në mediat e Tiranës pas kësaj ngjarjeje gjithsesi fyese për shqiptarët, nuk ka bërë aspak efekt pozitiv në lidhje me vënien në vend të dinjitetit të Shqipërisë dhe shtetasve të saj. Përkundrazi, duke e tejkaluar masën tregoi varfërinë e niveleve mbi mesatare të shoqërisë dhe të një pjese të mirë të politikës, kryesisht në parlamentin e mbushur me deputetë anonimë.

Është sa qesharake, aq edhe dëshpëruese të shikosh sesi institucioni më i lartë i një vendi dhe “burrat e kombit”, deputetët, harxhojnë orë të tëra për të diskutuar, duke përdorur disa klishe bajate dhe retorika nacionaliste që të bëjnë të nxjerrësh zorrët. E për çfarë? Për budallallëkun e 15 apo 20 ushtarëve që çalltisin diku në rrugët e një pylli apo kodre të Greqisë. Dhe e di se çfarë bie në sy? Që të parët që merren me këta ushtarë janë pikërisht ajo pjesë e deputetëve që s`iu dihen as emrat dhe që nuk kanë ndonjë nivel kulturor më të lartë se ata ushtarë grekë. Janë gati njësoj si ata, nuk dinë të bëjnë asgjë më tepër sesa ata. Flasin me terma nacionalizmi e gjoja patriotizmi, duke identifikuar gjithë greket me këta ushtarë. Ashtu si ai grupi i ushtarëve që fliste për zorrë shqiptarësh që do t`i bënte lidhëse, edhe ata nuk dinë të diskutojnë për asgjë tjetër. Ja si bëhet qesharak një parlament i tërë prej disa anonimëve.

Të paktën deri më sot, nuk kemi parë të mblidhet Asambleja e madhe e Turqisë dhe të harxhojë orë të tëra, të vyera për t`u marrë me ca ushtarë që bredhin pyjeve dhe çalltisin këngë të përzishme lufte të shekullit të kaluar. Madje, as ndonjë zyrtar tjetër në Ankara. Ndonëse në atë video, turqit shaheshin pafund, flitej nga fillimi në fund për prerje kokash të turqve dhe për ngritjen e flamurit në kishën e Shën Sofisë në Stamboll. Kishte vetëm disa shkrime periferike në media. Kaq meriton kjo histori. Do mjaftonte edhe këtu në Tiranë reagimi i Ministrisë së Mbrojtjes apo ai i Ministrisë së Punëve të Jashtme.

Në Shqipëri mund të vësh re një fenomen që i takon në fakt sociologëve ta shpjegojnë. Nëse në vende të tjera, perëndimore përfshi edhe Greqinë fqinje, të cilën e akuzojmë vazhdimisht për shumçka, “nacionalizmi si streha e fundit e horrave” shfaqet te nivelet e ulëta dhe të pakulturuara të shoqërisë, çka nuk sjell ndonjë dëm të madh, këtu në Shqipëri ndodh e kundërta, nacionalizmi shfaqet agresivisht në nivelet në dukje më të larta të shoqërisë, sidomos te njerëzit që kanë akses në media. Kjo e bën paksa shqetësuese situatën. Është e rrallë, por jo e pamundur kuptohet, në Greqi, të ndeshësh tituj gazetash kaq përgjithësues për një komb, kur flitet për ngjarje negative nga individë të caktuar, siç ndodh këtu në shtypin shqiptar. Dje, në gazetën “Shqip” kolegu, Arben Vata, shprehte habinë e tij sesi mediat greke vënë në dyshim autenticitetin e videos me këngë antishqiptare, antiturke, antibullgare dhe antimaqedonase, të një grupi ushtarësh grekë. Dhe ishin pikërisht mediat greke, gazeta më e madhe në vend “Ta Nea” që e publikoi e para video-skandalin. Nëse hidhen dyshime mbi një material të caktuar, kjo është një nga detyrat dhe nga cilësitë më të mira që duhet të karakterizojë një gazetar dhe një organ mediatik deri në një masë logjikisht të pranueshme. “Cognito ergo sum” thotë Rene Dekarti, “dyshoj, pra ekzistoj”. Pa hyrë aspak në diskutimin mbi autenticitetin e videos dhe të pjesëmarrësve në të, duhet thënë se gjithkush që ka sado pak njohuri nga kompjuteri, e di mirë se interneti është një media, ku gjithkush ka akses të lirë të bëjë download apo të hedhë në rrjet gjithçka dëshiron, pa asnjë pengesë. Në këtë kuptim, gjithkush mund të dyshojë mbi autenticitetin e një publikimi të tillë. Por ka edhe një pikë tjetër të dyshimtë e gjithë kjo histori. Disa organe këtu në Tiranë botuan edhe emrin dhe intervista me personin që e zbuloi videon. Ishte një shqiptar nga Shkodra që jeton në Suedi, i cili duhet thënë se nuk di aspak greqisht. Edhe për një grek do ishte e vështirë të kuptonte qartë dhe që herën e parë fjalët e kësaj këngë për shkak edhe të cilësisë së dobët të videos që është regjistruar nga një celular. Pra, si mundet një njeri që nuk di greqisht, asnjë fjalë, të kuptojë se në materialin e zbuluar rastësisht në internet bëhet fjalë për shqiptarë? Kështu pra, e gjithë kjo histori nuk ia vlente të diskutohej kaq shumë nga nivelet e “larta” të politikës, por që rezultojnë mediokre, por dhe nga media. Të harxhohej kaq kohë dhe kaq letër për situata të tilla të dyshimta. Ndaj si gazetar më duhet ta mbyll këtu me thënien e Dekartit, “Cognito ergo sum”.

Procesi real i Çelo H

Agim Baçi

Prej 13 ditësh kompjuteri i mikut tim, Çelo Hoxha, nuk e ndjen zhurmën e gishtërinjve në tastierë. Dhjetëra site gazetash britanike e amerikane mbajnë si shenjë të fundit të klikimit atë të shtunë të 24 shkurtit, teksa Çelo dilte të merrte diçka për të mundur kërkesat e stomakut e t’i përvishej sërish leximeve, por që në vend të tyre mori një gjellë të gatuar nga një çudi e kuzhinës PS-Prokurori .

Çelo kurrë nuk është kujdesur shumë për të ngrënën, por vetëm për leximin – pikërisht atë që ata që e akuzonin e gjykonin duket se e kanë harruar. “Më mirë 10 fajtorë jashtë, se një i pafajshëm brenda në qeli”, - thotë rregulli i lashtë i drejtësisë. E në fakt, do të mjaftonte ky ligj, që Çelo sot, të ishte duke lexuar sërish gazetat e botës në kompjuterin e tij e të shkruante ndonjë koment, e jo në qeli, i shoqëruar me policin që, jam i sigurt se prej 13 ditësh po vret mendjen se ku e fsheh rrezikun Çelo, së bashku me pedagogun tjetër, Arturin.

Por, për mua që dëgjova atë ditë prokurorin, është krejt e qartë, se ai nuk kishte ndonjë qëllim që të dënonte Çelon e as Arturin. Atij i duhej të zbatonte një urdhër, të cilin e lexoi rrjedhshëm politikisht kundrejt dy personave, që siç tha, ishte hera e parë që i shihte në jetën e tij. Por duket se bindja është më e fortë se ligji – dhe këtë kushdo që ishte në sallë kishte mundësinë ta përjetonte, pasi prokurori e tha hapur se ishte për të kritikuar mënyrën sesi ishte organizuar PBK (!!!) dhe se po mbronte votën e shqiptarëve. (!!!). Pra, ai nuk foli si prokuror, por si avokat i një pale politike. Fundi i fundit, kush ia kishte kërkuar atij mbrojtjen e votës,( për këtë punë ka KQZ, kolegj zgjedhjesh e një mori gjykatash, të cilat mund të kthejnë edhe zgjedhjet si ajo kushtetuese) aq më tepër të një vote që nuk ishte cenuar, pasi veprimi për të cilin akuzohen Hoxha e Roshi as nuk ishte ekzekutuar?

I pamësuar shumë me rrjedhat e gjyqit, unë mendova se, pasi nuk kishte përgjigje për pyetjen e avokatit Fana: “Më jep vetëm një provë që ata kanë falsifikuar apo që janë në dijeni të falsifikimit”, prokurori do të tërhiqej, ose të paktën gjykatësja do të lejonte që kjo gjë të sqarohej përmes proceseve, ku dy të akuzuarit të paraqiteshin qetësisht përpara saj, sa herë ajo do t’iua kërkonte këtë gjë.

Megjithatë, Çelo është sot në qeli. Një polic e shoqëron atë, nëse i duhet të shkojë në banjë. Të dy janë të habitur- njëri pse e ruajnë e tjetri përse ruan. Prej 13 ditësh ai nuk është më i lirë. Në gazetë mungojnë përgjigjet e tij, fine, të menduara, të cilat çlironin çdo lloj situate të vështirë.

Ndërkohë që diku në ndonjë lokal modern, në qendër e periferi, xhelati i tij, politik, pi kafe, pa vrarë mendjen se një njeri, që së paku do të lexonte një poezi në ditë, qëndron në 2 metra katrorë vend, pa mundur t’ia thotë kurrkujt tjetër ato... dhe pa asnjë faj! Jemi në një kohë, ku procesi imagjinar ndaj të pafajshimit Jozef K (te një kryevepër në letërsi) sot, është një proces real ndaj Çelo H.

POLITIKA

Miratohet në qeveri struktura e re, administrative për vitin 2007-të, ndryshime në të gjitha ministritë dhe drejtoritë qendrore

Qeveria, për vitin 2007-të në administratë do të ketë 1600 persona më pak

Gazeta “TemA” boton të plotë të gjitha ministritë dhe drejtoritë që do të pësojnë ndryshime në administratë. Ku shtohet dhe ku pakësohet numri i punonjësve në ministri, si dhe në drejtoritë që varen nga Këshilli i Ministrave

Më shumë se 1670 persona do të shkurtohen si pasojë e reformës në administratën shtetërore, duke filluar nga prilli i këtij viti. Këshilli i Ministrave ka marrë dje, vendim, për “Përcaktimin e numrit të punonjësve në ministritë dhe institucionet qendrore për vitin 2007-të”. Duket se më e prekura do të jetë Ministria e Brendshme, nga ku për shkak të reformës së gradave në muajin prill do të shkurtohen rreth 2096 persona. Pra, numri total i punonjësve në Ministrinë e Brendshme që nga prilli i vitit 2007-të do të jetë rreth 13.748 punonjës nga 15.844 që është aktualisht. Ndërkohë, nuk pësojnë ndryshime në numrin e personelit asnjë prej institucioneve të pavarura.

Shtesat

Por, në rast se në Ministrinë e Brendshme do të shkurtohen më shumë se 2000 punonjës, e njëjta gjë duket se nuk do të ndodhë me Ministrinë e Mbrojtjes. Në bazë të vendimit të qeverisë, kësaj ministrie do i shtohet një organikë prej 2343 punonjësish, që do të punësohen si Ushtarë Profesionistë, pra, me pagesë. Në relacionin shoqërues të vendimit të qeverisë thuhet se, “Në Ministrinë e Mbrojtjes është parashikuar një shtesë e konsiderueshme personash, për shkak të përfshirjes së Ushtarëve Profesionistë si punonjës buxhetorë. Ndërkohë, Ministrisë së Drejtësisë nuk i është aprovuar kërkesa për shtim me 730 persona të numrit të punonjësve dhe kjo, sipas relacionit përkatës, shpjegohet me varësinë që do të marrin dhomat e paraburgimit, të cilat nga Ministria e Brendshme kalojnë në Ministrinë e Drejtësisë. “Kjo është bërë, pasi midis këtyre dy ministrive ka lëvizje të mëdha për shkak të kalimit të sistemit të paraburgimit, nga Ministria e Brendshme drejt Ministrisë së Drejtësisë. Meqenëse deri në këtë moment të hartimit të projektit nuk kemi asnjë njoftim zyrtar nga Ministria e Brendshme, nuk mund të marrim në konsideratë vetëm kërkesën e bërë nga Ministria e Drejtësisë për një shtesë prej 788 punonjësish. Mendojmë se, meqenëse kalimi i sistemit të paraburgimit mbart implikime financiare dhe duhet shoqëruar me një kalim të fondeve buxhetore nga njëra ministri te tjetra, duhet të hartohet një projekt i veçantë për miratimin në Këshillin e Ministrave”, - thuhet në relacionin që shoqëron vendimin.

Liberalizimi i arsimit të lartë ka sjellë nevojën për rritjen e numrit të pedagogëve

MASH, universiteteve do i shtohen 288 punonjës në të gjithë vendin

Nga numri i përgjithshëm prej 288 punonjësish, 50 prej tyre kalojnë në universitetin e Durrësit, ndërsa 200 të tjerë për universitetet e tjera të vendit. Pjesa dërrmuese e punonjësve do të jenë pedagogë, kërkesë kjo e bërë prej kohësh nga drejtuesit e universiteteve

Ministria e Arsimit dhe e Shkencës do të punësojë në muajin prill 288 punonjës për universitetet në mbarë vendin, ku pjesa më e madhe e tyre janë pedagogë universitetesh. Kjo është e përcaktuar në vendimin e Këshillit të Ministrave dhe parashikon një shtesë pedagogësh për nevojat e universiteteve në të gjithë vendin, pas vendimit për liberalizimin e arsimit të lartë. Nga numri i përgjithshëm prej 288 punonjësish, 50 prej tyre kalojnë në universitetin e Durrësit, ndërsa 200 të tjerë për universitetet e tjera të vendit. “Në Ministrinë e Arsimit dhe Shkencës është parashikuar një rritje e numrit të punonjësve në sistemin universitar për shkak të rritjes së volumit të punës, pas politikës për liberalizimin në këtë sistem arsimor, i cili ka sjellë përfshirjen e një universiteti të ri, shtimin e degëve të reja në sistemin ekzistues, rritjen e numrit të disiplinave apo shkollimeve pasuniversitare etj. Për këtë qëllim është kërkuar një shtesë prej 50 punonjësish në universitetin e Durrësit dhe 200 punonjësish në universitetet e tjera. Është kërkuar nga Ministria e Arsimit një shtesë prej 22 punonjësish të institucioneve shkencore, të sistemit të bujqësisë, të cilat kalojnë pranë universiteteve, si dhe 16 punonjës për krijimin e Agjencisë Kombëtare të Arsimit dhe Formimit profesionial. Pra, gjithsej 288 punonjës shtesë, të cilët janë marrë në konsideratë nga Ministria e Financave”, - thuhet në relacionin shoqërues të vendimit të qeverisë. Por, duket se përveç Durrësit, pjesa më e madhe e punonjësve të universiteteve do i shkojë atyrë të Tiranës, ku dhe ngarkesa me nxënës është shumë më e madhe se në rrethe. Më shumë se një herë nga ana e drejtuesve të universiteteve janë bërë kërkesa për rritje të numrit të pedagogëve, pasi dhe numri i nxënësve, si pasojë e politikave të liberalizimit, është rritur ndjeshëm. Nga ana tjetër, numri që është kërkuar nga universiteti i Tiranës, është rreth 200 pedagogë, çka do të thotë se shumica e punonjësve që do të shtohen për arsimin e lartë do i shkojnë këtij universiteti.

Këshilli i Ministrave miraton projektligjin për arsimin e lartë

Berisha: Ligji siguron autonominë reale të universiteteve

Kryeministri, Sali Berisha, tha dje, në mbledhjen e qeverisë se projektligji për arsimin e lartë ka qenë një sukses i plotë, i cili është hartuar duke patur një mbështetje të gjerë të mendimit universitar, vendas, por edhe ekspertizën e institucioneve të rëndësishme, ndërkombëtare në këtë fushë. “Ligji mishëron standardet evropiane të arsimit të lartë dhe ajo që ka një rëndësi shumë të madhe në këtë ligj, është thellimi dhe konsolidimi i autonomisë universitare. Autonomia universitare merr një sens shumë më real dhe më të qëndrueshëm, pasi vendoset Këshilli Administrativ, si një institucion që bashkëpunon me senatin, me drejtuesit, por që garanton një transparencë të plotë, financiare. Mekanizmi i ri, financiar iu jep këtyre institucioneve publike autonominë reale jetike për to”,- tha Berisha. Sipas kreut të qeverisë, reforma e arsimit të lartë është tashmë e njohur, është një reformë permanente, por kam bindjen se me këtë ligj, në këtë reformë arrihet një nivel shumë i rëndësishëm i shkollave tona, të larta dhe universiteteve. Duke informuar mbi këtë ligj, kryeministri Berisha u shpreh se është modifikuar mënyra e përzgjedhjes së drejtuesve të këtyre universiteteve, ka një standardizim dhe transparencë të plotë në procesin e rekrutimit të pedagogëve, gjë që është bërë e domosdoshme dhe ka një fuqi vetëvepruese të madhe brenda universitetit dhe fakulteteve për të përcaktuar drejtimet dhe për të përmbushur misionin e tyre. “Ky ligj i përshtat përfundimisht shkollat tona, të larta me Procesin e Bolonjës. Projektligji miratohet pas një serie të gjerë konsultimesh, pas një shqyrtimi të hollësishëm nga Këshilli i Arsimit të Lartë, institucion ky që u krijua për herë të parë me personalitete të të gjitha fushave, të botës akademike dhe që në shqyrtimet e tij është përpjekur të pasqyrojë sensitivitetet e ndryshme, sugjerimet shumë të çmuara të ekspertëve ndër më të shquarit të Evropës për arsimin, ekspertëve të Departamentit të Këshillit të Evropës për arsimin”, - tha kryeministri.

Reformat në shëndetësi, zhvendosje të konsiderueshme personeli drejt ISKSH-së

Ministria e Shëndetësisë, 5920 punonjës i kalojnë ISKSH-së

Zhvendosje të mëdha personeli, i cili kap shifrën e 5920 punonjësish, priten dhe në Ministrinë e Shëndetësisë, pas hyrjes në fuqi të vendimit “Për shërbimin e kujdesit parësor”, i cili parashikon kalimin e këtyre punonjësve në varësi të Institutit të Kujdesit Shëndetësor. Gjithsesi, kalimi në varësi të këtij instituti nuk do të thotë shkurtim të vendeve të punës, por shkurtim të buxhetit për Ministrinë e Shëndetësisë, pasi është parashikuar që ky institucion të shkojë drejt vetëfinancimit “Ministria e Shëndetësisë, duke filluar nga data 1 janar 2007-të, ka parashikuar një ulje prej 5920 punonjësish që kalojnë në varësi të Institutit të Kujdesit Shëndetësor, në kuadër të reformës së ndërmarrë nga ky institucion drejt një sistemi të vetëm financimi të Shërbimit të Kujdesit Parësor. Ministria e Financave ka marrë në konsideratë këtë ulje të numrit të punonjësve, pasi në ligjin e buxhetit të vitit 2007-të efektet financiare janë parashikuar, duke marrë parasysh këtë ndryshim politikash, shoqëruar me këtë transferim në numrin e punonjësve.

Këshilli i Ministrave –191 punonjës nuk

ndryshon

Ministria e Ekonomisë - 589 punonjës, nuk ndryshon

Ministria e Bujqësisë - 1389 shtohen 39 punonjës

Ministria e Transporteve - 1701 punonjës, nuk ndryshon

Ministria e Financave - 434 shtohen 30 punonjës

Ministria e Arsimit - 44.428 shtohen 288 punonjës

Ministria e Kulturës - 1131 shtohen 21 punonjës

Ministria e Shëndetësisë - 15363 ulen 5290 punonjës (kalimi në ISKSH)

Ministria e Drejtësisë - 2740 punonjës, nuk ndryshon

Ministria e Jashtme - 168 punonjës, nuk ndryshon

Ministria e Brendshme - 13.748 hiqen 2096 punonjës

Ministria e Mbrojtjes - 11.800, shtohen 2343 punonjës

Ministria e Punës - 1415, shtohen 40 punonjës

Ministria e Mjedisit - 1401, ulen 14 punonjës, kalojnë në arsim

Ministria e Integrimit - 66 punonjës, nuk ndryshon

Drejtoritë

Regjistrimi i Pasurive - 350 shtohen 39 punonjës

SHISH - 1079 punonjës nuk ndryshon

Drejtoria e Arkivave - 152 shtohen 30 punonjës

Drejtoria e Rezervave - 160 shtohen 40 me kontrate të përkoshme

Akademia e Shkencave - 450, hiqen 50 punonjës

ATSH - 80 punonjës, nuk ndryshon

Drejtoria e Doganave - 970 punonjës nuk ndryshon

Drejtoria e Standardizimit - 18 punonjës, nuk ndryshon

Drejtoria e Tatimeve - 1516 punonjës, nuk ndryshon

Instituti i Statistikës - 153 punonjës, nuk ndryshon

Qendra e Kinematografisë - 10 punonjës, nuk ndryshon

Instituti i të Përndjekurve - 25 punonjës, nuk ndryshon

Këshilli i Kontabilitetit - 6 punonjës, nuk ndryshon

Agjencia e Pronave - 142 punonjës, shtohen 12

Parandalimi i Pastrimit të Parave - 22 punonjës, nuk ndryshon

Gjata: Të ngrihen sa më parë komisionet zgjedhore në Shijak

KQZ-ja kërkon saktësimin e komisioneve në zgjedhjet e pjesshme të Shijakut që zhvillohen këtë të diel. Kryetari i Komisionit Qendror të Zgjedhjeve, Çlirim Gjata, kërkoi dje, që partitë politike të marrin menjëherë masat për zgjedhjet parlamentare në Shijak. Gjatë mbledhjes së djeshme të KQZ-së, Gjata iu bëri thirrje partive për zgjedhjet parlamentare më 11 mars, në Shijak. Në këtë drejtim, ai vuri në dukje se deri tani nuk është bërë asnjë përgatitje për zonën 26, në Shijak, ku do të votohet për deputetin e zonës. "Vetëm për një zonë që është në mes të Shqipërisë nuk është ngritur asnjë komision dhe nuk është paraqitur asnjë listë për grupe numërimi", - tha Gjata. Në këtë drejtim ai kërkoi që partitë të marrin menjëherë masat.

Votimi

Janë rreth 30 mijë votues të zonës elektorale nr.2 6, ku përfshihet Bashkia e Shijakut dhe komunat Xhafzotaj e Katundi i Ri, të cilët janë ftuar për të marrë pjesë të dielën e kësaj jave në zgjedhjet për deputet të kësaj zone. Pas dorëheqjes pak kohë më parë të deputetit të zonës 26, Sokol Olldashi, dy formacionet e mëdha, politike kanë përcaktuar tashmë kandidatët për deputetë në këto zonë. Koalicioni i mazhorancës ka paraqitur kandidaturën e ekspertit detar, Osman Metalla, i cili pas një përvoje të gjatë pune në këtë sektor, mban aktualisht postin e drejtorit të politikave detare në MPPTT. Kandidati Metalla, bir i një prej familjeve më të njohura në Shijak, është njëkohësisht kryetar i degës së PD-së në Shijak. Përballë tij në zgjedhjet e së dielës konkurron veterineri Igli Çela, i përzgjedhur nga koalicioni i majtë, i cili pas viteve ’90-të ka punuar kryesisht në sektorin privat të agrobujqësisë. Çela ka kryer detyrën e kryebashkiakut të këtij qyteti gjatë periudhës 2003-2007-të. Në zgjedhjet lokale të 18 shkurtit Bashkia e Shijakut u fitua me një diferencë të ngushtë nga Afërdita Alite, kandidate e koalicionit opozitar, ndërsa në komunat Katund i Ri dhe Xhafzotaj fituan Hilë Priska dhe Agim Hoxha, të mbështetur në mënyrë bindëse nga votat në favor të koalicionit të mazhorancës qeverisëse. Në zgjedhjet e 11 marsit, rreth 30 mijë zgjedhësit e zonës 26 do të kenë në dispozicion 37 qendra votimi.

Zgjedhjet e Shijakut/ Kandidati i PD-së i bën thirrje zgjedhësve të marrin pjesë në votim

Metalla: Vota e 11 marsit, fitorja e të gjithëve

“Unë i ofroj zgjedhësve identitetin tim të qartë, ndërsa rivalit tim i duhet të saktësojë se cili është, në emër të kujt e kërkon votën, pasi edhe prononcimet vijnë nga humbësi i 3 korrikut e jo nga vetë ai”, - thotë Metalla

“Vota juaj është detyrim im për të qenë zëdhënësi i problemeve tuaja, ndaj fitoren e 11 marsit nuk do ta konsideroja fitoren time, por fitoren tuaj”. Kështu iu është drejtuar dje, kandidati i Partisë Demokratike, Osman Metalla, të pranishmëve në takimet e tij, duke ftuar zgjedhësit të bëhen pjesë e vazhdimit të vullnetit të 3 korrikut, ku i besuan votën mazhorancës. Metalla vlerësoi rëndësinë e zgjedhjeve të 11 marsit dhe i ftoi të gjithë zgjedhësit e Shijakut të jenë të dielën në votime dhe të votojnë për alternativën e djathtë si alternativa më e mirë për të ardhmen e qytetit dhe të zonës përrreth. “Unë kam moralin t’ju kërkoj sot votën, sepse edhe njëherë tjetër ju më votuat. Por këtë herë ju premtoj se askush nuk do të luajë me votën tuaj”, - është shprehur Metalla.

Beteja me rivalin

Për Metallën vijon të jetë shqetësim vetëm përcjellja sa me e qartë e mesazhit dhe jo ajo çfarë luhet në kampin tjetër. “Unë i ofroj zgjedhësve identitetin tim të qartë, ndërsa rivalit tim i duhet të saktësojë se cili është, në emër të kujt e kërkon votën, pasi edhe prononcimet vijnë nga humbësi i 3 korrikut e jo nga vetë ai”, - thotë Metalla, duke kërkuar të mbyllë debatet për rivalin e të kalojë tek ajo që e konsideron si sfidën e madhe – rikthimin e Shijakut dhe zonave përreth si një zonë të zhvillimit më të madh ekonomik në vend. “Besimi im është i mbështetur në aftësitë që ka kjo zonë, në moralin tim për të mbrojtur kontratën me zgjedhësit, por edhe në bindjen se mazhoranca do të investojë për këta njerëz që kanë ditur të vlerësojnë respektin dhe dinjitetin”, - shprehet Metalla.

Mbështetja

Kandidati i mazhorancës beson se do të jetë i votuar nga të gjithë. Metalla shpreson që votuesit do të votojnë më 11 shkurt moralin, për të cilin ai beson se edhe i është rikthyer këtij kandidimi. “Ne do t’i tregojmë dhe garantojmë kundërshtarit tonë, politik që e shenjtë dhe e rëndësishme në këto zgjedhje për ne është dhënia e mundësisë banorëve të zonës 26 të votojnë si qytetarë, të cilët aspirojnë integrimin në BE”, - shprehet Metalla. Ndërkaq, si i rritur në Shijak, Metalla është i bindur se cilat janë rrugët e zhvillimit për këtë zonë, ndaj prej javësh është i preokupuar me specialistët e çdo fushe që të nisë zbatimi menjëherë pas 11 marsit i projekteve që ai ka për zonën. Ndërkohë, kandidati i mazhorancës nuk harron edhe mentalitetin sportdashës të shijakasve dhe gjithë banorëve përreth. “Do të mbarojë së ndërtuari një projekt, i lënë që në nisje, si pallati i sportit, kërkesë me të drejtë e qytetarëve shijakas dhe e të gjithë banorëve, me të cilët jam takuar”, - shprehet për “TemA” Metalla.

Kush është Osman Metalla

Datëlindja 17/07/1964

Vendlindja Shijak

Arsimi

1983-1986 Akademia e marinës në Vlorë

1994-1995 Instituti i Gjuhës San Antonio, Texas, USA

1996 Kolegji i Studimeve Për Sigurinë Kombëtare dhe Ekonomike, Qendra Marshall, Gjermani

1999 Administrata Detare Suedeze, Klaipeda, Lituani

1999 Roja Bregdetare Amerikane – Zbatimi i Ligjshmërisë Detare

2000 Trajtim në manaxhim portual, Porti i Roterdamit-Holandë

2001 Trajnim në çështjen mjedisore, Port of baltimore&Boston, USA

2005 Qendra e Trajnimit të Siguracioneve Detare, Zyrih-Zvicër

Punësimi

1992-1995 Ministria e Transportit (Inspektor i Kapitenerisë së Portit Durrës)

1995-2001 Kapiten i Përgjithshëm i Porteve

2002-2004 Konsulent i Lirë në Operimin e Anijeve, Ekuipazhin e Manaxhimin

2004-2005 Drejtor i Departamentit të Marinës dhe Aviacionit Civil pranë “Sigal”

2005-2006 Këshilltar i Jashtëm i Ministrit të Transporteve për Transportin Detar

2006 Drejtor i Drejtorisë së Politikave të Transportit Detar

KQZ votoi kundër kërkesës së PS-së dhe PDK-së për përsëritjen e zgjedhjeve në Bushat

Çështja e Bushatit i kalon Kolegjit Zgjedhor

Komisioni Qendror i Zgjedhjeve shqyrtoi ditën e djeshme ankimet e partive për njësinë vendore të Bushatit. Pas shqyrtimit të çështjes nga palët e interesuara dhe KZQV-ja e kësaj njësie vendore, KQZ-ja nuk arriti shumicën e votave për t`i konsideruar zgjedhjet e pavlefshme në Bushat, sipas kërkesës së Partisë Socialiste dhe Partisë Demokristiane. Kështu, kërkesa e hedhur në votim për pavlefshmëri nuk arriti të marrë 6 votat e duhura për t`u pranuar. Votat e anëtarëve u ndanë 5 në favor të pavlefshmërisë dhe 4 kundër saj dhe çështja do t`i kalojë për shqyrtim Kolegjit Zgjedhor. KQZ-ja shqyrtoi 4 ankimet e palëve, ku kandidati i PS-së në këtë komunë, Simon Doda, subjekti zgjedhor i PS-së dhe kandidati i PDK-së, Dhimitër Sutfia, kërkonin nga komisioni shpalljen e zgjedhjeve të pavlefshme në këtë zonë zgjedhore dhe ripërsëritjen e tyre. Avokati i përfaqësuesit të PDK-së theksoi se kjo parti në kundërshtim me ligjin nuk është përfaqësuar me komisionerë në të gjitha qendrat e votimit. Nga ana tjetër, përfaqësuesi ligjor shtoi se procesi zgjedhor në këtë njësi vendore ka qenë plotësisht i cenuar. Sipas tij, shumë zgjedhës janë lejuar të votojnë pa certifikata dhe pa mjetet e tjera të identifikimit. Të njëjtin pretendim ngriti edhe përfaqësuesi i ligjor i kandidatit të PS-së, Simon Doda dhe përfaqësuesi i Partisë Socialiste në KQZ. Sipas tyre, gjatë procesit zgjedhor në Bushat është shkelur çdo parim dhe çdo nen i Kodit Zgjedhor dhe për këtë procesi zgjedhor duhet të përsëritet. Nga ana tjetër, avokati i kandidatit të pavarur në Bushat, Zef Hila, theksoi se është e pakuptimtë të kërkohet pavlefshmëria e zgjedhjeve në Bushat, sepse procesi i votimit pavarësisht disa parregullsive të vogla ka kaluar i qetë.

Fatjona Mejdini

Kongresi amerikan, rezolutë për anëtarësimin e Shqipërisë në NATO

Dhoma e Përfaqësuesve e Kongresit amerikan miratoi të mërkurën një projekt-rezolutë në mbështetje të anëtarësimit të Shqipërisë, Gjeorgjisë, Ukrainës, Maqedonisë dhe Kroacisë në NATO. Iniciator i këtij drafti ishte kongresmeni John Tanner, një demokrat nga Tennessee.

Dokumenti, i quajtur Rezolutë për Forcimin e Lirisë brenda NATO-s, thekson nevojën e ruajtjes së stabilitetit dhe sigurisë në Evropë, ndaj dhe sugjeron integrimin ekonomik dhe politik të demokracive të reja në këto struktura ekzistuese, evropiane.

Sipas Dhomës së Përfaqësuesve, anëtarësimi në NATO i Maqedonisë, Gjeorgjisë, Ukrainës, Shqipërisë dhe Kroacisë do të kontribuojë në sigurinë dhe stabilitetin në Evropë.

Projekt-rezoluta parashikon dhe asistencë financiare për vendet respektive brenda bashkëpunimit për forcimin e sigurisë së tyre.

Një projekt-rezolutë e ngjashmë është nisur për rishikim në Senatin amerikan.

KQZ-ja, si rezultat i materialit voluminoz për të shqyrtuar, vendosi shtyrjen e çështjes

Vendimi për Durrësin merret më 13 mars

Komisioni Qendror i Zgjedhjeve vendosi ditën e djeshme të shtyjë marrjen e vendimit për Bashkinë e Durrësit, duke e shtyrë seancën tjetër më datë 13 mars. Anëtarët e KQZ-së vendosën që për pasojë të materialit voluminoz për t`u shqyrtuar në lidhje me këtë ankimim, të shtyhej data e shqyrtimit të tyre. Ata miratuan në mënyrë unanime kërkesën e anëtarit të KQZ-së, Shkëlqim Hysi, për të shtyrë shqyrtimin e ankesave për Durrësin. KQZ-ja ditën e djeshme mori në një seancë pyetjesh edhe KZQV-në e Bashkisë së Durrësit në lidhje me procesin e votimit dhe numërimit të votave në këtë njësi vendore. Kryetari i KZQV-së së këtij qyteti, Ylli Kosova, theksoi se gjatë procesit të numërimit ka pasur shumë kaos jashtë dhe brenda ambienteve, ku anëtarët e GNV-ve numëronin votat. Sipas Kosovës, është dashur edhe ndërhyrja e forcave të rendit për të zbutur kaosin që vinte nga jashtë. Kandidati i Partisë Demokratike, Armand Teliti, kërkon rinumërin e 3200 votave, të cilat, sipas tij, janë shpallur të pavlefshme pa të drejtë nga grupet e numërimit. Avokati i Telitit, Enkelejd Alibeaj, theksoi se grupet e numërimit pa të drejtë kanë shpallur të pavlefshme 3200 vota, 1311 vota përsa i përket Këshillit Bashkiak dhe 1889 vota për kandidatët, vota këto të hedhura në kutitë jo të duhura. Sipas Alibejat, grupet e numërimit në kundërshtim me ligjin nuk kanë raportuar në KZQV për vendimet që kanë marrë dhe për shpalljen e votave të pavlefshme, duke marrë në këtë mënyrë edhe atributet e KZQV-së.

F. Mejdini

Shqyrtimi për ankimimin e Kombinatit shtyhet për në datën 12 mars

KQZ-ja rrëzon kërkesën për përsëritjen e zgjedhjeve në Patos

Komisioni Qendror i Zgjedhjeve vendosi të rrëzojë ditën e djeshme kërkesën e PD-së për shpalljen e zgjedhjeve të pavlefshme në Bashkinë e Patosit. Me 6 vota pro dhe 3 kundër anëtarët e KQZ-së vendosën të hidhnin poshtë kërkesën e PD-së për t`i rikthyer zgjedhjet në këtë njësi vendore. Kandidati i mazhorancës në Patos, Përparim Gropa, nëpërmjet avokates së tij theksoi se në 3 qendra votimi në këtë zonë ka pasur parregullsi të mëdha dhe nga ana tjetër, kërkohej rivlerësimi i 300 fletëve të votimit, të cilat sipas kandidatit janë shpallur padrejtësisht si të pavlefshme nga KZQV-ja. Nga ana tjetër, KQZ-ja vendosi të shtyjë për çështje kohe shqyrtimin e ankimimeve për zonën e Kombinatit, duke e lënë seancën e radhës për në datë 12 mars. Kandidati i mazhorancës për njësinë vendore nr. 6, Fatmir Nezaj dhe përfaqësuesi i Partisë Demokratike në KQZ theksuan që në zonën e Kombinatit ka pasur një sërë parregullsish gjatë procesit të numërimit të votave. Kështu, sipas tyre, në mënyrë të padrejtë KZQV-ja, duke përdorur shumicën e majtë, ka marrë vendimin për të shpallur të pavlefshme kutitë e 7 Qendrave të Votimit. Nga ana tjetër, në mënyrë krejt arbitrare, sipas përfaqësueve të PD-së, KZQV-ja nuk ka bërë tabelat përmbledhësve për disa Qendra Votimi dhe nuk ka paraqitur as proces-verbalet e mbylljes për to.

F. Mejdini

Zëdhënësi i Partisë Demokratike, Gazmend Oketa, konfirmon kandidatin e së djathtës

PD: Topi, kandidati më i

përshtatshëm për president

"Nëse e majta do të dilte me një kandidaturë të sajën, besoj se nuk do të gjente absolutisht mbështetjen e PD-së"

Partia Demokratike konfirmoi zyrtarisht Bamir Topin si kandidaturën e saj për postin e Presidentit të Republikës. Në emër të grupit parlamentar të PD-së, zëdhënësi Gazmend Oketa, duke bërë publike këtë kandidaturë, pohoi se, "PD-ja nuk do të mbështesë asnjë kandidaturë tjetër nga e majta për postin e kreut të shtetit".

Gjatë një deklarimi për mediat, zëdhënësi i PD-së theksoi se, "presidenti duhet të jetë mbi të gjitha palët dhe nuk duhet të shikohet si një kandidaturë që duhet ta propozojë e majta apo e djathta".

"Duke e parë z. Topi nga një këndvështrim i tillë, besoj se kandidatura e tij i bën nder të gjithë politikës në tërësi dhe prej saj do të përfitonte në radhë të parë e gjithë politika, pasi do të kishim një president dhe për këtë jam i sigurt që do të ishte i të gjitha palëve, një fakt që Topi e ka dëshmuar gjatë gjithë veprimtarisë së tij, politike", - tha Oketa.

Lidhur me një propozim të opozitës për këtë post, zëdhënësi demokrat sqaroi se, "nëse e majta do të dilte me një kandidaturë të sajën, besoj se nuk do të gjente absolutisht mbështetjen e PD-së".

Në komentin e tij për argumentin e mësipërm, Oketa tha se, "këtu nuk shtrohet çështja, nëse kandidatura për president duhet të jetë nga pozita apo opozita, por problemi shtrohet se, cili është politikani që ka kuotat më të larta dhe gjen një konsensus më të gjerë. Dhe këtu unë jam i bindur që Topi i përmbush të gjitha këto kushte".

I pyetur nga gazetarët, nëse është e parakohshme të flitet për zgjedhjen e kandidaturës për president, zëdhënësi i PD-së tha se, "nuk shoh asnjë të keqe në hedhjen herët të një emri dhe kandidature. Le të fillojë një traditë e re dhe besoj se kjo është diçka pozitive".

Aktualisht, Bamir Topi është kryetar i grupit parlamentar të PD-së, si dhe nënkryetar i saj.

Gjinushi: S’ka konsensus për

presidentin pa ndryshimin e kryeministrit

Kryetari i PSD-së, Skënder Gjinushi, tha se opozita nuk do të japë konsensusin për presidentin, derisa të japë dorëheqje kryeministri Berisha. Gjinushi tha dje, se nënkryetari demokrat, Bamir Topi, mund të ishte një kandidaturë e mirë për kryeministër, por jo për president. Sipas Gjinushit, nëse në vend të Berishës do të ishte Bamir Topi në qeveri, atëherë opozita do të ishte më tepër e prirur për të dhënë konsensus për presidentin. “Nuk ka president konsensual me Berishën kryeministër. Kriza është në qeveri, është në qeverisjen e vendit dhe ndryshimi duhet filluar aty. President konsensual në këto kushte do të thotë zgjatje e mandatit të kësaj qeverie të krizës energjitike, të krizës konfliktuale me institucionet e pavarura, të krizës së bashkëjetesës me krimin, korrupsionin e të korruptuarit, të krizës së rënies së ritmeve të zhvillimit, të krizës së frenimit të integrimit, do të thotë zgjatje e mandatit të Berishës, i cili më 18 shkurt humbi edhe zgjedhjet, edhe standardet.

Topi- kryeministër, a dikush tjetër i kësaj stature, është e vetmja zgjidhje, e vetmja mënyrë për të ofruar një president konsensual të mbështetur nga PSD-ja, qoftë dhe z.Moisiu. Pra, vetëm me një kryeministër të ri, ne do të pranonim si PSD të jepnim votat tona për një president kompromisi. Përndryshe, zgjedhje të parakohshme për t'i ofruar vendit së pari një Kuvend, qeveri e kryeministër legjitim e normal dhe më tej një president që mund të bashkëpunojë me ta në respektim të Kushtetutës e ligjit”, - tha Gjinushi.

L. Progni

Rama thërret shoqërinë civile për reformën në PS

Kryetari i PS-së, Edi Rama, ka thirrur dje në një tryezë te hotel "Tirana International", përfaqësues të shoqërisë civile dhe medias në vend, me temë "E majta për sot dhe nesër". Kreu socialist tha në nisje të takimit se PS-ja është e hapur për të dëgjuar mendimet e pavarura të përfaqësuesve të shoqërisë civile për reformimin e PS-së dhe programin e saj, qeverisës. “Partia Socialiste synon që në këtë tryezë të mbledhë sugjerime dhe mendime për programin e ri, qeverisës dhe secili prej jush të vijë me pavarësinë e opinioneve të tij dhe pa tendencë që njerëzit nëpërmjet këtyre mendimeve të ngjyrosen politikisht. Nëpërmjet komunikimit me ju ne synojmë të bëjmë të mundur që të tërheqim të gjitha idetë dhe mendimet që i vlejnë PS-së për t'u transformuar. Në këtë tryezë ne do të jemi si dëgjues, të marrim sa më shumë prej jush, atë që ju e konsideroni të rëndësishme për të majtën sot, dhe nevojën e importimit të debatit në të majtën", - tha Rama. I pranishëm në këtë tryezë, konstitucionalisti Genti Ibrahimi tha se vihet re një tendencë zbehjeje të profilit të ideologjisë partiake, duke theksuar rritjen e nevojës së rolit të shtetit. Ndërsa konstitucionalisti Luan Omari, tha se PS-ja ka dy anë të kundërta, që janë: përbërja e saj, që është trashëgimia nga Partia e Punës dhe fryma e saj, liberale, që e kundërshton të parën, duke kërkuar reformimin e saj. Sipas Omarit, e ardhmja e së majtës duhet të jetë ajo e së majtës evropiane që po shkon drejt qendrës, si dhe kapërcimi i copëzimit të saj, e cila aktualisht është më tepër individuale sesa me programe, pasi ato janë thuajse të njëjta. Ndërsa publicisti Ardian Klosi u shpreh se PS-ja duhet që të thithë më tepër në strukturat e saj të rinjtë e shkolluar e sidomos ata që janë shkolluar jashtë vendit. Nisma e Ramës për reformimin e PS-së me pjesëmarrjen e shoqërisë civile zhvillohet paralelisht me ndryshimet e paralajmëruara në strukturat drejtuese të kësaj partie, nëpërmjet analizës së zgjedhjeve të 18 shkurtit.

L. Progni

LSI: Gjashtë emrat për Këshillin Bashkiak

Lëvizja Socialiste për Integrim paraqiti ditën e djeshme emrat e saj për Këshillin Bashkiak të Tiranës. “Lëvizja Socialiste për Integrim për arsye të transparencës ndaj publikut të gjerë, si dhe ndaj strukturave dhe anëtarësisë së saj, pas përfundimit të llogaritjes së rezultateve në proporcional për Këshillin e Bashkisë së Tiranës, bazuar edhe në formulën e miratuar nga forumet drejtuese të saj, evidenton sot, 11 emrat që renditen të parët në listën për anëtarë të Këshillit Bashkiak të Tiranës. Sipas rezultateve të Komisionit Qendror të Zgjedhjeve, bazuar në votën e qytetarëve, rezulton se LSI-ja do të përfaqësohet me 6 anëtarë në Këshillin e Bashkisë së Tiranës”, - thuhet në një deklaratë të kësaj partie.

1. Monika Kryemadhi 24.75 për qind

2. Viron Bezhani 21.95 për qind

3. Sokol Dervishaj 18.50 për qind

4. Erisa Xhixho 18.03 për qind

5. Petrit Vargu 17.46 për qind

6. Eneida Tarifa 14.26 për qind

SPORTI

Partizani dhe Shkumbini i bashkangjiten Kavajës në gjysmëfinale

Vllaznia largohet nga kupa, nga goli me dorë i Paulin Dhëmbit

Partizani-Vllaznia 0-0

Turbina-Shkumbini 1-2

Ndeshja e luajtur në “Selman Stërmasi” ka përfunduar me rrjeta të paprekura. Ky rezultat ka favorizuar ekipin kryeqytetas. Partizani i është falur golit të shënuar në fushën kundërshtare. Ndeshja ka qenë me dy tablo. Pjesën e parë e ka dominuar ekipi vendas, i cili iu afrua disa herë rrezikshëm portës së Grimës. Duke parë që ekipi i tij s’po funksiononte mirë, Josa ka bërë ndërhyrjen e parë në minutën e 39’, duke nxjerrë nga loja Ahin për Canin. Me këtë ndryshim, Josa ka ndryshuar dhe skemën e lojës, duke kaluar nga 4-4-2 në 3-4-3. Pjesa dytë fillon më mirë për Vllazninë. Ekipi mik zhvilloi mjaft volum loje, por nuk u treguan të saktë para portës së mbrojtur nga Shehu. Në minutën 54’, trajneri Josa fut në lojë dhe Klevis Dalipin për Gudjabin. Nga ana tjetër, Lika i kundërpërgjigjet Josës me Alikajn dhe Malinsin. Minutat e fundit ishin një luftë midis sulmit Shkodran dhe mbrojtjes së Partizanit. Arbitri i katërt shtoi 5 minuta shtesë, por dhe këto s’ndryshuan gjë në rezultat.

Kurse ndeshja Turbina-Shkumbini nisi me 7’minuta vonesë, sepse në fushë kishte njerëz të pautorizuar. Ky takim ka qenë si një ndeshje kontrolli për djemtë e Sejdinit, para ndeshjes të së shtunës me Vllazninë. Pjesa e parë ka përfunduar në barazim 0-0. Pjesa e dytë ka dhuruar dhe golat e këtij takimi. Në minutën e 72’ ka qenë Rizvanolli, i cili kalon në avantazh Peqinasit. Mbas 10’ minutash vendasit arrijnë të barazojnë me anë të Shtrepit. Goli i tij i entuziazmoi të pranishmit në “Nexhip Trungu” dhe i dha aludimin që dhe mund ta fitonin ndeshjen. Gëzimi i vendasve nuk zgjati më shumë se 2’ minuta, sepse ishte Nexha që kaloi përsëri në avantazh miqtë. Ëndrra e cërrikasve për të kaluar në gjysmëfinale u shua.

Shkurt nga futbolli

Zhduken afrikanët, Delain dhe Bokatola

Dy nga futbollistët titullarë të formacionit të Flamurtarit, afrikanët Delain dhe Bokatola, ka tri ditë që nuk janë dukur në stërvitje me ekipin vlonjat. Ata janë zhdukur pa lënë asnjë gjurmë, pasi drejtuesit e Flamurtarit i kanë provuar të gjitha mënyrat për të kontaktuar me ta, por nuk ia kanë arritur qëllimit. Telefonët celularë të Bokatolës dhe Delainit rezultojnë të fikur, ndërkohë që pas ndeshjes me Partizanin, ku Flamurtari fitoi me golin e të dytit nga pika e bardhë e penalltisë, askush nuk i ka parë dy lojtarët në fjalë. Në fakt, ky është një rast i përsëritur, sepse dhe herë të tjera lojtarët e huaj, jo vetëm të Flamurtarit, bëhen problem, duke munguar me ditë të tëra në procesin stërvitor.

Flamurtari, stërvitja vijon normalisht

Edhe pse ekipi vlonjat nuk ka ndonjë mision për të përmbushur në fazën e tretë të kampionatit, stërvitja ka vijuar normalisht, të përkushtuar për ndeshjen e radhës, duke e vlerësuar atë si të gjitha ndeshjet. Takimi i radhës do të jetë me Besën në Kavajë, aty ku, vetëm pak javë më parë, Flamurtari humbi thellë dhe për më tepër, duke mos treguar asgjë nga vlerat e veta. Revanshi, ky do të jetë në njëfarë mënyre objektivi i vetëm në ndeshjen e kthimit, ku fitorja do të bënte që ekipi vlonjat të barazohej me atë kavajas në klasifikim. Por nuk do të jetë shumë e lehtë, pasi Besa ka humbur në ndeshjen e fundit dhe publiku kavajas kërkon një tjetër fitore nga ta. Flamurtari ka shfrytëzuar edhe kohën e mirë që po mban, kur kujtojmë që terrenet sportive janë me pakicë.

Tre verdheblu, të diferencuar në stërvitje

Elbasani ka zhvilluar të martën seancën e dytë stërvitore të javës, në prag të javës së parë të fazës së tretë të kampionatit. Pas seancës së parë të zhvilluar të hënën në “Ruzhdi Bizhuta”, kampionët kanë preferuar të martën, në orën 14:30, të stërviten në kompleksin sportiv “Shefqet Lamçe” mes një temperature të lartë për muajin që jemi. Stërvitja e skuadrës kësaj radhe është ndjekur nga një numër më i madh tifozësh, gjë e cila është ndikuar pak edhe nga fitorja e fundit me Besën. Gjatë kësaj seance, trajneri Gëzdari ka punuar më shumë me anën fizike, duke kryer disa ushtrime të rezistencës së shpejtësisë, ndërkohë që për disa minuta janë kryer edhe disa ushtrime që kanë pasur për qëllim goditjet drejt portës. Në këtë seancë kanë marrë pjesë të gjithë futbollistët pa përjashtim. Duhet theksuar se kroati Periç dhe T.Osmani janë stërvitur me kohë të plotë me ekipin, çka do të thotë që janë duke kapur formën e tyre më të mirë. Por nga ana tjetër, tre prej lojtarëve titullarë të skuadrës, Kaçi, Sina dhe Stojku kanë kryer stërvitje të diferencuar. Kështu, Sina po kalon një gjendje gripale, ndërkohë që Stojku dhe Kaci kanë dëmtime të lehta.

FSHF cakton çmimet e biletave për ndeshjen Shqipëri-Slloveni

Federata Shqiptare e Futbollit (FSHF) ka caktuar çmimet e biletave për ndeshjen me Slloveninë, e vlefshme për eliminatoret e Kampionatit Europian 2008, që do të luhet në stadiumin “Loro Boriçi” të Shkodrës, më datë 24 mars në orën 17:00. Zëdhënesi i shtypit në FSHF, Lysjen Nurishmi, tha se çmimi i biletës për tribunat kryesore është 1500 lekë, për ato përballë 1000 lekë dhe për ato harkore 500 lekë. Ndërkohë, biletat do të shërbejnë edhe për hedhjen e një shorti special për fitimin e një makine tip “Volkswagen”. Shqipëria, në tri ndeshjet e para zyrtare ka mundur të grumbullojë vetëm 1 pikë në transfertën e Bjellorusisë (2-2) dhe ka humbur me Rumaninë në Tiranë (0-2) dhe me Holandën në Amsterdam (2-1). Sllovenia ka grumbulluar 3 pikë në tri ndeshje: 1 fitore me Luksemburgun (2-0) dhe dy humbje: me Bullgarinë (3-0) dhe Bjellorusinë (4-2).

Hristo Stojçkov projekton "legjionarët" kundër Shqipërisë

Trajneri i kombëtares bullgare, Hristo Stojçkov, ka shpallur dje listën e “legjionarëve” bullgarë që do të thirren për takimin eliminator të 28 marsit kundër Shqipërisë. Ndërkohë, gjatë këtyre ditëve, ish-futbollisti i shquar Stojçkov pritet të shpallë edhe listën e lojtarëve që do të thirren nga kampionati bullgar.

Ja lista e 12 lojtarëve që luajnë jashtë Bullgarisë: Portierë: Dimitar Ivankov (Kaizerspor). Mbrojtës: Radostin Kishiniev (Lids Junajtid), mesfushorë Blagoi Georgiev (Crvena Zvezda Beograd), Çavdar Jankov (Hanover), Marian Hristov (Volfsburg), Georgi Peev (Amkar), Zdravko Lazarov (Erdijespor). Sulmuesë: Dimitar Berbatov (Totenhem), Svetoslav Todorov (Portsmuth), Zoran Jankoviç (Dalien), Valeri Bojinov (Juventus), Vladimir Mançev (Valadolid).

Aperture faqe 22 me foto

Navarro ndihet i turpëruar për sherrin e shëmtuar në takimin e kthimit Valencia-Inter

CHAMPIONS, Interi pret vendimin e UEFA-s

Priten dënime për të dy skuadrat, por, mesa duket, Interi do ta paguajë shtrenjtë mendjemadhësinë e lojtarëve të saj. Sipas videos, ata që filluan përplasjen ishin lojtarët e Interit. Shamata vazhdoi dhe jashtë stadiumit, me italianet që thoshin se autobusi i skuadrës italiane ishte sulmuar me gurë nga tifozat e skuadrës spanjolle

Pas ndeshjes Valencia - Inter ka ndodhur një rrahje e paparë ndonjëherë në ndeshjet e Ligës së Kampionëve, ndërmjet futbollistëve të të dyja skuadrave. Pas shtyrjeve, situata u keqësua kur lojtari rezervë i Valencias, David Navarro, vrapoi në terren dhe goditi futbollistin e Interit, Nikolas Burdiso, të cilit më vonë u vërtetua se i ishtë thyer hunda. Rrahja ndërmjet futbollistëve të të dyja skuadrave ka vazhduar edhe në dhomat e zhveshjes, kur disa futbollistë të Interit kanë kërkuar të hyjnë në zhveshtoren e Valencisë, për të "qeruar hesapet" me Navarron. Presidenti i Interit, Masimo Morati, ka thënë se hapat e mëtejshëm do t'ia lënë UEFA-s. "Do të lëmë delegatin e UEFA-s për të bërë punën e tij", -ka thënë Morati. Ndërkohë, tashmë nga të gjitha anët vijnë reagime për veprimin e bërë nga Navarro. "E kam parë xhirimin e gjithë asaj që ndodhi pas ndeshjes dhe nuk e di se çfarë të them për një person, i cili e godet njeriun dhe më pas ikën", - ka theksuar trajneri i Interit, Roberto Mançini. Ndërkohë, vetë Navarro më vonë ka dalë para mediave spanjolle, duke thënë se ndihet i turpëruar për atë që ka bërë. "Asnjëherë në karrierën time nuk kam bërë diçka të tillë dhe kurrë nuk do ta bëj më. Më vjen keq dhe ndihem i turpëruar për këtë veprim", - ka theksuar Navarro dhe ka paralajmëruar se do të kontaktojë Nikolas Burdison dhe do t'i kërkojë falje. Skenat e pare dje pas ndeshjes Valencia-Inter ishin skena turpi. Keto skena kane bere xhiron e botes dhe jo per skenat e bukura futbollistike, por per skenat qe ngjajne si ndeshje Wrestling te WWW. Njerezit e UEFA-s jane informuar direkt per keto ndodhi dhe mesa duket do te reagojne ashper kundrejt projektit me te shtrenjte qe kane, siç eshte per UEFA-n Champions League. Gjithçka filloi sapo gjyqtari i kesaj ndeshjeje i ra bilbilit per fundin e kesaj saj, qe iu jepte kualifikimin spanjolleve te Valencias. Eshte Nikola Burdiso, i cili fillon zenken, duke shtyre Martcenen dhe si rezultat futbollisti argjentinas do te hante nje drusht nga David Navarro, i cili vrapoi nga stoli i rezervave per kete knock down. Viktima me pare po mundohej t’i ikte gjahut qe po i pergatisnin Maikon, Kruz dhe Kordoba. Mancini po mundohej te mbante lojtaret e tij, te cilet donin te shkonin ne dhomat e zhveshjeve te "lakuriqeve te nates". Drejtori teknik i skuadres spanjolle, Karboni, kerkonte falje ne emer te vendasve skuadres se Interit. Priten denime per te dy skuadrat, por mesa duket, Interi do ta paguaje shtrenjtë mendjemadhesine e lojtareve te saj. Sipas videos, ata qe filluan perplasjen ishin lojtaret e Interit. Shamata vazhdoi edhe jashte stadiumit, me italianet qe thoshin se autobusi i skuadres italiane ishte sulmuar me gure nga tifozat e skuadres spanjolle.

Mesfushori i kombëtares shqiptare flet për dy eliminatoret, pas ftesës së Bariç

Hyka: "Ftesa për Slloveninë dhe Bullgarinë, e rëndësishme"

Mesfushori i ri i kombetares shqiptare, i cili ka firmosur nje kontrate 5-vjeçare me skuadren e Olimpiakosit Hyka eshte aktivizuar diten e diele ne miqesoren qe skuadra e te rinjeve te Olimpiakosit ka zhvilluar kunder skuadres se, 19-vjeçari Hyka ka qene titullar ne skuadren e tij dhe ka bere nje paraqitje te shkelqyer, duke lene mbresa tek drejtuesit e skuadres se tij. Skuadra kundershtare Efasias ka kaluar ne avantazh ne minuten e 25. Por skuadra e Hykes nuk eshte dorezuar dhe ka kerkuar golin e barazimit me ngulm. Pjesa e pare eshte mbyllur me rezultatin 1:0, ne favor te skuadres kundershtare. Ne pjesen e dyte, te rinjte e Olimpiakosit kane qene me agresive, duke krijuar shume raste per shenim me dirigjent mesfushorin shqiptar Hyka dhe ka qene ai qe ka shenuar dhe golin e barazimit ne minuten e 55’ me nje te majte te sakte. Hyka ka krijuar edhe shume raste te tjera, duke mahnitur te pranishmit me driblimet e tij fantastike. Mesfushori shqiptar u zevendesua ne minuten e 75’ nga trajneri i tij. Ndeshja ka mbaruar ne barazim, me rezultatin 1:1.

Hyka për atë ndeshje tha: “Ishte thjesht nje miqesore qe na sherbeu te mbajme veten ne forme dhe te aktivizohem, se, sikur dihet, kontrata ime hyn ne vlere ne qershor dhe nuk mund te aktivizohem ne ndeshjet zyrtare me pare. Besoj se bera nje paraqitje te mire dhe e tregova veten tek drejtuesit e skuadres dhe mezi pres te vije vera qe te aktivizohem me ekipin e pare“. I kerkuam Hykes nje prononcim edhe per ftesen qe mori nga Bariçi per ndeshjet e 24 dhe 28 marsit, por edhe se si e sheh ecurine e kombetares sone ne keto eliminatore. "Te dyja keto ndeshje qe kemi me 24 dhe 28 mars jane shume te rendesishme per ecurine e kombetares sone ne eliminatoret e Kampionatit Europian dhe sidomos ndeshja me Sllovenine. Besoj se i kemi gjithe mundesite per te fituar, te pakten me Sllovenine. Besoj se te gjithe çunat do te japin maksimumin e tyre. Persa i perket fteses sime, dua te them se eshte diçka shume e rendesishme per mua dhe sidomos per faktin se nuk eshte fare e lehte qe ne nje moshe kaq te re si une, te jesh pjese e kombetares.” Albania-sport.com

Shkurt nga Bota

Real Madrid, dëmtohet mbrojtësi Cannavaro

Mbrojtesi qendror italian i Real Madridit, Fabio Cannavaro, vuan nga nje terheqje muskulare dhe nuk eshte stervitur te marten ne pergatitje per 8-at e finaleve kthim te Liges se Kampioneve ne futboll, te merkuren perballe Bayern Mynih. Trajneri i Realit, Fabio Capello, tashme eshte i privuar nga mesfushoret David Beckham e Jose Antonio Reyes, te demtuar ne gju, te cilet do te jene te padisponueshem per nje muaj. Ndeshjen e vajtjes, Reali e ka fituar 3-2 ne stadiumin Santiago-Bernabeu.

Braziliani Liedson pezullohet dy ndeshje

Sulmuesi brazilian Liedson i Sporting Portugal eshte pezulluar dy ndeshje dhe do te mungoje ne takimin e ardhshem perballe FC Porto, sipas vendimit te Liges Profesioniste te Futbollit. Komisioni i disiplines i liges vendosi te pezulloje lojtarin pas nderhyrjes se ashper ndaj bashkatdhetarit te tij, mbrojtesit Rossato te Uniao Leiria, te dielen.

Te dy klubet barazuan ne ndeshjen per javen e 20-te te kampionatit portugez te futbollit.

RAJONI

Ndihmëssekretari amerikan i Shtetit, Daniel Fried, takohet më zyrtarë të Kosovës

Fried: SHBA-të mbështesin pa rezervë Ahtisarin

Shtetet e Bashkuara të Amerikës mbështesin pa rezervë procesin për zgjidhjen e statusit të Kosovës që po udhëhiqet nga Marti Ahtisari. Kështu ka thënë dje në Prishtinë, ndihmëssekretari amerikan i Shtetit për Europën dhe Euroazinë, Daniel Fried.

Fried, i cili është takuar në Prishtinë me Ekipin e Unitetit, ka thënë se, në pakon e Ahtisarit janë përfshirë interesat e të dyja palëve, të shqiptarëve dhe serbëve dhe se kundërshtarët e kësaj pakoje nuk janë miq të Kosovës.

“Ky rajon ka vuajtur nga luftërat e stimuluara nga nacionalistët që i çuan njerëzit e tyre kah shkatërrimi. Tashmë, me pakon e Ahtisarit e kemi shansin që të vëmë diçka në rrugën e duhur. Është e qartë se pakoja është e balancuar, nuk i jep gjithçka njërës palë, por u jep diçka të dyja palëve”, - ka thënë Fried. Sipas tij, qeveria amerikane ka punuar me Grupin e Kontaktit dhe atë që ka filluar nuk do ta lërë në gjysmë.

Ndërkaq, lidhur me qëndrimin e SHBA-ve për statusin final të Kosovës, Daniel Fried ka thënë se, ende nuk ka ardhur koha që vendi i tij të japë qëndrimin e saktë rreth kësaj çështjeje dhe nuk komentoi nëse pakoja finale e Ahtisarit do të thotë pavarësi për Kosovën.

Duke folur për kundërshtimin rus për statusin e Kosovës, diplomati amerikan tha se është qëllim i qeverisë së tij që të punojë ngushtë edhe me Rusinë. “Rusët kanë qenë shumë të kujdesshëm në gjuhën e tyre. Është qëllim i qeverisë sime që të punojmë ngushtë me Rusinë dhe në frymë të kësaj shpresojmë se do të lëvizim përpara së bashku”, - tha Fried.

Ndërkaq, presidenti i Kosovës, Fatmir Sejdiu, u shpreh se, Shtetet e Bashkuara do të vazhdojnë të mbështesin vizionin e palës kosovare që është pavarësia e Kosovës.

“Presim që SHBA-të, bashkë me aleatët europianë të jenë në mbështetje të fuqishme të këtij procesi edhe në ecjen e mëtejshme deri në proceset vendimmarrëse në Këshillin e Sigurimit. Për ne është me rëndësi që të mbajmë stabilitetin e vendit”, - ka thënë Presidenti i Kosovës, Fatmir Sejdiu.

Pakoja Ahtisari mbërrin në Prishtinë

Kreu i opozitës në Kosovë, Hashim Thaçi, ka deklaruar se, pakoja e Ahtisarit përmban substancën e shtetit të ardhshëm të Kosovës

Paketa me propozimet e të dërguarit të OKB-së për statusin e Kosovës, Marti Ahtisari, me gjithë ndryshimet e bëra, i është dorëzuar Ekipit Negociator të Kosovës, i cili do ta shpërndajë atë porsa të jetë përkthyer. Anëtari i Ekipit, Veton Surroi, ka konfirmuar se, pakoja me ndryshime ka ardhur duke mos e komentuar atë. Pritet deklarimi i përbashkët i Ekipit të Unitetit. Anëtari i Ekipit të Unitetit, Veton Surroi, pas takimit me zv.shefin e UNMIK-ut, Stiven Shuk, konfirmoi se pakoja me ndryshime i ka ardhur, por nuk e komentoi, pasi siç tha ai, ende nuk e ka lexuar atë. Ai njoftoi se do të ketë një deklarim të përbashkët të Ekipit të Unitetit. Zoti Surroi, në takimimin me zv.shefin e UNMIK-ut, e ka njoftuar atë për një vizitë në Nju Jork, që do ta ketë pas takimit të Vjenës, ku do të takohet me përfaqësues të vendeve të botës së tretë që janë anëtare të OKB-së, për të cilat ai tha se ka marrë obligim që t’i njoftojë për qëndrimin e palës kosovare pas takimit të Vjenës.

“Njëkohësisht, do të kërkojmë përkrahje eksplicite nga këto vende për qëndrimin e Kosovës ndaj pakos”, - tha Surroi. Shuk i ka përgëzuar të dy anëtarët e Ekipit të Unitetit, për punën e mirë që kanë bërë në javët që lamë pas dhe ka shprehur bindjen se ata janë përgatititur mirë edhe për takimin e së shtunës.

Shuk takoi edhe anëtarin tjetër të Ekipit të Unitetit, Hashim Thaçi. Pas takimit me zv.shefin Shuk, ku është biseduar për përgatitjet e palës kosovare për takimin e së shtunës në Vjenë, Thaçi tha se Kosova është e përgatitur ta kalojë edhe këtë sfidë. Ai shprehu besimin se Prishtina dhe komuniteti ndërkombëtar do të kenë të njëjtin qëndrim për të ardhmen e Kosovës dhe do të respektohet edhe agjenda e tranzicionit që është me rëndësi jetike. Ndërsa, në pyetjen se, nëse pakoja e Ahtisarit vazhdon të jetë e favorshme për Kosovën, Thaçi tha se pakoja e Ahtisarit përmban substancën e shtetit të ardhshëm të Kosovës.

Serbi, ndryshimet edhe më të këqija

Versioni me ndryshimet e reja, i pakos së të dërguarit të OKB-së për statusin e Kosovës, Marti Ahtisari, pas mbërritjes dje në Serbi është vlerësuar edhe “më i keq” sesa versioni i parë, njofton “Beta”.

Kështu, zëdhënësi i Partisë Demokratike të Serbisë, Andreja Mladenoviç, ka thënë, për mediat se, propozimi më i ri i Ahtisarit “është edhe më i keq sesa i pari”.

Mladenoviç ka vlerësuar se, propozimi i ri, i paraqitur dje në Beograd dhe Prishtinë, “tërësisht përshtatet me qëndrimet e separatistëve shqiptarë.”

Publikohet raporti i inspektoriatit lidhur me protestën e “Vetëvendosjes”

“SHPK, më 10 shkurt ishte pasive dhe në konfuzion”

Inspektorati Policor i Kosovës thotë se, njësitet e Shërbimit Policor të Kosovës, gjatë protestës së 10 shkurtit kanë qenë shumë pasive dhe në asnjë moment nuk iu kanë rezistuar protestuesve, si dhe ka pasur konfuzion dhe mungesë të dhënies së udhëzimeve të qarta nga mbikëqyrësit e tyre.

Sipas këtij raporti, duke parë se kordoni i policisë së Kosovës u thye, policia e UNMIK-ut filloi të gjuajë me gaz lotësjellës dhe më pas, pasi turma iku nga vendi, për shkak të sasisë së madhe të gazit, policët e UNMIK-ut filluan të gjuajnë me plumba gome në drejtim të turmës.

Ndryshe, në raport IPK-ja thotë se është në dijeni që zinxhiri komandues, nuk ka pasur të bëjë fare nga zyrtarët e SHPK-së, por me zyrtarët policorë të UNMIK-ut. IPK-ja në këtë raport pranon se, SHPK-ja duhet të marrë përgjegjësi më të mëdha në kontrollimin e tubimeve të mëdha publike dhe demonstratave në Kosovë. Në raport, megjithatë vlerësohet se kontributi i SHPK-së ishte i konsiderueshëm.

Kryeministri i Kosovës fillon një vizitë treditore në Turqi

Kryeministri i Kosovës, Agim Çeku, u nis dje për një vizitë treditore zyrtare në Turqi, bëri të ditur vetë Kryeministri në mbledhjen e qeverisë. Kryeministri i Kosovës konfirmoi pjesëmarrjen e tij në delegacionin e nivelit të lartë të Prishtinës, që më 10 mars do zhvillojë me Beogradin takimin e fundit të bisedimeve të Vjenës. Kryeministri Çeku do takohet me homologun e tij turk, Rexhep Taip Erdogan. Delegacioni i lartë nga Kosova, nesër do takohet me zyrtarë të parlamentit si dhe me përfaqësues të biznesit turk. Ditën e tretë, Kryeministri Çeku do takohet me zv.kryeministrin dhe ministrin e Punëve të Jashtme të Turqisë, Abdullah Gul.

BDI përshëndet takimin Gruevski-Ahmeti

BDI ka përshëndetur vendimin e kryeministrit Nikolla Gruevskit për takim me liderin e BDI-së, Ali Ahmetin, në prani të përfaqësuesve ndërkombëtarë në Shkup. Siç bën të ditur “Kosova Press”, BDI-ja, ende nuk e ka bërë të ditur se ku dhe kur do të mbahet takimi i parashikuar për këtë javë nga dy figurat.

EKONOMIA

Të dhënat bëjnë të ditur se do të kalojnë në skaner të gjitha prokurimet e deritanishme

Katër grupe kontrolli në KESH, nis rinovimi i administratës

Drejtori i ri, Bojaxhiu, e ka bërë të qartë se, sfida në drejtimin e korporatës nuk mund të përballohet pa aplikuar një skemë të re administrimi dhe investimesh, njëherazi në burime energjie dhe në përmirësimin e rrjetit të transmetimit të energjisë

Një ekip kontrolli, i ndarë në katër grupe, ka nisur kontrollin e të gjitha shpenzimeve të kryera nga Korporata Elektroenergjitike Shqiptare në vitin 2005 dhe 2006. Të dhëna zyrtare bëjnë të ditur se, një ekip i posaçëm është duke kontrolluar të gjitha prokurimet publike të kryera nga drejtoria përkatëse në kompani dhe po ashtu, një ekip tjetër kontrolli do të bëjë auditin e të gjithë situatës financiare. Korporata Eletroenergjitike Shqiptare, KESH, është futur tashmë në një situatë krejt të re edhe në lidhje me rinovimin e administratës dhe mësohet se, drejtori i prokurimeve është larguar nga detyra për të marrë një deyrë më të ulët në kompani. Gjithashtu, edhe për të paktën pesëmbëdhjetë të tjerë mësohet se është gati largimi i tyre. Me emërimin e drejtorit të ri të korporatës, Gjergji Bojaxhiu dhe paraqitjen e objektivit të tij për të furnizuar me energji elektrike konsumatorët pa ndërprerje, ky i fundit është duke përpiluar një strategji të re të admistrimit të korporatës, strategji e cila parasheh edhe rinovimin e një pjese mjaft të mirë të zyrtarëve të saj të lartë. Kontrolli që po kryhet aktualisht pritet të zbardhë të gjithë situatën administrative dhe financiare të kompanisë, me qëllim që të kuptohet roli i zyrtarëve të saj dhe i shpërdorimeve të mundshme, nëse ka patur të tilla. Korporata Shqiptare e Energjisë, në të vërtetë është në një situatë financiare jo komode edhe për shkak të nivelit të lartë të importit të energjisë, në një kohë që edhe çmimi i kësaj të fundit krahasuar me vitet e shkuara, gati është dyfishuar për shkak të mbylljes së burimeve më të rëndësishme të energjisë në rajon. Aktualisht, korporata importon një vlerë rekord prej rreth dhjetë milionë kilovat-orësh në ditë, e cila në vlerë financiare është rreth një milionë dollarë. Drejtori i ri, Bojaxhiu, e ka bërë të qartë se sfida në drejtimin e korporatës nuk mund të përballohet, pa aplikuar një skemë të re administrimi dhe investimesh njëherazi në burime energjie dhe në përmirësimin e rrjetit të transmetimit të energjisë. Në fakt, një sërë investimesh të mëdha janë në nisje e sipër, ku përmendet ndërtimi i një linje të madhe transmetimi Elbasan-Koman dhe Elbasan-Tiranë dhe ndërtimi i një nënstacioni të madh në Tiranë. Në lidhje me burimet e energjisë, një grup hidrocentralesh të vogla janë duke u përgatitur për t’iu dhënë investitorëve privatë me koncesion dhe po ashtu, termocentrali i Vlorës pret që kompania italiane “Maier inginiering” të nisë ta ndërtojë atë. Një gjë po bëhet e qartë se, ky ritëm i ri pune dhe ky objektiv i ri do të kërkojë një administratë më fleksibël, gjë që mesa duket nuk mund të bëhet me zyrtarët aktualë.

Nënshkruhet marrëveshja e akreditimit me organizmin përkatës të BE-së

Drejtoria e Akreditimit nënshkroi një marrëveshje bashkëpunimi me organizmin europian të akreditimit (EA), bënë të ditur dje, burimet zyrtare të kësaj drejtorie. Sipas këtyre burimeve, nënshkrimi i marrëveshjes do të ketë impakt pozitiv në lidhje me përmirësimin e cilësisë së punës në laboratorët e testimit, të kalibrimit, si dhe organizmat certifikues dhe inspektues dhe në veçanti për biznesin dhe konsumatorët.

Kjo marrëveshje i hap rrugën nënshkrimit të marrëveshjeve të Njohjes Reciproke, prej nga mundësohet të njihen të gjitha akreditimet e dhëna në Shqipëri në nivel rajonal dhe europian. Nga ana tjetër, me këtë marrëveshje, krijohen kushtet për lëvizjen e lirë të mallrave dhe shërbimeve, duke eliminuar barrierat teknike në tregti.

Gjithçka do të bazohet në parimin "një testim, një certifikim, një akreditim", ç'ka siguron qarkullimin e produkteve me minimumin e kostos dhe përpjekjeve.

Drejtoria e Akreditimit, përmes kësaj marrëveshjeje detyrohet që sikurse të gjithë organizmat e tjera, anëtare të Organizmit Europian të Akreditimit (EA), të operojë në përputhje me serinë e standardeve ISO 17000. EA është një network i enteve europiane të akreditimit, të cilat kryejnë akreditimin e organizmave të vlerësimit të konformitetit, si (organizma certifikues/inspektues, laboratorë testues /kalibrues). Qëllimi kryesor i EA-së (Organizmi Europian i Akreditimit) është të kontribojë në konsolidimin i infrastrukturës së akreditimit dhe të shërbejë si një mekanizëm eficent në progresin e ekonomisë dhe shoqërisë në vendet anëtare të BE-së.

BSH merr më shumë kompetenca në mbikëqyrjen e bankave të nivelit të dytë

Ligji i i ri për bankat parashikon përmirësimin e rregullimit të veprimtarisë bankare në vend, për të siguruar vazhdimësinë e stabilitetit të sistemit bankar dhe për të forcuar besimin e publikut në këtë sistem. Burime nga BSH-ja bënë të ditur se, ligji zgjeron kuptimin e "veprimtarisë bankare", duke shtuar edhe "emetimin e mjeteve të pagesës në formën e parasë elektronike", duke qenë kështu në përputhje me direktivat e BE-së në këtë fushë. Janë shtuar rastet kur Banka e Shqipërisë ka të drejtë të revokojë licencën e dhënë, për të forcuar masat mbikëqyrëse, në rastet të cilat cenojnë likuiditetin dhe aftësinë paguese të bankës, duke rrezikuar integritetin e sistemit bankar.

Sipas specialistëve, projektligji sjell një rregullim të ri, duke i njohur kompetencën Bankës së Shqipërisë të gjykojë, nëse subjektet mund të licencohen për të ushtruar veprimtari të caktuara financiare që në momentin e licencimit, apo më vonë, me kërkesë të vetë subjektit. Projektligji është harmonizuar me legjislacionin shqiptar në fuqi, i cili parashikon licencimin dhe mbikëqyrjen e aktiviteteve financiare nga autoritete të tjera rregullatore, siç është edhe Autoriteti i Mbikëqyrjes Financiare apo Agjencia e Sigurimit të Depozitave. Në lidhje me kapitalin rregullator dhe raportet e mjaftueshmërisë së kapitalit, projektligji parashikon një rregullim të ri për degët e bankave të huaja. Për këto banka, projektligji kërkon që në çdo kohë të mbajnë brenda territorit të Republikës së Shqipërisë, një nivel të caktuar asetesh likuide, të cilat do të shërbejnë si garanci për përmbushjen e detyrimeve të tyre ndaj depozituesve dhe kreditorëve në Shqipëri.

Banka gjermane, KfW, çel projektin në mbështetje të firmave të interesuara për ndërtimin e HEC-eve të vogla

Gjermanët, 9 milionë euro për ndërtimin e HEC-eve lokale

Banka do të ofrojë për të gjitha firmat e interesuara për ndërtimin e këtyre HEC-eve kredi, mbulimin e riskut të kolateralit deri në masën 50 për qind si dhe asistencë teknike në hartimin e projekteve si dhe në marrjen e kredive

Banka Gjermane për Zhvillim, KfW, ka nisur një projekt të rëndësishëm për ndërtimin e HEC-eve lokale në Shqipëri. Projekti ka një fond prej 9 milionë eurosh, të cilat, një pjesë do të jepen si kredi për ndërtuesit e këtyre HEC-eve, ndërsa një pjesë tjetër për të mbuluar kolateralin e tyre për kredi të marra në banka të tjera private. Në këtë rast, kushdo subjekt i cili aplikon për kredi në ndonjë bankë mund të përfitojë 50 për qind të kolateralit, e cila do t’i mbulohet nga KfW-ja. Në këtë mënyrë, nga 9 milionë euro që banka KfW ka vënë në dispozicion të ndërtuesve të HEC-eve të vogla, rreth 3.5 milionë prej tyre do të shkojnë për kredi direkte, ndërkohë që pjesa tjetër do të shkojë për të mbuluar kolateralin për aplikimin për kredi të këtyre ndërtuesve në banka të tjera. Gjithashtu, në funksion të këtij projekti banka do të vërë të shërbim të ndërtuesve të këtyre HEC-eve edhe asistencë teknike deri në përfundim të projekteve për ndërtimin e tyre. Kjo asistencë do t’iu ofrohet të gjithë operatorëve privatë të këtyre hidrocentraleve, për t’i ndihmuar ata në zgjedhjen e konceptidesë për projektet e tyre, në përgatitjen e dokumentacionit të nevojshëm për të marrë kredi në banka, si dhe në të gjitha fazat e realizimit të projekteve. Agjencia Kombëtare e Energjisë ka hartuar që më parë një program, ku është parashikuar që ky projekt të vijojë më tej edhe me një fond shtesë prej 30 milionë eurosh, pikërisht për zhvillimin e hidrocentraleve lokale.

Ky fond prej 9 milionë eurosh është hapur në kuadër të Programit të Promovimit të Burimeve të Rinovueshme dhe Efiçencës së Energjisë, i cili është pjesë e bashkëpunimit financiar që Shqipëria ka me Gjermaninë në disa sektorë të rëndësishëm ekonomikë. Banka Gjermane, KfW, me hapjen e këtij fondi ka ftuar të gjitha firmat private të interesuara që të marrin pjesë në aplikimin për marrjen e këtyre kredive. E gjithë kjo bëhet për zhvillimin e potencialeve energjitikë në vend, duke qenë se HEC-et e vogla shihen si një prej burimeve më të leverdisshme për prodhimin e energjisë. Aktualisht, Shqipëria shfrytëzon gati një të tretën e burimeve të veta hidroenergjitike dhe ndërtimi i këtyre hidrocentraleve do të mund të sjellë shfrytëzimin e tyre për të prodhuar energji. Miratimi i ligjit të ri të koncesioneve i ka hapur tashmë rrugën ndërtimit të shumë HEC-eve të tillë, të cilët kanë qenë të bllokuar duke pritur ndryshimet ligjore. Janë rreth 40 hidrocentrale të tilla që presin të marrin lejen e ndërtimit të tyre, një pjesë e mirë e të cilëve ka gati edhe studimet përkatëse për shfrytëzimin e burimeve hidrike. Sipas burimeve nga Ministria e Ekonomisë, ato janë në proces shqyrtimi dhe pritet që brenda disa ditësh të fillojë procesi i dhënies së lejeve për ndërtim. Pas daljes së ligjit, iniciativa të tilla mbështetëse, pritet të rrisin ndjeshëm zhvillimin e këtyre HEC-eve, të cilët shihen edhe si një prej formave që do të ndikojnë ndjeshëm në zbutjen e problemit të energjisë në vend.

Ergys Mërtiri

Kryetari i KLSH-së, Robert Çeku, raportoi dje në Komisionin parlamentar të Ekonomisë

Çeku: Dëmi ekonomik 2002-2006 shkon në 7.3 milionë lekë

Kryetari i Kontrollit të Lartë të Shtetit, Robert Çeku, raportoi dje në Komisionin parlamentar të Ekonomisë për kontrollet e ushtruara prej KLSH-së gjatë vitit 2006. Kontrollet e ushtruara kanë pasur në fokusin e tyre veprimtarinë ekonomike të një sërë institucioneve shtetërore, përgjatë periudhës 2002-2006. Gjatë seancës, Çeku raportoi se dëmi ekonomik i konstatuar nga kontrollet e ushtruara shkon në shumë 7.3 miliardë lekë. Ky dëm ka ardhur si pasojë e parregullsive shkeljeve abuzimeve financiare të këtyre institucioneve. Kontrollet janë ushtruar në ministritë dhe institucionet qendrore, institucionet e administratës së qeverisjes vendore, njësi dhe projekte me financim të huaj, në degët e tatim-taksave dhe doganave, si dhe në institucionet në shërbim të reformës ekonomike si AKP dhe KKKP. Sipas Çekut, ka pasur një rritje të volumit të punës së KLSH-së, duke shtuar numrin e kontrolleve, nga 147 të planifikuara në rreth 200 kontrolle.

Tatimet

Sipas rapotit të KLSH-së, dëmi ekonomik i ardhur si pasojë e shkeljeve të vërejtura në sektorin e tatim-taksave llogaritet në rreth 4.8 miliardë lekë. Ky sektor ka qenë edhe sektori më i kontrolluar përgjatë vitit të kaluar nga KLSH-ja dhe shkeljet e vërejtura kanë pasur edhe vlerën më të madhe. Sipas raportit, ka pasur një sërë shkeljesh të vërejtura, të cilat kanë sjellë efektin financiar të mësipërm të tilla si shmangie në deklarimin dhe pagesën e TVSH-së dhe tatimfitimit, paraqitjes në bilanc të shpenzimeve të panjohura për efekt të llogaritjes së tatimfitimit, mosdeklarim të të ardhurave dhe mosderdhje të detyrimeve tatimore etj. Gjithashtu, ka edhe një sërë shkeljesh të tjera që kanë sjellë këtë dëm ekonomik si p.sh. moskryerja e ndalesave të tatimit mbi të ardhurat apo llogaritja e gabuar e tatimit mbi të ardhurat personale, mospagimi i tatimit në burim, mosaplikimi i gjobave etj. Të gjitha këto kanë pasur një efekt negativ prej rreth 4.6 miliardë lekësh në mbedhjen e të ardhurave përgjatë kësaj periudhe në sistemin tatimor, të cilat i kanë munguar buxhetit të shtetit. Shkeljet që kanë të bëjnë me tatimfitimin si dhe gjobat e pallogaritura kanë shkaktuar një dëm ekonomik prej rreth 1.5 miliardë lekësh, shkeljet që kanë të bëjnë me TVSH-në kanë sjellë një dëm prej rreth 1.4 miliard lekësh, ndërsa ato që kanë të bëjnë me tatimin e thjeshtuar mbi fitimin vlerësohen në rreth 420 milionë lekë.

Doganat

Sipas raportimit të kryetarit të KLSH-së, por edhe sipas të dhënave nga raporti vjetor i këtij institucioni, shkeljet e vërejtura në sektorin doganor kanë qenë në vlerën e përgjithshme prej rreth 880 milionë lekësh. Sipas KLSH-së, ky dëm financiar ka ardhur si pasojë e një sërë abuzimesh dhe shkeljesh në detyrë si shmangies së detyrimeve doganore dhe llogaritjes së gabuar të tarifave doganore, diferencave të lindura në llogaritjen e vlerës së zhdoganimeve dhe shpenzimeve të transportit, uljes së vlerës së vendimeve të gjobave pa ndonjë bazë ligjore, mosaplikimit ose aplikimit për rastet e kontrabandës së vërejtur si dhe detyrimet doganore të papaguara. Efekti negativ në buxhetin e shtetit, i ardhur nga dëmi financiar i shkaktuar nga këto shkelje, llogaritet në rreth 790 milionë lekë. Detyrimet e papaguara kanë sjellë një dëm financiar prej rreth 350 milionë lekësh në total, kontrabanda llogarit një dëm financiar prej rreth 290 milionë lekësh, ndërsa mosllogaritja e duhur e detyrimeve doganore ka shkaktuar një dëm prej rreth 120 milionë lekësh.

SOCIALE

Tashmë janë evidentuar të gjitha llojet e viruseve që aktualisht janë në qarkullim

Ivanaj: Ministria e Shëndetësisë, e gatshme për çdo situatë

Zëvendësministri i Shëndetësisë, Arben Ivanaj u shpreh se kjo nuk është një situatë për t’u alarmuar, pasi nuk është hera e parë që përballemi me situata të tilla

Zëvendësministri i Shëndetësisë, Arben Ivanaj, tha dje se, ashtu siç e kishin parashikuar edhe ekspertët e Institutit të Shëndeti Publik, aktualisht, vendi ynë është në prag epidemie. Sipas zëvendësministrit të Shëndetësisë Ivanaj: “ekspertët po punojnë dhe tashmë i kanë evidentuar edhe llojet e viruseve që janë në qarkullim.” Ai ka shtuar se, specialistët kanë bërë të mundur zbulimin e shkaktarëve të kësaj epidemie dhe falë punës së tyre janë zbuluar tre lloje virusesh epidemike. Këto viruse janë në gjendje të shndërrojnë gjatë kohës molekulat antigjene të sipërfaqes, Hemaglutin (H), Neurominidase (N) dhe me këtë, gjatë një riinfektimi ato depërtojnë në sistemin e imunitetit të njeriut. Ivanaj shtoi se “kjo nuk është një situatë për t’u alarmuar, pasi nuk është hera e parë që ne përballemi me situata të tilla. Në çdo sezon gripi, çdokush është i predispozuar për t’u prekur nga gripi, por e rëndësishme është zbulimi i llojit të virusit, pasi ai shfaqet në forma të ndryshme në stinë të ndryshme.” Ndërkohë, Ministria e Shëndetësisë ka marrë të gjitha të masat që vaksina e antigripit të jetë e pranishme në gjithë popullatën, me përjashtim të një kategorie njerëzish.

Masat

Zv.ministri Ivanaj, theksoi se Ministria e Shëndetësisë ka marrë masa farmaceutike dhe se, ISHP-ja po bën propagandën e duhur për vaksinën antigrip. Duke shtuar se vaksinimi nuk është i detyrueshëm, por i rekomandueshëm që të kryhet, ai shton se mund të gjendet lehtësisht në farmaci. Zv/ministri Ivanaj pohon se, të gjitha rastet janë nën kontroll dhe se mbetet për t’u shqyrtuar, vetëm rasti i Gjirokastrës në kuptimin diagnostik. “Sistemi imunitar i njeriut nga ky lloj virusi që është përhapur tani është i mbrojtur vitin tjetër. Ndaj, ideja e vaksinës është që ta na mbrojë ndaj disa lloje virusesh të mundshëm. Problemi i ministrisë është problemi i gjithë popullatës. Ne kemi bërë të mundur që vaksina të jetë prezente në gjithë popullatën dhe kemi vëmendjen e duhut që të jetë prezente në një numër të caktuar të popullatës”, - theksoi zv.ministri. Për të përballuar përmasat që mund të marrë përhapja e kësaj sëmundjeje spitalet e rretheve kanë marrë të gjitha masat. Kështu, në Fier, për të përballuar gjendjen është në efiçiencë të plotë kati i katërt i godinës së spitalit të fëmijëve. Gjithashtu, bëhet e ditur se janë marrë të gjitha masat për medikamentet e nevojshme. Gjatë ditëve të fundit, në këtë qytet është rritur numri i fëmijëve që paraqiteshin për vizitë pranë repartit të pediatrisë dhe një pjesë e tyre shtroheshin pranë këtij reparti, pasi ekzamininoheshin me ndërlikime nga virusi apo me sëmundje bronkopneumonale.

Alketa Alia

Intervistë me drejtorine qendrës turke të kardiologjisë “Balkan Alliance Medical Center”, Idaver Sherifi

Kardiologji e re pranë spitalit ushtarak

Specialistët marrin përsipër edhe analizat për biokimi, hematologji dhe hormone

Hapja e spitalit “Balkan Alliance Medical Center” iu ofron pacientëve shqiptarë mundësinë e kurimit pa qenë nevoja për të dalë jashtë vendit. Kështu shprehet në prezantimin e tij administratori i spitalit, i cili e konsideron hapjen e tij pranë Spitalit Ushatarak, si një rrugëzgjidhje që shmang ecejaket e qindra pacientëve shqiptarë, të cilët më parë ishin të detyruar të udhëtonin drejt Truqrisë.

Së pari, dëshiroj t’iu uroj një punë të mbarë në këtë aktivitet të sapo nisur pranë ambienteve të Spitalit Ushtarak Qendror Universitar. Mund të na jepni disa të dhëna në lidhje me spitalin tuaj?

Spitali ynë quhet “Balkan Alliance Medical Center”. Investimi i këtij spitali është kryer nga shoqëria anonime “UNIVERS ALB”, shoqëri kjo që përbëhet nga 3 aksionerë. Kjo është një shoqëri aksionere turke, e cila ka një aktivitet të gjerë në fushën e shëndetësisë, ndërtimit dhe energjitikës, në Turqi dhe jashtë saj dhe ka në përbërje të saj edhe një mjek profesor, shumë i njohur në Turqi dhe në botë dhe një mjek shqiptar. Spitali ynë përbëhet nga një laborator analizash i kompletuar dhe shumë modern, i cili shërben, jo vetëm për pacientet kardiakë, por për të gjitha analizat e nevojshme, biokimi, hematologji, hormone etj. Në klinikën e kardiologjisë, në të cilën ka një poliklinikë të plotë ardiologjike bëhen të gjitha diagnostikimet e nevojshme për sëmundjet e zemrës dhe vazave. Hemodinamika është shumë e zhvilluar, bëhen koronarografi dhe PTCA çdo ditë, gjithashtu kryhen të gjitha ndërhyrjet dhe operacionet e zemrës, aortës dhe vazave të tjera me një cilësi të lartë dhe nga një staf i përgatitur i ardhur nga Turqia. Dhomat e shtrimit janë shumë komforte dhe jemi përpjekur që pacientët të ndihen si në shtëpinë e tyre. Kemi dhoma për një pacient dhe dhoma dyshe. Stafi ynë i lartë dhe i mesëm shëndetësor dhe organizativ ka qenë për një kohë të gjatë për trajnim në Turqi. Një pjesë të mirë të infermierëve dhe personelit të mesëm, gjithashtu i kemi sjellë nga Turqia, pjesa tjetër janë shqiptarë, por të dy ekipet punojnë së bashku me një shpirt kolektiv.

Mund të na tregoni diçka në lidhje me stafin tuaj. Cila është përgatitja dhe niveli i tyre akademik?

Në krye të ekipit tonë mjekësor është kardiokirurgu i njohur Prof. Dr. Neyyir Tuncay EREN (për më tepër mund të gjeni në google.com), z. EREN, pasi ka mbaruar fakultetin e Mjekësisë dhe specializimin e kardiokirurgjisë në Qendren Spitalore Universitare të Ankarasë, është specializuar në “La Pitie” në Francë dhe “Harefield” në Londër për transplantet kardiak. Ai ka punuar në “Medhodist Hospital”, në Huston USA, si mjek kardiokirurg dhe është specializuar veçanërisht në kirurgjinë e aortas. Në karrierën e tij kirurgjikale numërohen mbi 10 mijë ndërhyrje kardiake dhe të aortës. Ka shumë botime dhe libra në fushën e kardiokirurgjisë. Prof. Dr. Ahmet Alpman është në krye të ekipit tonë të kardiologjisë. Prof. në Qendrën Spitalore Universitare të Ankarasë, me specializime të shumta dhe një numër të madh botimesh, gjithashtu eksperiencë shumë të gjerë në kardiologji dhe veçanërisht në Hemodinamikë. Në krye të laboratorit është mjekja biokimiste Prof. Dr. Beyza Arda. Kemi gjithashtu edhe një kardiokirurg dhe një kardiolog mjek të ardhur nga Turqia. Përsa i përket stafit të mjekëve shqiptarë, të gjithë janë me një përvojë në spitalet shqiptare dhe të trajnuar në spitalin tonë në Turqi dhe në Europë. Ata janë energjikë dhe shumë punëtorë. Personeli i mesëm është përzgjedhur nga studentet me rezultatet më të mira dhe gjithashtu ka kryer një specializim të gjatë dhe serioz në Turqi. Të gjithë janë duke punuar me përkushtim dhe secili ndihmon njëri-tjetrin në punën e tij. Qëllimi i të gjithëve është kënaqësia e pacientit.

Me të vërtetë është një nismë shumë serioze dhe e vështirë. Një investim shumë i madh, por edhe një punë që kërkon një organizim perfekt. Jam kurioz t’iu pyes si arritët ju që të sillni në Shqipëri një mjek kaq të përgatitur dhe të njohur, siç është z. EREN?

Ky spital është një vepër e tij. Ka rreth 3 vjet që profesori vjen në Shqipëri. Në Ankara, ai ka operuar rreth 350 pacientë shqiptarë. Me të gjithë pacientet ka thurur një miqësi familjare dhe kjo e tërheq dhe i jep një satisfaksion të paimagjinueshëm. Populli ynë me popullin turk ndan një miqësi shekullore dhe si profesori, ashtu dhe gjithë stafi turk e shohin veten si në shtëpinë e tyre. Shqipëria dhe gjithë trevat tona kanë nevojë shumë të madhe për zhvillimin e shëndetësisë. Çdo vit, me qindra pacientë dalin jashtë vendit dhe kërkojnë mundësi për kurim. Ata hasin vuajtje dhe probleme nga më të ndryshmet gjatë rrugës dhe për secilin nga pacientët është një siklet shumë i madh stresi i ndërhyrjes kirurgjikale larg të afërmve të tij. Një valutë e madhe dhe e konsiderueshme del çdo vit jashtë vendit për shërbimet shëndetësore. Hapja e ketij spitali iu ofron pacienteve shqiptarë mundësinë e kurimit në nivele bashkëkohore, pa qenë nevoja për të dalë jashtë vendit. Ky është një hap shumë i rëndësishëm në zhvillimin e shëndetësisë private në Shqipëri.

KOMENTE

EFSE dhe produkti financiar i antikorrupsionit

Feti ZENELI

Pa kaluar më shumë se 16-17 muaj qeverisje “me duar të pastra”, Fondi Evropian për Evropën Juglindore (EFSE) vendosi ta përfshijë Shqipërinë në hartën e vendeve që përfitojnë kredi financiare për zhvillimin e sipërmarrjes private dhe jetës ekonomike në përgjithësi. Bëhet fjalë për rreth 250 milionë euro që do të ofrohen në formën e kredive për sipërmarrjet e vogla, private, fermerët dhe përmirësimin e kushteve të banimit familjar, të cilat llogariten të plotësojnë kërkesat e mbi 150 mijë klientëve të tillë. Kjo është një shifër e konsiderueshme kreditimi, po të kemi parasysh faktin, që përbën gati gjysëm e fondit të kreditimit bankar në Shqipëri dhe kërkesat në rritje të biznesit dhe qytetarëve për mbështetje të tilla, financiare. Nga ana tjetër, ky fond reflekton edhe qëndrimin e ri të investitorëve të huaj, të krijuar nga përmirësimi qeveritar i klimës së biznesit në vendin tonë gjatë dy viteve të fundit.

Entuziazmi ynë, qeveritar dhe institucional është më se i përligjur në këtë rast, duke e konsideruar një iniciativë të tillë, financiare të disa agjencive evropiane, bankave të zhvillimit, bankave tregtare, si dhe qeverive të rajonit tonë si “një version modern të planit “Marshal” të shekullit të XXI”. Nga ana tjetër, po të kemi parasysh kriteret, mbi të cilat u zbatua “Plani Marshal” në vitin 1947-të për ekonomitë e rrënuara të Gjermanisë, Anglisë, Francës, Italisë, etj., apo qoftë edhe masën e fondit të caktuar nga qeveria amerikane për këtë qëllim, që nuk e kalonte shumën e 3 miliardë dollarëve, mirënjohja edhe entuziazmi duhet të përfshijë edhe mijëra sipërmarrës të vegjël në qytet dhe fshat, si dhe individë të tjerë, të cilët deri më 3 korrik të vitit 2005-së, shpresat e mbështetjes së tyre, financiare i kanë patur vetëm te “tregu i zi” i parasë dhe ekonomia informale. Po kështu, efekte ndryshimesh të rëndësishme psikologjiko-strategjike duhet të shkaktojë kjo iniciativë edhe te të gjithë ata sipërmarrës apo individë, të cilët e përcollën me indinjatë elektorale formalizimin e ekonomisë dhe tregut shqiptar nga qeveria “Berisha”. Natyrisht, një reflektim i tillë është pjesë e bindjes dhe analizës gjakftohtë që duhet të bëje gjithsecili, në kuadrin e projektimit ekonomik të së ardhmes individuale. Se ç`ndodh?!...

Duke i hedhur një vështrim mjedisit urban apo infrastrukturës së sipërmarrjes private shohim plot ndërtime luksoze, që nuk mund të gjenden as në vendet më të zhvilluara të botës. Shikon hotele, bare, restorante, objekte prodhimi apo vila dhe shtëpi banimi tepër moderne në pikëpamjen arkitekturore, por që zhvlerësohen për shkak të mungesës së investimeve publike si rrugë, ujë, energji, etj. Por këto objekte të krijojnë ndjesinë e “bukurisë që vret” apo dhe të “mollës së ndalueme”, në kuptimin e vlerës së përdorimit legal e në përputhje me strategjitë globale të integrimit gjithëshqiptar në familjen evropiane. Disproporcioni në raportin e investimeve private me ato publike, për shkak të burimit ilegal të financimit të këtyre objekteve në vitet e qeverisjes socialiste e mbushi vendin me paligjshmëri të sendërzuara dhe e pompoi jashtë realitetit iniciativën anarshiste. Një realitet i tillë financiar-investues nuk ka shumë ndryshim nga modeli “kioskë” apo “piramidë” i viteve të para të tranzicionit, duke ngjallur pasiguri, shfrytëzim të padrejtë të energjive e potencialeve dhe duke krijuar distanca primitive për integrimin e gjithë vendit. Këto ishin produkte materiale të sistemit të korrupsionit dhe keqqeverisjes majtiste për 8 vite me radhë.

Në këto kushte, iniciativa e Fondit Evropian për Evropën Juglindore (EFSE) më shumë sesa mbështetje financiare është një eksperiencë efektive për zhvillimin ekonomiko-shoqëror të vendeve në tranzicion, sipas përvojës fillestare të vendeve të zhvilluara, perëndimore. Mjafton të kujtojmë se, edhe në vitet e shkuara të tranzicionit shqiptar, sipërmarrësit dhe qytetarët shqiptarë, më shumë sesa për pará, kanë vuajtur për modele të efektshme investimi në ekonomi. Ky ka qenë shkaku i investimit të parave private në kioska e firmat piramidale në vitet e para të tranzicionit apo i parave publike për çimentimin e sistemit të korrupsionit në periudhën ’97-’05-së. Qeveria “Berisha”, nisur nga “mësimet” që ka nxjerrë nga “pësimet” e ish-qeverisë “Meksi” në periudhën ’92-’96-të, eksperienca postkomuniste e vendeve të Evropës Lindore, anëtarësuar këto vitet e fundit në BE, si dhe pragmatizimi i treguar në zbatimin e strategjive të hartuara nga ekspertët më të mirë vendas në këtë drejtim, zhvillimin e ardhshëm, ekonomik të vendit ia ka besuar vetëm shtetit ligjor.

Nuk ka alternativë tjetër zhvillimi dhe integrimi përveç modeleve perëndimore të ekonomisë së tregut, të cilat, nëse perifrazojmë një parullë komuniste të ndërtimit të socializmit në Shqipëri, në një “dorë” mbajnë shtetin ligjor, kurse në tjetrën ekonominë e formalizuar. Ky lloj përkushtimi, me një fjalë të vetme quhet: -“qeverisje me duar të pastra”. Ndoshta për mentalitetin e sipërmarrësve apo individëve të përkëdhelur nga qeverisjet e mëparshme dhe të frymëzuar nga informaliteti ekonomik, kjo alternativë pranohet me vështirësi, për shkak të rrugëve ilegale të sigurimit të të ardhurave dhe mbështetjes financiare për investime. Kjo është arsyeja e opinioneve për “tkurrje të tregut të parasë” në këto muaj të qeverisjes së vendit nga të djathtët dhe aleancave të tyre, politike me segmentet e mbetura të sistemit të korrupsionit në prokurori, gjyqësor, shoqërinë civile, media e disa institucione të tjera, shtetërore, të përkrahura politikisht prej opozitës. Prej këtij koalicioni antiqeveritar buron dhe shprehja: “Ç’na duhet ky lloj integrimi që na lë pa punë dhe pará”, ku me “punë” nënkuptohen trafiqet, kontrabanda e informaliteti, kurse me “pará” fitimet dhe investimet e siguruara në rrugë ilegale, nga një grusht i vogël njerëzish. Kjo kategori sipërmarrësish dhe individësh, zhvillimin e shohin vetëm në “kopshtin” e tyre dhe jo në rritjen e pagave, pensioneve, punësimit, investimeve publike, etj., apo thënë ndryshe; jo në rritjen e mirëqenies së përgjithshme, shoqërore. Ndonëse ata flasin e përgjërohen për interesat e popullit, qëllimi i tyre, i vërtetë është përfitimi në kurriz të qytetarëve dhe biznesit të ndershëm.

Normalisht, kjo lloj devotshmërie popullore tregohet vetëm me vepra dhe jo me demagogji politike apo dinakëri mediatike. Janë vetë qytetarët shqiptarë që me mbështetjen e lartë, elektorale ndaj së djathtës në zgjedhjet lokale të 18 shkurtit vulosën mirëqeverisjen e qeverisë “Berisha” në këto muaj që kanë kaluar qysh nga shtatori i vitit 2005-së. Dhe baza e këtyre arritjeve është mirëmanaxhimi financiar i krijimit dhe përdorimit të të ardhurave publike. Nëse edhe dikasteret e tjera, qeveritare do të kishin qenë në lartësinë e detyrave efektive, të kryera nga Ministria e Financave apo ajo e Brendshme për pjesën që i takon rendit e qetësisë, atëherë me siguri të huajt do kishin ripërsëritur vlerësimin e bërë në vitin ’95-së me togfjalëshin: “vendi i suksesit surprizë”. Investimet e deritanishme, publike në infrastrukturën rrugore, energjitikë, turizëm, bujqësi, përmirësimin e klimës së biznesit, rritjen e pagave dhe pensioneve, etj., të cilat duhet thënë se janë mbresëlënëse, e kanë bazën te “nikoqirllëku” i financave publike dhe buxheti shtesë prej 500-600 milionë dollarësh, i krijuar vitin e kaluar.

Produkti financiar i reformave në sistemin fiskal, formalizimi i ekonomisë, çlirimi i hallkave qeverisëse nga korrupsioni, etj., është përveç të tjerash edhe një element i nxitjes së iniciativës dhe konkurrencës nga aktorët e tregut global. Një prej këtyre aktorëve është edhe Fondi Evropian për Evropën Juglindore (EFSE), i cili e pohon situatën e përmirësuar të klimës së biznesit duke guxuar të investojë miliona euro në tregun shqiptar, nëpërmjet kredidhënies për biznesin dhe individët e tjerë të vendit tonë. Në këtë mënyrë, një pjesë e konsiderueshme e sipërmarrësve dhe qytetarëve, nëpërmjet aplikimeve dhe bashkëpunimeve të rekomanduara nga EFSE, do të çlirohen gradualisht nga praktikat dhe mendësitë ilegale të investimeve dhe gjetjes antiligjore së burimeve të financimit. Gjermanët, francezët, anglezët, italianët etj., arritën të rimëkëmbeshin ekonomikisht e të qytetëroheshin njerëzisht në vitet pas Luftës së Dytë Botërore, jo duke u marrë më kontrabandë e trafiqe, as duke investuar e pritur fitime nga tregu informal, por nëpërmjet kredive me destinacion të caktuar për linja prodhimi në kuadrin e zbatimit të “Planit Marshal” për Evropën Perëndimore.

fetizeneli@yahoo.com

KRONIKA

Gjykatësi lexon vetëm nenin që toleron

Amnistia, gjykata

lë të lirë ish-

bosen e piramidave

Shemsie Kadria ka lënë qelinë e saj të burgut 313 në kryeqytet, ku ka jetuar për 4 vite e gjysmë. Ishte dënuar 17 vjet dhe kishte edhe 3.5 vjet për të kryer

Lë qelinë bosja e firmës piramidale “Gjallica”, pas vendimit të gjykatës për ta liruar në bazë të amnistisë. Menjëherë pas vendimit të gjykatës, Shemsie Kadria ka lënë qelinë e saj të burgut 313 në kryeqytet, ku ka jetuar për 4 vite e gjysmë. Gjykata e Tiranës pas kërkesës së paraqitur nga e dënuara Kadria ka dhënë vendimin dje, në prani të juristëve të burgjeve dhe avokatit mbrojtës të së pandehurës, Sadri Dida. Juristët e burgjeve kanë paraqitur në gjykatë edhe certifikatën e Kadrisë dhe dje, gjykata ka lexuar vendimin e lirimit në bazë të amnistisë. Ish-bosja e firmës piramidale “Gjallica”, 56-vjeçarja Shemsie Kadria kërkoi dje, nga Gjykata e Shkallës së Parë në Tiranë lirimin e saj, duke e bazuar kërkesën në nenin 1, pika 2 të ligjit “Për dhënie amnistie”, të miratuar nga Kuvendi. Sipas kërkesës së depozituar para togave të zeza, ish-bosja e firmës “Gjallica” kërkon të lirohet nga qelia, pasi në nenin 1 thuhet se: “Amnistohen të dënuarat femra, që më datën 31-dhjetor 2006-të kanë qenë baras ose mbi moshën 55 vjeç”. Sipas pretendimeve të avokatit mbrojtës dhe vetë të dënuarës me 17 vjet burg nga drejtësia shqiptare, lirimi i saj është i domosdoshëm, pasi mosha e saj është 56 vjeç dhe akuza, për të cilën është dënuar, përfshihet në ligjin për amnisti.

Shqyrtimi

Pas leximit të kërkesës për lirim, togat e zeza i kërkuan përfaqësuesit juridik të Drejtorisë së Përgjithshme të Burgjeve që të sjellë certifikatën e lindjes së ish-boses së firmës piramidale “Gjallica” për të verifikuar moshën e saj. Mësohet se që nga dita e ekstradimit të saj, më 30 tetor të vitit 2002, Shemsie Kadria ka vuajtur 4 vite e 5 muaj nga dënimi. Më 20 janar të vitit 2001, togat e zeza, të kryesuara nga gjyqtari Sokol Çomo, e shpallën fajtore atë dhe e dënuan me 17 vjet heqje lirie për veprën penale të mashtrimit me shuma të mëdha. Ndërsa bashkëshortin e saj, Gani Kadria dhe ortakun e tyre, Fitim Kërxhalliu, i dënuan me nga 20 vjet burg në mungesë. Sipas akuzës, “Gjallica” ishte kompania e dytë më e madhe që ka filluar huamarrjen më 1991-shin me presidente Shemsie Kadrinë. Më pas kanë ardhur në krye të firmës edhe Gani Kadria e Fitim Kërxhalliu. Kjo kompani kishte 69.808 kreditorë me qendër në Vlorë dhe borxhi i arritur nga kjo kompani, sipas ekspertëve, ka qenë mbi 200 milionë dollarë.

Precedenti

Vetëm disa ditë më parë u lirua edhe një prej pjesëmarrësve në firmat piramidale, Asllan Xhaferri, djali i kreut të firmës piramidale, “Demokracia Popullore”. Ai ka lënë qelinë, pasi ka përfituar nga amnistia e miratuar në mes të muajit janar nga parlamenti shqiptar. Pas kërkesës që Asllan Xhaferri i ka drejtuar gjykatës, ka përfituar një ulje dënimi dhe kështu ka plotësuar edhe kushtet e kërkuara nga nenet e ligjit për amnistinë. Gjykata e Apelit kishte vendosur një vit më parë që Asllan Xhaferri të dënohej me 8 vjet burg, Ndërkohë që dy vëllezërit e tij, Përparimi dhe Pëllumbi, që janë hetuar dhe gjykuar në mungesë, në momentin e parë që do të kapen, do të vuajnë nga 10 vjet burg. Ndërsa për babain e tyre, Rrapush Xhaferri, çështja është pushuar pas vdekjes së tij në spitalin e burgut. Të pandehurit akuzohen se në bashkëpunim me njëri - tjetrin në një periudhë kohe nga viti 1994-tër deri 1996-të, kanë grumbulluar pará nga populli në formën e huamarrjes.

NENI 1, pika 2

Amnistohen të dënuarat femra, që në datën 31 dhjetor 2006-të kanë qenë baras ose mbi moshën 55 vjeç dhe meshkujt, që kanë qenë baras ose mbi moshën 60 vjeç, me përjashtim të parashikimeve të nenit 3 të këtij ligji.

Neni 3

Nuk përfitojnë nga kjo amnisti personat e dënuar për:

d) vepra penale, të parashikuara në nenet 135, 136, 138, 138/a, 139, 140, 141, 141/a, 143/A (SKEMAT MASHTRUESE DHE PIRAMIDALE), 152 paragrafi i tretë të Kodit Penal, si dhe për (vjedhje të pronës ushtarake, me pasojë vdekjen), e parashikuar në nenin 59 pika 2 të Kodit Penal Ushtarak;

Juristët e Kuvendit: Lirimi i Shemsies, në kundërshtim me ligjin për amnistinë

Juristët e Kuvendit janë shfaqur dje, të habitur lidhur me interpretimin e gjykatës, lidhur me lirimin e Shemsie Kadrisë. Sipas juristëve, Neni 1, pika 2 e tij bën fjalë për të dënuarat femra që kanë mbushur moshën 55 në 31.12.2006-të. Pra, këto amnistohen, por kjo pikë në fund të saj ka fjalët: "me përjashtim të parashikimeve të nenit 3 të këtij ligji". “Kjo do të thotë se amnistohen vetëm femrat mbi 55 vjeç që nuk kanë kryer asnjë nga veprat penale, të përmendura në nenin 3. Neni 3 është përjashtues në këtë rast për të gjithë ligjin. Në asnjë lloj rrethane lehtësuese që përmendet në nenet e tjera të ligjit, ato vepra penale që parashikon neni 3 nuk përfitojnë nga amnistia. Rasti në fjalë është për nenin 143/a (skemat mashtruese dhe piramidale). “Të dënuarit për këtë vepër penale, qofshin burra apo gra, nuk përfitojnë”, - kanë shpjeguar jursitët e Kuvendit për gazetën “TemA”.

Nuk dihet ende se e kujt është kompetenca për të kërkuar shfuqizimin e vendimit të djeshëm, por mësohet se ka nisur shqyrtimi për të apeluar këtë vendim, i cili në mënyrë flagrante bie ndesh me nenin 3, pika d, ku theksohet se nga amnistia janë të përjashtuar pjesëmarrësit në skema mashtruese. Ndërkaq, juristët kanë shfaqur habinë e tyre lidhur me “hezitimin” e prokurorit të çështjes, i cili ka lejuar që një vendim i tillë të kalojë pa u shqyrtuar neni 3, i cili nuk krijon lehtësira.

Avokati i Gazmend Dibrës kërkon ndryshimin e trupit gjykues

“Albatros”, kërkohet

largimi i trupit gjykues

Avokati, Genc Gjokutaj, e ka argumentuar këtë kërkesë si të domosdoshme, pasi gjyqtari Tona nuk ka marrë parasysh gjatë kësaj kohe shqyrtimin e disa prej kërkesave të mbrojtjes

Mbrojtësi ligjor i ish-drejtorit të Aviacionit Civil, Gazmend Dibra, në seancën e djeshme ka kërkuar përjashtimin e trupit gjykues, i cili është duke shqyrtar çështjen e skandalit të “Albatros”-it. Avokati, Genc Gjokutaj, e ka argumentuar këtë kërkesë si të domosdoshme, pasi gjyqtari Tona nuk ka marrë parasysh gjatë kësaj kohe shqyrtimin e disa prej kërkesave të mbrojtjes. Ndërsa, një kërkesë e tillë pritet të hidhet në short nga një tjetër gjyqtar, i cili do të mund të vendosë nëse Sokol Tona do të vazhdojë të shqyrtojë këtë çështje ose jo. Gazmend Dibra akuzohet për shfrytëzim detyre. Ndërsa e gjithë çështja ndaj tij ka nisur në bazë të një përgjimi, i cili javën e kaluar është marrë në cilësinë e provës nga gjyqtari Tona. Sipas mbrojtësit, Gjokutaj, një gjë e tillë është e jashtëligjshme, pasi përgjimi është kryer në kundërshtim me Kodin e Procedurës Penale dhe nuk mund të shërbejë si provë për akuzën. Pikërisht kjo ka qenë edhe arsyeja e kërkesës së djeshme. Si provë kryesore për organin e akuzës, ndër të tjera, ishte edhe kaseta e inçizuar e bisedës së kryer mes përfaqësuesve të kompanisë së fluturimeve dhe ish-drejtorit të Aviacionit, Dibra. Ndërkohë, avokati mbrojtës, Genci Gjokutaj, kërkoi që kjo provë të deklarohet e pavlefshme, pasi është marrë në kundërshtim me ligjin. Tona bëri të ditur vendimin e treshes gjykuese, me anën e së cilës pranohet si provë në shqyrtim kaseta e përgjimeve. Kjo provë, ku dëgjohet qartë zëri i regjistruar i ish-drejtorit të Aviacionit Civil, Gazmend Dibra, pritet të përdoret nga prokuroria për të vërtetuar se është bërë presion ndaj drejtuesve të kompanisë së fluturimeve, për të ndikuar tek Presidenti i Republikës për dekretimin e shkarkimit të kryeprokurorit Theodhori Sollaku. Gjithashtu, gjykata ka pranuar si prova edhe deklarimet e shtetasve Aleksandër dhe Valeri Hoxha, Albens Vokopola, Ernest Vrioni, Luan Jaupaj dhe Rudina Fortuzi, një numër të konsiderueshëm autorizimesh për operimet ajrore, shkresa dhe dokumente të ndryshme të Drejtorisë së Përgjithshme të Aviacionit Civil si dhe tabulatet telefonike të dy numrave që dispononte ish-drejtori Dibra, të cilat janë përgjuar për disa kohë.

Reagimi

“Jam i befasuar nga kjo shkelje e ligjit në mënyrë flagrante nga gjykata”, - tha menjëherë pas procesit, një javë më parë, Gazmend Dibra. Sipas tij është absurde të konsiderohet si provë një kasetë anonime, e cila edhe pas mbi gjashtë muajsh hetimesh nuk ka autor. “Gjykata bazohet në shkresë legale me emër, dhe jo në anonimat”, - tha avokati i Dibrës, i cili ka kundërshtuar vendimin e djeshëm të gjykatësit Tonaj për marrjen, qoftë edhe si provë të ndërmjetme, të kasetës së transmetuar në mesin e shtatorit, në “Fiks Fare”. Ndërkaq, vetë Dibra e ka konsideruar vendimin e djeshëë të gjykatës si nisje të një procesi të paligjshëm që mund të nxjerrë përfundime vetëm të paligjshme. “Ky vendim na bën të mendojmë se, duke qenë se në këtë proces janë palë edhe Presidenti dhe Kryeprokurori, atëherë edhe vendimi i sotëm ka qenë i kondicionuar nga këto palë. Ky proces ka nisur përmes një vule të paligjshme dhe si i tillë do të pjellë vetëm paligjshmëri”, - u shpreh Dibra.

Malaj refuzon të dëgjojë dëshminë e gjykatëses që tentoi ta vriste

Autori i tentativës së vrasjes së gjyqtares së Fierit, 57-vjeçari Hajdar Malaj ka deklaruar se nuk mund të paraqitej dje në sallën e gjyqit, pasi ishte i sëmurë. Seanca e radhës është shtyrë për një tjetër herë, për shkak të të pandehurit që tentoi të vriste gjyqaren, Irena Maneku. Kjo e fundit ka udhëtuar nga Fieri për në Tiranë ditën e djeshme për të qenë e pranishme në këtë seancë. Maneku dje është pritur që të tregonte ngjarjen para kolegëve të saj të Gjykatës për Krime të Rënda, por i pandehuri nuk e ka lejuar një gjë të tillë. Gjyqi në ngarkim të 57-vjeçarit nga Mallakastra është shtyrë për ditën e sotme, ku pritet të dëgjohet edhe dëshmia e gjyqtares që iu ka shpëtuar mrekullisht plumbave të Nalajt. Avokati i të pandehurit Malaj ka kërkuar një ekspertim të shëndetit mendor, pasi ai ka shfaqur shenja të rënda të depresionit gjatë tentativës së vrasjes dhe gjatë arrestimit të tij. Por i pandehuri ka deklaruar se nuk ishte i sëmurë mendor, por thjesht ishte i nxehur me drejtësinë në Shqipëri që e sorollaste prej kohësh. Edhe pas kundërshtimit të të pandehurit për kërkesën e avokatit të tij, togat e zeza vendosën që 57-vjeçarit t’i bëhet ekspertimi psikik, për të parë gjendjen e tij të përgjegjshmërisë mendore. Sipas akuzës, 57-vjeçari Malaj është arrestuar, pasi në ambientet e Gjykatës së Rrethit Gjyqësor Fier, më datë 18 janar, rreth orës 15, ka nxjerrë nga çanta pistoletën e tipit “TT”, duke e drejtuar nga gjyqtarja. Në momentin që 57-vjeçari Malaj ka tërhequr këmbzën e pistoletës, për fat të mirë nuk është realizuar gjuajtja. Më pas, gjyqtarja Irena Maneku është larguar me shpejtësi nga salla dhe ka hyrë në zyrën e kolegut të saj. Duke parë këtë situatë të vështirë ka ndërhyrë roja i gjykatës, Agim Gjoka. Ai ka tentuar të neutralizojë veprimet e 57-vjeçarit, por është plagosur në krahun e majtë. Rasti i Fierit u bë shkak që vetëm dy ditë më vonë, KLD-ja, përmes një mbledhjeje urgjente të kërkonte ndryshimin e masave të kontrollit në çdo gjykatë, me qëllim mbrojtjen e gjyqtarëve.

Vjedhin një shtëpi, katër kavajas në pranga

Vjedhësit vijojnë të jenë pjesë e përditshme e prangosjes së policisë. Blutë e kryeqytetit njoftuan dje se, katër persona, të akuzuar për vjedhjen e një banese në Kavajë u arrestuan dje nga policia, ndërkohë që një tjetër u shpall në kërkim për të njëjtën vepër penale. Policia e Tiranës bëri të ditur se shtetasit e arrestuar janë: Alfred Daha, 26 vjeç, Dajan Levoja, 21 vjeç, Emilano Hekurani, 26 vjeç si dhe Ilir Ramiçi, 28 vjeç, që të gjithë banues në Kavajë. Arrestimi i tyre, sipas policisë, u bë pasi këta shtetas, në bashkëpunim me njëri-tjetrin kanë vjedhur banesën e shtetasit me inicialet Q. Ç, në lagjen 4, Kavajë. Ndërkohë që, në kërkim është shpallur shtetasi me inicialet F. L, 27 vjeç, po nga Kavaja.

Sipas policisë, nisja e hetimeve për këtë çështje nisi pas kallëzimit të bërë dje nga bashkëshortja e shtetasit Q. Ç, e cila në deponimin e saj ka deklaruar se i kanë vjedhur banesën në qytetin e Kavajës, gjatë kohes së qëndrimit të saj në Itali. Nga këqyrja e vendit të ngjarjes dhe nga hetimet e ndërmarra nga policia ka rezultuar se autorët kanë hyrë në banesë, duke thyer derën kryesore të saj. Në cilësinë e provës materiale, katër personave tashmë të arrestuar, iu sekuestruan disa nga materialet dhe sendet e vjedhura, thuhet në njoftimin e policisë.

“Marlboro” kontrabandë, “Rruga e natës” prangos Veriun

Sekuestrohen cigare kontrabandë. 5480 paketa të markave "Marlboro" dhe "Slims", pa pullë fiskale, iu sekuestruan të mërkurën vonë shtetasit Esat Veriu, 41 vjeç, nga Tirana, nga policia e kryeqytetit, gjatë operacionit të koduar "Rruga e natës", pasi një hetimi disajavor. Sipas njoftimit për shtyp të bërë dje nga policia e Tiranës, 41-vjeçari Veriu u arrestua për veprën penale të "tregtimit, transportimit të mallrave që janë kontrabandë". Policia tha se, për të sipërpërmendurin ishin marrë më parë informacione për transportimin dhe tregtimin e mallrave kontrabandë, ku u organizua edhe puna për identifikimin e autorëve të përfshirë në këtë aktivitet, rrugët e transportimit dhe vendet e tregtimit. Në cilësinë e provës materiale, policia sekuestroi sasinë prej 5480 paketa, një automjet tip “Mercedes Benz”, TR 5134 M dhe dy aparate telefoni celular. "Materialet hetimore i kaluan Prokurorisë se Rrethit Gjyqësor Tiranë, për veprën penale të "tregtimit, transportimit të mallrave që janë kontrabandë", thuhet në njoftimin e policisë. Ndërkaq, policia tha se, po hetohet lidhur me intenerarin që ndjekin paketat kontrabandë deri në treg.

SPECIALE

Rrogat e punonjësve të arsimit do të rriten çdo vit, siç u bë vitin e kaluar

Berisha: Pagat e arsimtarëve do të dyfishohen

deri në 2009-ën

Kreu i qeverisë u shpreh se, hapat e ndërmarrë, siç janë rritja e ndjeshme e rrogave të arsimtarëve me 23 për qind në vitin e parë të qeverisjes, do të vazhdojnë vit për vit

Kryeministri, Sali Berisha, tha dje në mbledhjen e qeverisë se, zhvillimi i fushës së arsimit mbetet ndër prioritetet kryesore të qeverisë. Në këtë drejtim, Berisha u shpreh se, qeveria do të vazhdojë hapat e ndërmarrë në plotësimin e objektivit për dyfishimin e rrogave të mësuesve brenda këtij mandati, për modernizimin e infrastrukturës shkollore, të mësimdhënies, kurrikulave dhe shtrirjen e internetit në çdo shkollë. “Të gjitha këto do të mund të realizohen përmes rritjes së madhe progresive të buxhetit për arsimin”, - tha kryeministri. Gjithashtu, Berisha tha se, hartimi i projektligjit të arsimit universitar është realizuar me sukses dhe do të shqyrtohet dhe miratohet në mbledhjen e qeverisë. “Ky projektligj pasqyron standardet europiane të arsimit të lartë, ku ndër më kryesoret është thellimi dhe konsolidimi i autonomisë universitare”, - tha kryeministri.

Rrogat e arsimtarëve

Kreu i qeverisë u shpreh se hapat e ndërmarrë, siç janë rritja e ndjeshme e rrogave të arsimtarëve me 23 për qind në vitin e parë të qeverisjes, do të vazhdojnë vit për vit, deri në realizimin e objektivit të qeverisë brenda këtij mandati, dyfishimin e rrogave të tyre. “Do të vazhdojnë hapat e ndërmarrë në modernizimin e shkollave, ndërtimin e shkollave të reja dhe arritjen e standardeve të klasave për nxënësit, në mënyrë që të mos ketë klasa me më shumë se 30 nxënës, do të vazhdojmë me modernizimin e mësimdhënies, kurrikulave dhe shtrirjen e internetit gjatë këtij viti në të gjitha shkollat e mesme dhe në 2 vitet në vazhdim në të gjitha shkollat e Shqipërisë të të gjitha niveleve”, - tha Berisha. Kryeministri theksoi se reforma në arsim, si një reformë jetike për vendin, do të ketë në vëmendje universitetet e vendit. “Ne i liberalizuam plotësisht universitetet, hapëm universitetin “Aleksandër Moisiu” në Durrës, hapëm degën e Ekonomikut në Sarandë. Gjatë këtij viti do të bëhen përpjekje serioze për Universitetin ‘Myzeqeja’, një premtim elektoral ky, por që do të mbahet, sepse mendoj se është i domosdoshëm një universitet, i cili u mundëson të rinjve të Fierit, Lushnjës dhe Beratit, të ndjekin studimet e tyre”, - tha kreu i qeverisë. Berisha u shpreh se, hapja e këtij universiteti është plotësisht e justifikuar me numrin e madh të të rinjve në këtë territor, me shkallën e zhvillimit të tyre, kapacitetet reale, të çmuara që ekzistojnë në këto qytete. Kryeministri Berisha garantoi se, Ministria e Arsimit dhe qeveria do t’i japin ndihmë Universitetit ‘Myzeqeja’, në mënyrë që edhe ai të ketë një fillim të mbarë, ashtu siç pati Universiteti i Durrësit.

Fëmijët në të gjithë vendin urojnë mësuesit për 7 Marsin

Nxënësit organizojnë aktivitete për festën e Mësuesit

Shitësit e luleve shprehen se, që në orët e para të mëngjesit kishin shitur një sasi të madhe lulesh, kryesisht trëndafila dhe karafila, një shitje, e cila ishte vënë re edhe në 14 shkurt

Të gjithë nxënësit në mbarë vendin kanë uruar mësuesit e tyre në ditën e shpallur me një vendim të qeverisë shqiptare në vitin 1960 si “Dita Kombëtare e Mësuesve”, në kujtim të 7 Marsit të vitit 1878, kur u çel Mësonjtorja e parë Shqipe në qytetin e Korçës. 7 Marsi është kremtuar dje masivisht nga nxënësit në të gjithë Shqipërinë, në shenjë vlerësimi të traditave më të mira të shkollës kombëtare shqipe dhe të figurës së nderuar të mësuesit. Ndërkohë, një rekord në shitjen e luleve është shënuar në shumë pika të tregtimit të luleve në kryeqytet, ku nxënësit i kanë uruar mësuesit në ditën e tyre. Shitësit e luleve shprehen se, që në orët e para të mëngjesit kishin shitur një sasi të madhe lulesh, kryesisht trëndafila dhe karafila, një shitje, e cila më parë ishte vënë re në 14 shkurt, në Ditën e të Dashuruarve. Sipas shitësve, tregtimi i luleve në kishte filluar që në orët e pasdites së një ditë më parë kur nxënës të të gjitha moshave, të shoqëruar me ose pa prindër, kishin blerë lule të të gjitha llojeve.

Aktivitetet

Lule natyrale dhe artificiale janë tregtuar edhe në rrugët e metropolit shqiptar, nga shitës ambulantë, sikundër shumë tregtarë u shprehën se kishin shitur dhe dhurata nga më të ndryshmet, kryesisht parfume dhe bizhuteri. Ministria e Arsimit, me rastin e 7 Marsit, që këtë vit përkoi me 120-vjetorin e çeljes së shkollës së parë shqipe në Korçë, shpalli disa javë më parë “Javën e Arsimit” (1-7 mars). Përmes udhëzimeve të këtij dikasteri, drejtoritë dhe zyrat arsimore në vend, gjatë kësaj jave organizuan aktivitete të shumta, në të cilat u përfshinë të gjitha shkollat e vendit. Gjatë këtyre ditëve u promovuan një sërë takimesh jubilare, biseda me mësues dhe veteranë të arsimit, vizita në muze, vizita në familjet e mësuesve në pension, veprimtari kulturore, artistike, sportive, çelje ekspozitash pikture dhe fotografike, panaire libri, etj. Qendra Kombëtare Kulturore e Fëmijëvë në Tiranë, në kuadër të kësaj dite, organizoi konkursin e fotografisë më të mirë, në bashkëpunim me Këshillin e Europës, promovimin e krijimtarisë së shkrimtareve-mësuese, me rastin e festave të 7-8 Marsit, spektaklin festiv “Gëzuar 7 Marsin!”, i organizuar me pjesëmarrjen e fëmijëve të shkollave 9-vjeçare të Tiranës. Punimet e fëmijëve të konkursit të fotografisë u shoqëruan edhe me çeljen e ekspozitës “Dialog simbolik me kozmosin” pranë Qendrës Kulturore Ndërkombëtare “Arbnori”, fotografi që janë njëherazi pjesë e një gare ndërkombëtare në Rusi. Por edhe shoqëria civile, gjatë kësaj dite ka shprehur opinionin e saj në lidhje me parandalimin e fenomenit të përhapjes dhe përdorimit të drogës, dhunës, prostitucionit në shkolla, sikundër kanë njoftuar edhe për një sërë projektesh të ndërmarra në shkolla në dobi të përmirësimit të nivelit arsimor.

INSTAT-i: 1.6% e popullsisë, analfabete

Duke iu referuar statistikave të INSTAT-it, vetëm 1.6 për qind e popullsisë në vend rezulton të jetë analfabete. Sipas këtyre të dhënave, gjatë vitit arsimor 2005-2006, në 1725 shkolla publike të arsimit 9-vjeçar janë regjistruar 50.702 nxënës dhe në 92 shkolla jopublike janë regjistruar 16.108 nxënës. Për arsimin e mesëm, në 376 shkolla të arsimit publik janë regjistruar 138.788 nxënës dhe në 77 shkolla të arsimit jopublik janë regjistruar 11.316 nxënës. Për arsimin e lartë, në 10 shkolla të larta publike janë regjistruar 72.465 studentë dhe në 4 shkolla të larta jopublike janë regjistruar 1.692 studentë. Mësonjtorja e parë Shqipe, e çelur në 7 Mars në 1887, në kushtet e pushtimit otoman, u mundësua nga një grup rilindasish, ndërsa ishte e para shkollë fillore me një fizionomi të theksuar kombëtare dhe laike, ku të gjitha mësimet jepeshin në gjuhën shqipe. Drejtuesit e parë të shkollës qenë patriotët e Rilindjes sonë Kombëtare, Pandeli Sotiri, Petro Nini Luarasi, Nuçi Naçi, etj., ndërsa drejtor i parë i saj u zgjodh Petro Nini Luarasi, një nga figurat kryesore të kohës, veprimtar i Rilindjes Kombëtare Shqiptare, publicist dhe pedagog. Mësonjtorja e parë Shqipe pati një jetë 15-vjeçare, ku përballoi pengesat dhe vështirësitë e nxjerra nga pushtuesit otomanë dhe sidomos kleri, që kërkonte ndalimin e përhapjes dhe mësimit të gjuhës shqipe. Rëndësia e krijimit të kësaj shkolle qëndron në faktin se ajo institucionalizoi mësimin e gjuhës shqipe në Shqipëri dhe krijoi një plejadë njerëzish, të cilët u bënë më vonë veprimtarë të lëvizjes për çlirim kombëtar dhe shoqëror të vendit.

Topalli iu dhuron botimet e Kuvendit mësuesve dhe nxënësve

Me rastin e 7 Marsit, kryetarja e Kuvendit, Jozefina Topalli, zhvilloi një takim me mësues dhe nxënës të shkollës 9-vjeçare “Edit’h Durham” dhe të shkollës së mesme të përgjithshme “Petro Nini Luarasi”, në Tiranë. Si kryetare e Kuvendit dhe si prind, Jozefina Topalli iu dhuroi nxënësve dhe mësuesve disa nga botimet e Kuvendit dhe disa libra me njohuri për Konventat Europiane për të drejtat e njeriut dhe të fëmijëve. Duke shprehur mirënjohjen më të thellë për mësuesit ajo pohoi: “Nuk ka në botë personalitet më të dashur në jetën e çdokujt sesa mësuesi, që na bëjnë të besojmë në një të ardhme më të mirë e që ndihmojnë fëmijët tanë të bëhen të aftë për të nesërmen”. Me rastin e vizitës së kryetares së Kuvendit, nxënësit e shkollës kishin përgatitur një program artistik me pjesë të recituara dhe të kënduara nga ata vetë, ndërkohë që ajo ka asistuar edhe në një lojë volejbolli mes dy skuadrave të shkollës. Më rastin e vizitës, ajo iu ka uruar festën të gjithë mësuesve të Shqipërisë, duke shtuar: “Vij këtu për t’iu uruar festën juve dhe përmes jush, të gjithë mësuesve në çdo shkollë, në çdo qytet, jo vetëm në emër të Kuvendit, por edhe si prind”. Topalli shtoi se, “gjithmonë kam menduar se askush më shumë se mësuesit nuk bën të mundur që fëmijët të prekin të ardhmen që në bankat e shkollës, askush më shumë se ata nuk mund të bëjë që fëmijët tanë të besojnë se e ardhmja është më e bukur, të besojnë se ky vend, pavarësisht vështirësive, do të bëhet më i mirë. Në shenjë mirënjohje iu bëj të gjithë mësuesve urimet më të ngrohta për personalitetin më inspirues, më të respektueshëm, më të admirueshëm në çdo shkollë, në çdo qytet.”

Alketa Alia

Parlamenti Rinor: Shkollat zëvendësohen me pallatet e bashkisë

Parlamenti Rinor ka reaguar dje, me rastin e festës së 7-Marsit kundra vendimit të bashkisë për prishjen e shkollës “Kosova” dhe zëvendësimin saj me një pallat të ri. Për të kundërshtuar një vendim të tillë, të rinjtë, me tablo në duar, kanë pikturuar shkollën e ëndrrave të tyre, si e vetmja mënyrë që ata mund të bëjnë për ta kundërshtuar vendimin e bashkisë. “Ndërkohë që, 120 vjet më parë rilindasit tanë hapnin shkollën e parë shqipe, ne sot prishim një shkollë dhe bëjmë një pallat”, - janë shprehur ata. Shkatërrimi i shkollave që janë “porta”, e dijes për të rinjtë dhe zëvendësimi me objekte në interes të individëve të caktuar tregon qartë edhe dëshirën e këtyre personave për të shkatërruar çdo gjë, me qëllim arritjen e objektivave të tyre. Studentët kanë shtuar se, “Si mund të jemi të edukuar dhe si mund të komunikojmë në harmoni të plotë me njëri-tjetrin, kur më të rriturit mendojnë vetëm se si të mbushin xhepat e tyre në kurriz të vendit të dijes. Është me të vërtetë e padurueshme që të shohësh se si vihet dorë e rëndë mbi shkollat. Prandaj ne, të rinjtë, denoncojmë me forcë këtë vepër të rëndë, duke treguar me pikturat tona sado pak shpresë që të ndalohet kjo dorë shkatërrimtare dhe në vend të rrënojave apo gradaçelave të ndërtohet një shkollë e bukur. Një shkollë që t’i ngjasojë pikturave tona.” Parlamenti Rinor është themeluar në vitin 2000 nga UNICEF-i dhe shtrihet në 12 prefekurat e vendit.

A. Alia

Reformat në arsim do të mbulojnë edhe trajnimin e mësuesve

Pollo: Do të ndërtohen më shumë shkolla të reja

Ministri i Arsimit dhe Shkencës, Genc Pollo, deklaroi dje në qytetin e Korçës se, arsimi është një ndër prioritetet bazë të qeverisë. Ai pohoi se, “reformat e thella të investimeve në shifra më të mëdha se kurrë më parë janë një dëshmi e saj. Këto reforma prekin çdo hallkë të arsimit, duke përmendur tri linjat kryesore: reforma kurrikulore, që këtë vit është në zhvillim dinamik, reforma e trajnimit të mësuesve, e cila gjithashtu po merr konture të reja, si dhe në vlerësimin e nxënësve që me Maturën Shtetërore dhe me masa të tjera shënoi një ecuri të veçantë”. Më tej, ai iu komunikoi banorëve të Korçës përpjekjet e tij për hapjen e shkollave të reja, atje ku është e përqëndruar popullsia më e madhe. Për arritjen e këtyre objektivave Pollo shtoi se, “qeveria synon një bashkëpunim shumë të mirë me pushtetin lokal, me bashkitë dhe komunat, që janë, përmes granteve të dhëna të buxhetit të shtetit, investitorë në një sipërmarrje të madhe për të ndërtuar shkolla të reja dhe për të reduktuar numrin e nxënësve në klasë. Pajisje dhe laboratorë shkencorë, që do të arrihet, me projektin e madh, projektin ‘TIK’, me anë të të cilit, shkollat do të pajisen me laboratorë kompjuterikë të lidhur me internetin dhe që do të realizohet së shpejti nga një buxhet me vlerë miliona eurosh. Me këtë rast, iu uroj festën e 7 Marsit të gjithë mësueve, duke theksuar se mësuesi duhet të vendoset në piedestalin social që ai meriton dhe e para mënyrë është shpërblimi adekuat.” Pollo tha se ky shpërblim ka nisur me rritjen e rrogave prej mbi 20% vitin e kaluar, gjë që kjo qeveri është e vendosur ta vazhdojë më tej çdo vit, për të realizimin e premtimit të saj për dyfishimin e pagave të mësuesve brenda mandatit. Për të kujtuar të gjithë mësuesit data 1-7 Mars është shpallur dhe si “Java e Arsimit”. MASH, gjithashtu udhëzoi të gjitha drejtoritë arsimore në vend për organizimin e aktiviteteve kulturore dhe artistike në shkolla në përkujtim të 7 Marsit 1887. Që nga dita që në Mësonjtoren e Korçës u dha mësim për herë të parë shqip, në Shqipëri festohet çdo vit dita e 7 Marsit si festa e Mësuesit. Aktualisht, në sistemin e arsimit shqiptar japin mësim rreth 36.000 mësues të arsimit parauniversitar.

A. Alia

KULTURA

QNK/ Homazh për gratë e persekutuara nga regjimi komunist me rastin e 8 Marsit

Drita Çomo- Anna Franku e letërsisë shqipe!

Miranda Haxhia

(25 vjet pas vdekjes së Drita Çomos dhe ditarit të saj “Drita që vjen nga humnera)

Fundi

…Te dera e dhomës së vajzës që po jepte shpirt, nënën e mjeruar e prisnin në këmbë dy njerëz të policisë së fshehtë shqiptare. Ata nuk e fshihnin padurimin, madje, njeri prej tyre i tha gruas të shpejtonte. … Gruaja kërkoi të rrinte edhe pak, por shoqëruesit, fare shpërfillës, e urdhëruan haptas të ngrihej. Te dera ajo bëri përpjekjen e fundit: “Unë njoh Nexhmije Hoxhën. Më lejoni t’i telefonoj. Ajo është nënë dhe do më kuptojë. Rojet qeshën me zë të lartë:- Si shumë lart e vrake. Dashke të shqetësosh edhe shoqen Nexhmije. Nuk thua faleminderit që të lamë edhe kaq.” Gruaja uli kryet dhe doli. Vajza që jepte shpirt në Spitalin Onklogjik ishte Drita Çomo, një nga letraret më interesante të brezit të vet, por në atë kohë e panjohur, për arsyen se të atin e kishte në burg dhe nënën në internim. Për ata që e njihnin ishte një vajzë e bukur dhe pakëz e trishtuar. Në udhën e jëtës së saj i kishin dalë herët dy nga përbindëshat më të zes të kohës, diktatura dhe kanceri….- shkruan Ismail Kadare në parathënien e librit të botuar 16 vjet pas fikjes së saj, në vitin 1997.

Pertej fundit

Janë ndezur 25 qirinj, nga një për çdo vit. Askush nuk e beson se vdekja e mori të tërën. Ajo nuk qe e zakonshme, natyrisht dhe përkëdhelia e sëmundjes qe e destinuar për të plotësuar gjithë curriculën e vuajtjes së saj që kishte filluar kur doli prej barkut të nënës e u fundos me rëndesën e dheut sipër, pikërisht në 19 shkurt 1981, duke duruar dhe më të pashembulltën vuajtje, mungesën e nënës mbi krye, sa për t’i lagur buzët, kur lëshonte frymën e fundit në këtë botë mizore.

“E megjithatë e dua kaq shumë jetën. Dhe do të jetoj, sado të rënda të jenë provat që do të vërë para meje jeta, unë do të jetoj” – shkruan Drita Çomo në 25 korrik 1976, kur ishte vetëm 17 vjeç, në librin “Drita që vjen nga humnera” i botuar vetëm në vitin 1997, pas shembjes së diktaturës komuniste, duke u kujtuar të gjithëve, se në rrethana po aq të ngjashme, në Shqipëri jetoi dhe vdiq një Anna Frank. I pashembullt rasti i kësaj Ana Franku në historinë shqiptare. Ajo është simbol i vuajtjes dhe rezistencës kundër diktaturës komuniste. I rrallë ditari i shkruar në errësirën e mosarsyes kolektive që e mbajti këtë vend gati gjysmë shekulli. Një libër që flet çdo ditë po t’i rikthehesh. Një libër që të sjell para syve atë, së cilës nuk duhet t’i shmanget njeriu:- kujtesës. Kur një komb humbet kujtesën, humbet arsyen, ai nuk është më si i tillë. Dhe Shqipëria ka shumë nevojë për arsye, për kujtesë, për alarmin e madh:- mos harroni! Sepse diktaturat lindin kur harresa është në lulëzimin e saj. Anna Franku u bë e njohur për ditarin e saj, u shndrrua në frymëzim për mijëra e mijëra të rinj në të gjithë botën. Ndërkohë, jo shumë vite më pas, këtu, në vendin e vogël, brenda eksperimentit më të madh që komunizmi kreu me jëtë njerëzish, mosha e Drita Çomos, ndalur në 23 vjeç, gjithçka e kësaj vajze mbërthyer në shpërgenjtë e një diktature monstruoze, u bë simbol i një qendrese duke mos e besuar fundin.

Kush është Drita Çomo?

Personazh i Solzhenicinit apo vet Solzhenicin-e e letërsisë shqipe? Po ai spital si në Rusinë e largët, po ajo frikë dhe hije e vdekjes, po ai mjerim dhe mangësi në barna, kushte, ushqim, po ajo përpëlitje e pashpresë për jetën. Metastaza të gjata të regjimit. Ankthe dhe deshpërime njerëzore. Një paralele që vinte prej së njëjtës ideologji dhe të njëjtit sistem diktatorial. Ndryshimi qe se në kohën kur kaceri zaptoi trupin e një vajze të internuar, Drita Çomos, diktatura qe në kulmin e saj, ndërsa Solzhenicini shkruan për një spital dhe gjendra kaceroze të një post-diktature. Ndaj thëllimi e vuajtja e Dritës e kalon fuqinë Solzhenici-ane në përshkrimin dhe mesazhin që përcjell tek lexuesi. Është vuajtja, apo virtyti i fituar mbi vuajtjen? Është frymëzimi, apo fati që e shpie drejt së pashmangshmes, letërsisë, si një formë shpëtimtare për paqen e brendshme gati hyjnore që ajo i jep jetës. Për të njohur Drita Çomon duhet të ndjekësh pas drithërimën e një flake të zbehtë. Të ecësh mbrapsht në kohë, të njohësh kalvarin e familjes Belishova, ta dallosh si bebe të burgosur dhe të dënuar për tërë jetën.

Jo të gjitha vdekjet marrin.

Ajo la pas një ditar. Një ditar i shkruar nën lëkurën përvëluese të diktaturës komuniste në Shqipëri, shquar si një nga modelet më ekstreme për krimet kundrejt njeriut. E dënuar të mbajë në kurriz për tërë jetën e saj të shkurtër kufomën e « mëkatit » të nënës së saj, znj. Liri Belishova, njërës prej intelektualeve dhe luftëtareve të dala nga idealet e një lufte që do t’i shuante një nga një bijtë më të mirë; duke e filluar jetën duke iu bashkangjitur burgut të atit të saj, burgut të dajove, kalvarit të pafund të internimeve, denimeve, persekutimeve, përçmimeve që krijonte vet diktatura ; - Drita Çomo krijon një biografi të sajën, e cila erdhi e u mbush në një nga ngrehinat e Cërrikut, ku i ra shorti i keq të jetonte dhe të shlyente dënimin për fajin e madh se ishte bijë e dy prindërve, se ishte e lindur prej dashurisë. Ky « mëkat » u bë edhe bodrumi i madh i vujtjes dhe persekutimit të Drita Çomos. Këtu filloi të shkruhet ditari i saj, i cili u botua me parathënien e shkrimtarit Ismail Kadare.

Edhe pa e njohur Drita Çomon, duke shfletuar ditarin, futen rrezet e holla të diellit në errësirën e jetës së saj, ndriçohesh pak nga pak nga forma dhe thellësia me të cilën shfaqet vet ajo në plotësinë e karakterit dhe formimit si njeri. I kishte të gjitha gjasat për të provuar dëshpërimin, për të mallkuar ditën kur erdhi në jetë, për të protestuar fuqishëm me zërat e urrejtjes, të linte amanet shpagimin për vjedhjen monstruoze që diktatura i bëri jetës së saj, por nuk bëri asgjë nga këto. Ajo shkroi, shkroi vuajtjen në ditarin e saj, duke e shndrruar në dritë poezie gjithë pikëllimin e vetminë e madhe që, duke patur parasysh atë jetë, është në kufijtë ekstremë të kuptimit universal të fjalës vetmi!

Po ç’janë 20 vjet?/ as për t’i thënë “po” dashurisë nuk mjaftuan/ dhe ai kërkon, dhe ai pret…/si ta quash jetë këtë, si ta quash?/ E di. Granulomë malinjë/qëndron e zezë mbi 20 vjetët e mi…/e di doktor, e di…/ po unë duroj/ se dhembjen e kam njohur qysh fëmijë/ dhe prapë dua të jetoj/ dhe do ta mund atë të tmerrshmen malinjë/ Që të jetoj. Edhe pse e njohu ashpërsinë e jetës që fëmijë, ajo e donte shumë jetën. Për 20 vjet me rradhë mori kartolinë apo një copë letër nga ati i saj prej burgut ku ai ndodhej. Ditëlindjet fikeshin një nga një mes izolimit dhe kushtit çnjerëzor për të vdekur e vetme. Ky është fati dhe kjo është e pashkruara në jetën e njërës prej dhjetra dhe qindrave vajza, djem të cilët që kur lindën njohën pagëzimin e diktaturës.

“Është e tmerrshme po ta mendosh, po ne nuk dimë përse jetojmë. Jeta është e ashpër, dhe po nuk dite të qëndrosh, rrëzohesh. Nuk di, po nganjëhere më duket se kam shumë frikë nga jeta. Megjithatë unë do të qëndroj. Sido që të bëhet, nuk kam për t’u rrëzuar. Ndoshta do të jetë vështirë, po unë kam besim…”- shkruan Drita në ditar. Do të vuante, do të duronte, pa u penduar kurrë, pa shikuar të tjerët në qëndronin apo jo, në përkulej dikush që e pandehnin më burrë. Një mijë po të mbeteshin, do mbetej dhe ajo, edhe njëqind të beheshin, ajo do ish aty, e dhjeta do të ishte, po qe se mbeteshin dhjetë, e në mbetë veç një- do ishte Drita ajo!

E në mbetë veç një- do ishte Drita ajo!

Thelbin e kësaj filozofie vet Drita e përsëriste shpesh duke u mbështetur tek autorë të mëdhenj, letërsinë e të cilëve e studionte me vullnet të jashtëzakonshëm, edhe pse e destinuar për të mos marrë kurrë diplomë.

Është ky besim për jetën, dashuria e madhe për të, që e bën librin e Drita Çomos të jetë një mesazh i rrallë për brezin e ri, për gjithë ata që kanë humbur shpresat, për gjithë ata që ndodhen përballë rrezikut me gjunjë e zemër të dobët, për gjithë ata që shikojnë konfuzion rreth jetës së tyre. Është ky mesazh optimist i shkruar në rrethana të jashtëzakonshme që e bëjnë ditarin e saj më shumë se një dokument njerëzor, por një zë të fuqishëm nga i cili konservojmë në kujtesë drithërimat e një qetësie të besueshme, mirësinë kurajoze që ka përballur me vdekjen. Nuk arrij të kuptoj si i duroi 23 vjet buzë hekurash, takimesh të shkurtëra, si e duroi ndarjen, mallin dhe dhimbjen që i rëndoi deri në fund mbi shpinë. Për një peshë të tillë vetëm letërsia është e denjë. Poezitë e Drita Çomos premtojnë një talent, që iu këput koka pa u zhvilluar mirë. Në botën e saj, në gjithësinë e saj, ajo krijoi një stil mendimi, një poezi me varg të sistemuar, të dallueshëm, të thjeshtë, njerëzor. Kuptohet lehtë pasuria e madhe që ajo akumulonte prej letërsisë klasike. Njeriu mund të shkruajë gjithë jetën e të mos mbahet mend, Drita shkroi vetëm një ditar, disa poezi si për të rrëfyer se magjia e letërsisë dhe poezisë është:- t’i japë kurajo njeriut! Të mos e lërë të vdesë! Ndaj ajo ende flet, ende vuan, ende psherëtin, ende do, por kurrë nuk urren!

II.

Homazhi

Me rastin e festës së gruas, Qendra Ndërkombëtare e Kulturës “Arbnori”,

ka organizuar ditën e martë një mbrëmje për Drita Çomon”( vajzën e Liri Belishovës, e cila u nda nga jeta nga një sëmundje e pashërueshme në moshën 23 vjeçare)

Në këtë aktivitet ishin të pranishëm artistë, historianë, pedagogë, si edhe mjaft gra të persekutuara nga diktatura komuniste. Gjatë këtij aktiviteti kanë thënë fjalën e tyre kritikja e artit Suzana Varvarica, shkrimtarja Shpresa Vreto, Klara Kodra, Tinka Kurti, Margarita Xhepa, etj. Drita Como ka lënë të shkruar një ditar e në të përshkruhen me hollësi dhe në mënyrë artistike skutat më të errëta, ku e ka përplasur fati për të jetuar, vendi i internimit , spitali ku mjekohej, udhëtimet e pakta me tren nëpër mesin e Shqipërisë, Elbasan, Tiranë , Cërrik. E teksa e lexojmë romanin e saj” Dritë që vjen nga humnera’ cilido mund të gjejë copëza nga jeta e vet, nën vuajtjen e përgjithshme, të asaj kohe pa kohë ,që e mbajti këtë vend gati gjysmë shekulli. Drita Çomo librin e shkroi për vete si për një mik tek i cili kishte nevojë të rrëfehej, e shkroi duke e ditur se edhe mund t’ia zhduknin, sic i pati ndodhur edhe me dy ditarë të tjerë. Fati i Dritës ka qenë shumë tronditës, ajo thuajse foshnje u përball me diktaturën e egër e të përbindshme komuniste, ndërsa kur ishte në moshën 18-vjeçare përballet me një përbindësh tjetër të tmerrshëm kancerin, që i merr jetën në një moshë fare të re.

Dh.H.

-Në intervistën me studiuesin e historisë prof. dr. Xheladin Shalën, këshilltar shkencor, profesor ordinar dhe kryeredaktor i revistës “Gjurmime albanologjike” (Seria e shkencave historike) bisedojmë për nxitjen e motivin e tij për t’i hyrë studimit të historisë, për librin e tij më të ri “Çështja shqiptare dhe diplomacia serbe 1912-1913 dhe rolin e revistës “Gjurmime albanologjike”

Intervistë me studiuesin e historisë prof.dr.Xheladin Shala

Cili është qëllimi i Serbisë në këtë histori

Ragip SYLAJ

Prof.dr.Xheladin Shala (Mushtisht, 1949) u shkollua në vendlindje, në Prizren e në Prishtinë. Nga shtatori i vitit 1977 punon në Institutin Albanologjik të Prishtinës në Degën e Historisë. Temën e magjistraturës me titullin “Marrëdhëniet shqiptaro – jugosllave 1918 – 1924” e mbrojti më 1979. Në vitin 1986 e mbrojti tezën e doktoratës. Shtatë vjet (1978-1985) ishte sekretar i Redaksisë së revistës “Gjurmime albanologjike” – Seria e shkencave historike, ndërsa nga viti 1986 e deri tani është kryeredaktor i revistës “Gjurmime albanologjike” – Seria e shkencave historike, duke përgatitur 21 numra të saj. Më 1988 – 1989 ishte kryetar i OTH të partisë. Nuk pranoi kurrfarë diferencimi për asnjë koleg asokohe, për çka u përjashtua nga OTH së bashku me ish-kryetarin e Kosovës dr. Ibrahim Rugova, dr. Rexhep Qosja, dr. Rrustem Berisha dhe dr. Shkëlzen Raça. Dr. Xheladin Shala ishte ndër nënshkruesit e parë të Apelit të 215 intelektualëve. Në vitin 1989 ka botuar veprën “Marrëdhëniet shqiptaro – serbe 1912 – 1918”, e cila u prit mirë dhe me interesim të madh nga lexuesi shqiptar (vetëm për 20 ditë u shitën 3000 ekzemplarë të kësaj vepre). Nga viti 1990 deri më 1994 ishte kryetar i Shoqatës së Profesorëve dhe të Punëtorëve Shkencorë, kur u bë shkëputja definitive me Rregullore e Statute të Universitetit të Prishtinës nga Serbia. Më 2006 ka botuar veprën “Çështja shqiptare dhe diplomacia serbe 1912 – 1913”. Ka botuar rreth 1500 faqe tekst në revistat më të njohura shkencore historike. Ka marrë pjesë në dhjetëra tribuna, sesione, simpoziume, konferenca dhe kongrese shkencore të organizuara në Kosovë dhe jashtë saj.

Intervista

A mund të thoni për lexuesit e gazetës sonë se cila ka qenë nxitja e motivi juaj për t’i hyrë studimit të historisë?

Shala: Ishte viti 1968. Atëherë isha në vitin e dytë të gjimnazit të Prizrenit, kur filluan të frynin disa erëra të lehta për popullin tonë të shumë vuajtur. Në klasë i kishim 17 përsëritës që e kishin humbur vitin vetëm nga lënda e gjuhës serbe. Kjo më linte përshtypje shumë të keqe, ankimet për padrejtësi ishin të pranishme kudo. Po atë vit festohej edhe 500-vjetori i vdekjes së heroit tonë kombëtar – Skënderbeut dhe kjo ngjarje domosdo la mbresa të jashtëzakonshme në ne, sidomos për faktin se deri asokohe e mësonim kryesisht vetëm historinë e pushtuesit tonë. Flitej me respekt për fjalimet dhe diskutimet e grupit të profesorëve të nderuar nga Tirana, në krye me Aleks Budën dhe profesorëve të respektuar, si Ali Hadri, Skënder Rizaj etj. Atëbotë, më lindi edhe dashuria për ta studiuar historinë tonë kombëtare, megjithëse si lëndë e kam njohur më së shumti që nga shkolla fillore në Mushtisht, falë edhe arsimtarit të palodhshëm, Sali Kolgecit, të cilit i jam mirënjohës. Pastaj, si nxitje ishin bisedat e burrave në ndeja të ndryshme, ku flitej për trimëritë dhe viktimizimin e popullit tonë për liri. Ndërkaq, motivi ishte se shqiptarët e kësaj gjysmë Shqipërie të ripushtuar ishin gjithnjë të ndjekur, burgosur, torturuar, plagosur, vrarë, masakruar dhe të djegur për së gjalli nga pushtuesit sllavo – ortodoksë. Pra, kishim të bënim me një armik mizor e barbar në historinë mijëvjeçare të Kosovës – përkatësisht Dardanisë. Ndriçimi i kësaj të vërtete dhe realizimi i të drejtave njerëzore e kombëtare ishin motivi im kryesor.

Cila është përmbajtja e shkurtër e librit tuaj më të ri “Çështja shqiptare dhe diplomacia serbe 1912 – 1913”? Cili është objekti kryesor i trajtimit, përkatësisht ku përqendrohet ai më shumë?

Shala: Obligimi ynë si historian është që të hedhim dritë mbi ngjarjet dhe figurat madhore të kombit tonë. Çështja jonë kombëtare ishte temë në diskutimet brenda vendit dhe në arenën ndërkombëtare, me qëllim të zgjidhjes së nyjës gordiane – pra të çështjes së Kosovës, e cila ishte mbërthyer në kthetrat e politikës serbomadhe për më shumë se një shekull e gjysmë. Në prill të vitit të shkuar e botova këtë monografi që përfshin vitet 1912 – 1913, pasi kjo ishte koha kur u vendos fati ynë tragjik, i ndarjes dhe përgjysmimit të popullit tonë, pasojat e së cilës ndihen edhe sot e kësaj dite. Në monografi është synuar të vihet në pah qëndrimi i diplomacisë mashtruese serbe ndaj çështjes shqiptare në një periudhë dramatike e vendimtare për popullin tonë. Janë bërë analiza kritike për zhvillimet e kohës, por edhe definimi i synimeve ekspansioniste të Serbisë ndaj tokave shqiptare si dhe pasqyrimi i qëndrimit shovinist ndaj shqiptarëve në përgjithësi. Derisa shqiptarët e Kosovës bënë përpjekje titanike që ta krijonin një Shqipëri me kufijtë e saj, vërtet kombëtarë, qëllimi i Serbisë ishte çrrënjosja e idesë së çlirimit dhe bashkimit kombëtar të shqiptarëve. Ato vite ishin fatale për ne si komb, pasi që Kosova dhe tokat e tjera historike dhe etnike shqiptare përreth saj, pa të drejtë, mbetën jashtë shtetit të pranuar shqiptar. Mirëpo, shqiptarët kurrë nuk u pajtuan me humbjen e gjysmës së Shqipërisë, të cilën fatkeqësisht Serbia e kishte shndërruar në një koloni që nga fundi i vitit 1912 e deri në gjysmën e vitit 1999. Në këtë monografi gjykohen ambiciet e shfrenuara të politikës dhe të diplomacisë serbe. Ka edhe dokumente serbe, të përfshira në libër, që vetë e pranojnë faktin se Serbia më 1912 e kishte okupuar Kosovën.

Sipas jush, në çfarë gjendjeje është sot historiografia shqiptare?

Shala: Me lëvizjet demokratike dhe rënien e sistemit monist, u hoqën kufizimet rreth shkrimit të historisë së vërtetë kombëtare, por mungonin mjetet materiale dhe këtu filloi te disa “biznesi” i (ç)rregullimit, në disa aspekte, të shkrimit të historisë sonë kombëtare. Ka vlera reale dhe antivlera të botimeve për personalitetet dhe ngjarjet e rëndësishme kombëtare. Historiografia shqiptare deri vonë nuk u ka kushtuar rëndësi të duhur sakrifikuesve dhe rezistuesve shqiptarë kundër pushtuesve, sidomos kundër pushtuesve fqinjë. Rrjedhimisht, ende nuk janë ndriçuar sa e si duhet ngjarjet dhe figurat qendrore të këtyre luftërave, të cilat nuk lejuan që të venitet dhe të shuhet kombi shqiptar. Them se të shkruash për çlirimtarët shqiptarë, nuk është vetëm një nder, por është edhe obligim dhe krenari kombëtare. Si e kemi gjendjen politike dhe ekonomike, për fat të keq, ashtu e kemi edhe historiografinë shqiptare.

Pse, sipas disave, më tepër i besohet historisë së shkruar nga të huajt se sa asaj të shkruar nga autorët shqiptarë?

Shala: Mendojmë që historianët e mirëfilltë kurrë nuk besojnë që historinë tonë kombëtare mund ta njohin dhe ta shkruajnë më mirë të huajt. Puna pse citohen autorët e huaj ndërlidhet me faktin se ata përkthehen në gjuhë të rëndësishme botërore dhe se distribuomi i veprave të tyre është më i mirë. Ndërkaq, monografitë tona shkruhen në gjuhën amtare dhe asnjë individ apo institucion nuk merret me përkthimin dhe shpërndarjen e librave të historianëve shqiptarë. P.sh. librat që botohen në Institutin tonë shiten pothuajse vetëm në një librari që ndodhet në objektin tonë. Pastaj, ka fare pak historianë botërorë që e konsultojnë literaturën në gjuhën shqipe etj.

Kur jemi te kjo çështje, a mendoni se do të duhej të rishkruhej historia jonë, me qëllim që të deideologjizohet dhe t’i përkushtohet të vërtetës shkencore ?

Shala: Nuk mendoj se së shpejti do të rishkruhet historia jonë kombëtare, meqë nuk janë krijuar kushtet për hulumtime në arkivat e njohura të Vjenës, Romës, Stambollit, Londrës, Berlinit, Parisit etj., ku ka fonde shumë të pasura për historinë tonë mijëvjeçare. Pastaj, ka shumë historianë që janë shkolluar në kohën e monizmit, duke magjistruar dhe doktoruar në tema të ideologjizuara, me një fjalë ekziston një “gardë e vjetër” që nuk lirohet lehtë nga klishetë dhe metodat moniste të shkrimit. Ka disa përmirësime për një histori të mirëfilltë kombëtare viteve të fundit, por ende jemi larg historisë meritore mbarëkombëtare. Gjatë Luftës së Dytë Botërore u bë luftë antifashiste, ndërsa forcat që luftonin për një Shqipëri etnike ndiqeshin dhe e kishin të sigurt pushkatimin nga sllavo – komunistët, sado që atdhetarët e mirëfilltë për bashkim kombëtar e përbënin brumin e historisë sonë kombëtare dhe ishin pjesë e një të vërtete historike, e cila fatkeqësisht qe fshehur e njollosur më se gjysmë shekulli.

Në Kosovë sikur jemi vonuar në histori. A mund të thoni pse?

Shala: Ky popull kaloi momente tepër delikate gjatë historisë mijëvjeçare dhe shpesh është përballur me vështirësi të papara. Toka e Kosovës, përkatësisht e Dardanisë, disa herë është përgjysmuar dhe copëtuar. Ishte një fatkeqësi e madhe për shqiptarët e Kosovës që e kishim në kufi Serbinë, e cila zgjerimin dhe ekspansionin fill e mbarim e ka shtrirë në tokat iliro – shqiptare. Serbia për më tepër se një shekull me demagogji, falsifikime dhe gënjeshtra gjysmën e kombit tonë e trajtonte si pakicë. Kështu, në Beograd shumë herë diskutoheshin dhe miratoheshin platforma me ide vdekjeprurëse dhe me programe (elaborate) shfarosëse ndaj popullit shqiptar. Gjithashtu, edhe Fuqitë e Mëdha së bashku me shtetet fqinje, ndaj Kosovës silleshin me hile në dekadat e fundit të shekullit XIX- dhe në fillim të shekullit XX, duke bluar vazhdimisht në kokat e tyre plane të llahtarshme. Duhet thënë një të vërtetë historike; politika dhe diplomacia gënjeshtare e Serbisë ishin dhe do të jenë edhe shumë kohë një sherr i madh për çështjen tonë të pazgjidhur kombëtare.

Cili është roli i sotëm i revistës shkencore “Gjurmime albanologjike” (Seria e shkencave historike), të cilën e udhëhiqni si kryeredaktor ?

Shala: Po, është e vërtetë se që nga viti 1986 pandërprerë jam në krye të kësaj reviste historike me renome dhe që ka dalë rregullisht nga viti 1970, me gjithë pengesat e shumta. Roli i revistës ishte dhe do të jetë gjithmonë shkrimi i historisë në frymën shkencore e duke e trajtuar si një tërësi mbarëkombëtare që nga antika deri në ditët e sotme.

Dhe për fund, në çfarë gjendjeje është përgjithësisht kritika historiografike në botën shqiptare ?

Shala: Duhet kuptuar një aksiomë të saktë në histori. Një popull që nuk vepron në pajtim me kërkesat historike të kombit në momentet vendimtare, zakonisht pastaj përballet me grindjen dhe përçarjen e brendshme. Në këtë pikëpamje, kam përshtypjen se nuk kemi kritikë të mirëfilltë e të shëndetshme të historiografisë sonë shqiptare, edhe si pasojë e çështjes sonë të pazgjidhur kombëtare. Megjithatë, historiani e ka për obligim që detyrën ndaj atdheut dhe kombit të vet ta bëjë me dinjitet.

RRETHE

Çmimi i transplantimit të mëlçisë, 90 mijë euro

Nxënësit, komitet për shpëtimin e jetës së Çepeles

FIER- Jeta në rrezik e një të riu nga Rroskoveci, i cili vuan nga një sëmundje e rëndë në mëlçi ka angazhuar Bashkinë e Fierit në një fushatë sensibilizuese për mbledhjen e fondeve, të cilat do të mundësojnë operacionin e tij në një nga klinikat e Italisë. 22 vjeçari, Florian Çepele, sipas diagnozës së mjekëve, vuan nga një sëmundje e rëndë në mëlçi dhe e vetmja shpresë për ta mbajtur atë në jetë është transplantimi për të cilin kërkohet një shumë prej 90.000 eurosh, nga një klinikë mjekësore në shtetin fqinj. Nisur nga kjo, kryetari i Bashkisë së Fierit, Baftjar Zeqo, në bashkëpunim edhe me Komitetin e Shpëtimit, të krijuar nga nxënësit e shkollës së mesme të Roskovecit, enkas për shpëtimin e jetës së 22 vjeçarit Çepele, organizoi dje në mesditë, në mjediset e bashkisë, një konferencë për shtyp, ku dhe u sensibilizua për kontributin e komunitetit. "Përgjatë këtyre dy ditëve, në mjediset e Bashkisë së Fierit do të qëndrojë një kuti për mbledhjen e fondeve financiare në shpëtim të jetës së 22-vjeçarit Çepele", -tha kryebashkiaku Zeqo. Sipas tij, gjithë personeli i bashkisë do të japë ndihmesën e vet në këtë drejtim. Kryebashkiaku Zeqo i bëri thirrje në mënyrë të veçantë edhe biznesit, që të japë kontributin në ndihmë të të riut nga Roskoveci.

Farmacistët nuk dinë të shpjegojnë mungesën e medikamentit

Mungojnë vaksinat antigrip

Ajo që e bën më shqetësuese këtë mungesë është vala gripale, e cila ka bërë që ditët e fundit të rritet në mënyrë të ndjeshme kërkesa e qytetarëve për medikamentin kundër gripit…

SHKODËR-Ende nuk kanë mbërritur vaksinat kundër gripit në farmacitë e qytetit të Shkodrës. Informacioni i mësipërm bëhet i ditur nga shumë farmacistë të qytetit verior, të cilët kanë lëshuar alarmin për mundësinë e përhapjes së një epidemie gripale, si pasojë e mungesës së kurimit të këtij virusi që në lindje. Fenomeni i konstatuar nga bluzat e bardha bazohet më së miri në fillimin e përhapjes së një vale gripale në këtë qytet ditët e fundit.

Gjithnjë sipas farmacistëve, në fillim të stinës së dimrit, Ministria e Shëndetësisë ka sjellë pranë farmacive të Shkodrës, vetëm një sasi të kufizuar vaksinash të tilla, të cilat, gjithsesi, duhen marrë në kohë për të dhënë efektin e duhur. Por ajo që e bën më shqetësuese këtë mungesë është vala gripale, e cila është prezente në Shkodër në këtë periudhë të ndërrimit të stinëve. Sidomos gjatë ditëve të fundit, në Shkodër është rritur në mënyrë të ndjeshme kërkesa që qytetarët kanë për medikamente kundër gripit. Duke iu drejtuar farmacive për marrjen e këtyre ilaçeve, ata janë ndeshur vetëm me ngritjen e supeve të farmacistëve kur i kanë kërkuar ilaçet antigrip dhe i kanë gjetur ata si peshku pa ujë. Ndërkohë që, tek ne, ashtu si zakonisht në të gjitha fushat, institucionet shtetërore janë të mefshta dhe veprojnë ngadalë. Por kësaj radhe mosfutja në lojë shumë shpejt e Ministrisë së Shëndetësisë për furnizimin e farmacive të Shkodrës me vaksina dhe medikamente të tjerë kundër gripit do të rezultonte mjaft problematike. Kjo, për vetë faktin e thjeshtë se, vala gripale që tashmë është evidente do të përparonte me shpejtësi edhe tek personat e paprekur nga ky virus në kushtet e mungesës së medikamenteve ndaj saj dhe për pasojë edhe sasia e ilaçeve që do të duhej për ta frenuar atë do të ishte shumë më e madhe sesa kërkohet në këtë moment kur gjithsesi, parandalimi i gripit është i mundur si pasojë e mospërhapjes ende të tij në masë.

ARBEN LAGRETA

Prangoset hajduti i dënuar

FIER- Policia arrestoi mbrëmjen e djeshme një shtetas, të dënuar në mungesë me tre vjet burg, për vjedhje në bashkëpunim. Gazmend Baho, banues në fshatin Zharrëz u arrestua rreth orës 19:30 të ditës së djeshme, në bazë të urdhërndalimit të nxjerrë nga Prokuroria e Fierit, më 27 shkurt të këtij viti, thanë burime të policisë lokale, sipas të cilave, Baho ishte dënuar në mungesë nga gjykata e rrethit të Fierit, në 15 janar të këtij viti.

Gripi bën kërdinë

GJIROKASTËR- Numri i pacientëve që paraqiten pranë qendrave shëndetësore me simptoma të gripit vazhdon të jetë i lartë. Mjeku pediatër i spitalit civil rajonal "Omer Nishani", Llambi Dilo, tha se, gjatë kësaj jave janë paraqitur pranë pavijonit të pediatrisë rreth 150 pacientë, kryesisht fëmijë të moshave të vogla, një pjesë e mirë e të cilëve janë shtruar për një mjekim më të specializuar. "Numri i shtretërve është dyfishuar dhe gjatë kësaj jave, 10 pacientë të vegjël kanë pasur komplikacione,si rezultat i pakujdesisë. Aktualisht, situata është nën kontroll dhe personeli i shërbimit mjekësor po punon me orë të zgjatura", - tha pediatri Dilo. Sipas tij, tashmë ka nisur një fushatë sensibilizimi për marrjen e masave antigrip. "Shpresojmë që situata të normalizohet", - tha Dilo.

Fëmijët dhe pleqtë, viktima të virozave

HAS-Viroza gripale ka trefishuar kërkesat për shërbim mjekësor në spitalin e qytetit të Krumës, ndërkohë që, më të prekur nga kjo janë fëmijët dhe mosha e tretë. "Ditët e fundit janë rritur kërkesat për ndihmë mjekësore, pasi në këtë periudhe evidentohet një virozë gripale, që ka prekur një numër të konsiderueshëm banorësh", - ka thënë drejtori i spitalit civil në Krumë, Zamir Peka. Ndihmë mjekësore në spitalin civil të Krumës kanë kërkuar edhe banorë të zonave rurale, megjithëse shërbimi shëndetësor është i shtrirë në çdo fshat të këtij rrethi. Por në zonat rurale të rrethit mungojnë mjekët specialistë dhe kësisoj, banorët i janë drejtuar kryesisht spitalit të Krumës, madje në jo pak raste edhe atij të Kukësit apo Gjakovës. "Një situatë e tillë është më e ndjeshme në stinën e dimrit ku, si pasojë e luhatjeve të temperaturave trefishohet numri i personave me probleme shëndetesore", - shton Peka. Në rrethin e Hasit, me 20 mijë banorë, funksionon një spital në qytetin e Krumes, ku punojnë 5 mjekë specialistë, ndërsa në qendrat e 3 komunave punojnë edhe 8 mjekë të përgjithshëm, që kryesisht japin ndihmën e parë mjekësore ndaj të sëmurëve. Në këtë rreth punojnë gjithashtu, 92 punonjës të mesëm të shëndetësisë në 32 fshatrat e rrethit të Hasit.

Arrestohet në flagrancë 27-vjeçari

ELBASAN- Forcat e policisë, prej ditësh kanë nisur aksione blic, gjatë orëve të vona të natës, me destinacion lokale të piketuara si çerdhe për armëmbajtje pa leje si dhe për lëndë narkotike. Pikërisht mëngjesin e djeshëm, pas një kontrolli të ushtruar në bar-restornat “Klajdi”, i cili ndodhet në autostradën Elbasan-Metalurgji, forcat speciale të policisë kanë kapur në flagrancë, rreth orës 02:00, shtetasin Lorenc Çela, 27 vjeç, lindur dhe banues në komunën Bradashesh të rrethit të Elbasanit. Çela posedonte brenda veshjeve të tij një pistoletë model ‘54’, të kalibrit 7.62, me një krëhër me dy fishekë. Nga ana e komisariatit të policisë u bë arrestimi në flagrancë i këtij shtetasi, ndërkohë që materialet në ngarkim të 27-vjeçarit i kanë kaluar Prokurorisë së rrethit Gjyqësor Elbasan.

S.AZEMI

Kanë kryer më shumë se 20 vjedhje

Lirohen “çerrat”, arrestohet “profesori”

KURBIN-Policia ka lënë të lirë tre adoleshentët e shoqëruar në komisariat dje në mbrëmje, pasi u kapën në flagrancë duke vjedhur, ndërkohë që është marrë masa e ndalimit për Sh. Tafën, “profesorin“ nga Miloti, që kishte rekrutuar tre adoleshentët, të cilët i orientonte për të kryer vjedhjet. Sipas burimeve zyratre të policisë, tre adoleshentët janë lënë të lirë për arsye moshe, pavarësisht nga vjedhjet që kanë kryer. Lidhur me zbulimin e kësaj bande, policia shpjegoi se, pas disa denoncimesh, të kryera në postën e policisë së Milotit si dhe komisariatin e Kurbinit, rreth hajdutëve kishte nisur të merreshin të dhënave operative dhe doli se ata ishin persona problematikë. Edhe pse policia kishte mundur t’i skedonte ata si autorë të mbi 20 vjedhjeve, ajo nuk kishte mundur t’i kapte hajdutët në flagrancë, ndërkohë që kishte rreth tre muaj që i mbante vazhdimisht nën vëzhgim. Por të martën, rreth orës 18:30 minuta, tre adoleshntët, J. K, 15 vjeç, G. K, 13 vjeç dhe E. H, 13 vjeç, janë kapur në flagrancë, me disa sende të vjedhura në një lokal. Pas arrestimit të tre adoleshentëve dhe marrjes në pyetje nga ana e policisë së Kurbinit, ata kanë treguar edhe “profesorin” e organizimit të vjedhjeve dhe mënyrën se si ai ka mundur t’i përgatisë tre të miturit për të vjedhur. Sipas burimeve zyrtare të policisë së Kurbinit, ishte Sh. Tafa, 25 vjeç, personi i cili i kishte nxitur fëmijët për të vjedhur dhe iu kishte bërë edhe trajnimin e nevojshëm. Pasi ai arrinte të kryente ekspertimin e loklave dhe banesave që do vidheshin, u tregonte me skicë tre adoleshentëve, të cilët kryenin edhe vjedhjen, ndërsa ai i priste në një distancë jo të largët nga lokalet që vidhnin. Mallrat që vidheshin ishin kryesisht gjeneratorë, ushqime, cigare apo sende të tjera, që tre adoleshentët ia dorëzonin Sh. T, i cili më pas merrej me transportin e tyre si dhe me tregtimin e mallrave që vidhnin. Burime të policisë së Kurbinit bëjnë të ditur se janë zbuluar mbi 20 raste të vjedhjeve në Milot, ndërsa mendohet që ky numër të rritet, pasi hetimet vazhdojnë. Ndërkohë, vetëm 30 minuta pas arrestimit të tre adoleshentëve, policia e Kurbinit ka mundur të arrestojë edhe “profesor” Tafën, 25-vjeçarin që akuzohet për “shfrytëzim të të miturve për qëllime përfitimi, si dhe vjedhje në bashkëpunim.”

GJON MARKU

Ditë aksidentesh automobilistike, policia arreston dy persona

Një grua e vdekur, katër të plagosur

E ndjera L.Plepi, 50 vjeç, ka gjetur vdekjen si pasojë e përplasjes që i ka bërë një motoçikletë e tipit “Vespa”, pronë e shtetasit 22-vjeçar Ardian Muhja…

SHKODËR -Tre aksidente automobilistike të ndodhura në 24 orët e fundit në rrethet Shkodër dhe Malësi e Madhe kanë përfunduar me vdekjen e një personi si dhe plagosjen e katër të tjerëve, duke përfshirë këtu edhe disa nga drejtuesit e motoçikletave që edhe u dëmtuan vetë, pasi aksidentuan të tjerët. Ndërkohë, policia ka bërë edhe ndalimin e aksidentuesve menjëherë pas ngjarjes, njëri prej të cilëve rezultoi të ishte i dehur në momentin që drejtonte automjetin. Sipas burimeve nga komisariati i policisë së Shkodrës, rreth orës 17.00 u bë arrestimi në flagrancë i shtetasit Ardian Muhja, 22 vjeç, lindur dhe banues në fshatin Grudë e Re të komunës Rrethina, të rrethit të Shkodrës. Arrestimi tij u krye, pasi ky shtetas, duke lëvizur me motoçikletën e tij tip “Vespa” pa targa, në vendin e quajtur “Fermentimi” që ndodhet në mbyllje të zonës

industriale të këtij qyteti ka aksidentuar rëndë shtetasen 50-vjeçare L. Plepi, e cila, ndonëse ndonëse është dërguar urgjentisht në spitalin rajonal të Shkodrës nuk ka mundur t’i shpëtojë vdekjes, si pasojë e plagëve të rënda të marra nga aksidenti. U kryen veprimet e para hetimore dhe proceduriale dhe materialet në ngarkim të shtetasit Ardian Muhja i kaluan Prokurorisë së Rrethit Gjyqësor të Shkodrës, për veprën penale të shkeljes së rregullave të qarkullimit rrugor. Ndërkohë, edhe vetë i ndaluari ndodhet i shtruar në spitalin rajonal të Shkodrës pas plagëve të marra si pasojë e rrëzimit të motorit, por jashtë rrezikut për jetën. Vetëm pak orë pas këtij aksidenti, e pikërisht rreth orës 20.00, në aksin rrugor që përshkon fshatin Spathar, si pasojë e pakujdesisë ka dalë nga rruga mjeti tip motor “Honda” në pronësi të shtetasit Broz Nike Franja, 45 vjeç, lindur dhe banues në fshatin Sheldi të Komunës Guri i Zi të Shkodrës. Si pasojë e këtij devijimi janë aksidentuar shtetasit Broz Franja dhe një shtetase 31 vjeçe, e cila ka qenë duke udhëtuar me të. Aktualisht, që të dy këta persona ndodhen të shtruar në spitalin rajonal të Shkodrës, jashtë rrezikut për jetën. Edhe në këtë rast do të ndiqet drejtuesi i motorit, Broz Franja, për shkelje të rregullave të qarkullimit rrugor, por në gjendje të lirë, ngaqë dëmtoi veten dhe personin tjetër me të cilën po udhëtonte në motorin e tij. Ndërkohë, aksidenti i fundit ka ndodhur dje në orët e para pas mesit të natës. Kështu, rreth orës 02.30 u bë arrestimi në flagrancë i shtetasit Sabah Hasaj, vjeç 24, lindur dhe banues në Koplik të Sipërm të Malësisë së Madhe, me arsim 8 klasë si dhe i padënuar më parë. Arrestimi i tij u bë, pasi ky shtetas, rreth 2 orë më parë e pikërisht rreth orës 00.30, në vendin pranë restorant “Mirsadi” të Koplikut të Sipërm, duke drejtuar në gjendje të dehur automjetin veturë, të markës “Volkswagen” ngjyrë të zezë me targa CE 755665, ka aksidentuar një këmbësor të rastësishëm të quajtur S. Hoti. Menjëherë pas aksidentit, ky i fundit është transportuar urgjentisht në spitalin rajonal të Shkodrës, ku edhe ndodhet i shtruar ende. Materialet proceduriale në ngarkim të shtetasit Sabah Hasaj i kaluan Prokurorisë së Rrethit Gjyqësor të Shkodrës.

ARBEN LAGRETA

Arrestohet hajduti i kërkuar

ELBASAN-Policia ka arrestuar në flagrancë shtetasin Hysen Kazia, 19 vjeç, lindur e banues në e Elbasan, i cili që prej dhjetë ditësh ishte shpallur person në kërkim për akuzën e “Vjedhjes së pasurisë”. Shkak është bërë kallëzimi pranë këtij komisariati i shtetasit Ilmi Avdiu, 50 vjeç, banor i qyteti të Elbasanit, i cili është edhe pronar i një dyqani (pikë shumicë). Avdiu ka kallëzuar në polici se një person ka hyrë në dyqanin e tij mesditën e datës 26.02.2007, duke i marrë një shumë prej 27.000 lekësh të reja dhe më pas është larguar me vrap. Megjithëse pronari i lokalit e ka ndjekur personin nga pas, nuk ka mundur ta kapë dot atë. Menjëherë mbas marrjes së kallëzimit për vjedhjen e këtij dyqani, forcat e komisariatit të policisë së Elbasanit kanë dërguar në vendin e ngjarjes grupin hetimor, i cili në një kohë rekord arriti të zbulojë autorin e vjedhjes së dyqanit, që i përkiste shtetasit Hysen Kazia lindur e banues në Elbasan. Në banesën e tij, mbas një kontrolli të ushtruar iu sekuestruan në provën materiale një shumë prej 7000 lekësh të reja.

Nga ana e komisariatit të policisë u hetuan të gjitha pistat e vendndodhjes së Kazias dhe mëngjesin e djeshëm u bë i mundur arrestimi i tij në flagrancë. Çështja e Kazias i ka kaluar Prokurorisë së rrethit Gjyqësor Elbasan dhe Kazia, aktualisht ndodhet në qelitë e paraburgimit të komisariatit të policisë, në pritje të marrjes së vendimit.

SUELA AZEMI

Ndalohet falsifikatori 52-vjeçar

LUSHNJË- Një shtetas 52-vjeçar, i cili akuzohet për falsifikim të vulave dhe formularëve është arrestuar dje nga forcat e policisë lokale. Burime zyrtare të policisë konfirmuan se 52-vjeçari Luan Braho, u ndalua në bazë të një urdhërndalimi të prokurorisë, e cila e akuzon atë për "falsifikim të vulave, stampave dhe formularëve. Të njëjtat burime saktësuan se nën këtë akuzë, Braho kishte marrë masën e sigurisë "arrest shtëpie", nga Gjykata e Shkallës së Parë, por ky vendim është ndryshuar në "arrest me burg", nga gjykata e Apelit në Vlorë.

Shkolla të përqëndruara dhe konvikte në zonat fshatare

Drejtori Mano: 2007-ta, viti i mbarë për arsimin

Do të investohet në 4 shkolla të qytetit, si “Sevasti Qiriazi”, “Sotir Gura”, “Stavri Themeli, “Mësonjtorja e parë Shqipe” etj., dhe do të realizohet projekti i përqëndrimit të shkollave rurale…

KORÇË- Për drejtorinë arsimore rajonale të qarkut, viti 2007 do të jetë viti i përqëndrimit të shkollave në zonat rurale dhe i ndërtimit të konvikteve për nxënësit. Për realizimin e këtij synimi, tashmë ekzistojnë të gjitha projektet, ndërsa eksperimentimi i një viti më parë, ku u realizua bashkimi i shkollës së fshatit Pendavinjë me atë të fshatit Pojan, solli rezultate të larta në përmirësimin e cilësisë së mësimdhënies. Krahas investimeve të fuqishme në zonat rurale do të vijohet edhe me rikonstruktimin e shkollave në qytetin e Korçës, ku gjatë vitit 2007 do të investohet së paku në 4 shkolla të mesme dhe tetëvjeçare, si në shkollën “Sevasti Qiriazi”, “Sotir Gura”, “Stavri Themeli”, “Mësonjtorja e parë Shqipe”, por edhe në shkolla të tjera. Përveç fondeve të akordura nga buxheti i shtetit, Drejtoria Arsimore Rajonale e Korçës, po synon sigurimin e fondeve edhe nga donatorë të tjerë, ndërsa konfirmohet se do të bashkëpunohet edhe me Bashkinë e qytetit të Korçës.

Projekti

Përgatitja e projekteve dhe realizimi i tyre gjatë vitit 2007 u bë i ditur për gazetën “TemA”, nga Drejtori i Drejtorisë Arsimore Rajonale në Qarkun e Korçës, Andrea Mano, i cili sqaroi se gjatë këtij viti do të bëhet i mundur realizimi i projekteve të tilla, pasi ekzistojnë të gjitha fondet dhe mundësitë për një ndërmarrje të tillë, në funksion të reformimit të arsimit. “Tashmë është e pamundur të mbahen shkolla të hapura, në fshatra ku nuk ka më shumë se 5-10 apo 15 familje dhe ku numri i nxënësve është mjaft i kufizuar. Në këto zona, gjatë viteve të fundit, kanë munguar mësuesit me arsim të lartë, por edhe ata të profilit, çka do të thotë se mësimdhënia nuk ka qenë në parametrat bashkëkohore. Për shkak të largësisë dhe bllokimit të rrugëve në stinën e dimrit, mësuesit e kishin të vështirë të pranojnë një emërim të tyre në këto zona të vështira, ku gjithnjë ka munguar infrastruktura”, - tha Mano.

Bashkëpunimi me komunitetin

“Me synimin që projektet tona të realizohen, tashmë jemi duke bashkëpunuar me kryetarët e komunave dhe kryepleqtë e fshtrave, por edhe me vetë banorët e këtyre zonave, me qëllim që këta të fundit të pranojnë përqëndrimin e shkollave. Për banorët e zonave në fjalë, tashmë ekziston si model bashkimi i shkollës së Pendavinjës me atë të Pojanit, e cila u pajis me infrastrukturën bashkëkohore të mësimdhënies, përfshi këtu edhe laboratorët, por ndërkohë, stafi i mësuesve u kompletua me një personel që kishte përfunduar studimet e larta, pa përjashtur edhe mësuesët e gjuhëve të huaja, të cilët në zonat e largëta pothuajse kanë munguar”, - vazhdoi të shpjegojë më tej Mano. Ndërkohë, sipas tij, krahas përqëndrimit të shkollave do të ngrihen edhe konvikte për nxënësit, ku fëmijët do të gjejnë të gjitha kushtet e duhura, sepse nuk mund të tolerohet më që fëmijët e zonave rurale të mbeten jashtë një mësimdhënieje të parametrave bashkëkohore.

Investimet e djegura

Sipas të dhënave zyrtare të drejtorisë arsimore, duke filluar nga dy vjet më parë, por edhe më tej, janë kryer investime për ngritjen e shkollave në fshatra të vogla, ku ka patur një numër të kufizuar nxënësish, por tashmë shkolla të tilla kanë dalë jashtë funksionit, pasi fshati është braktisur dhe shkollat janë mbyllur. “Politika të tilla, - vijoi Mano, - nuk bënë gjë tjetër veçse konsumuan fonde të konsiderueshme, madje në shifra mjaft të mëdha, por që në fund të fundit nuk dhanë asnjë rezultat. Edhe atje ku ende funksionojnë shkolla të tilla është e pamundur të investohet për laboratorë dhe pajisje, pasi numri i nxënësve është mjaft i vogël. Për të gjitha këto arsye ne do të bëjmë të mundur që fëmijëve të zonave rurale t’iu ofrojmë shkolla model, ku nuk do të mungojë asgjë, mësuesit e kualifikuar, laboratorët dhe palestrat. Nuk do të mungojnë as konviktet, të cilët do të kenë të gjitha kushtet, me qëllim që edhe nxënësit e këtyre zonave të marrin dije dhe kulturë, ashtu siç e meritojnë të gjithë fëmijët tanë, pavarësisht se ku jetojnë.”

SELDI HASANASI

Mësuesit e komunës, dy muaj pa paga

KUKËS-Tridhjetë mësues të komunës Gryka e Çajës, të rrethit të Kukësit nuk iu gëzuan pagës së tyre as ditën e 7 Marsit, festës së mësuesit. Ata kanë dy muaj pa marrë pagat, pasi komuna në zgjedhje e sipër nuk ka mundur të miratojë fondin e duhur për pagat e mësuesve. Kjo neglizhencë ka sjellë irritimin e mësuesve, të cilët kanë si burim jetese, për vete dhe familjet, vëtëm këto rroga. Megjithatë, mësuesit nuk e kanë ndërprerë punën. Në pritje të rrogave ata kanë vijuar rregullisht mësimin. Edhe drejtoria arsimore ka ndërhyrë që komuna të përshpejtojë punën dhe mësuesit të marrin pagat e tyre në kohë, por, gjithsesi, konstituimi i këshillit dhe komunës së re, duket se do t’i lerë dhe për shumë ditë mësuesit pa para. Ndërkohë, për festën e 7 Marsit ishin projektuar një sërë aktivitetesh në gjithë qarkun e Kukësit. Në këtë ditë festive, familja e Kujdesi Shehut, ish-mësues në fshatin e thellë Borje, i ka dhuruar shkollës një komplet kompjuterash, një gjest që është mirëpritur dhe vlerësuar, jo vetëm nga mbarë komuniteti i fshatit të largët, por nga shumë arsmidashës.

BUJAR MUÇMATA

Nxënësit e “Hasan Tahsinit” me uniformë

SARANDË -Në shkollën e mesme të përgjithshme "Hasan Tahsini" të qytetit të Sarandës është aplikuar uniforma shkollore. Prej dy muajsh, nxënësit e shkollës kanë miratuar dhe paraqiten me këmishë të bardhë e kravatë e kuqe për vajzat dhe këmishë bojëqielli me gravatë blu, për djemtë. Apostol Nika, drejtor i kësaj shkolle, tha se, "uniforma e përcaktuar shkollore, e cila ka më shumë se dy muaj që përdoret, është mirëpritur nga masa e nxënësve dhe nga prindërit dhe se kjo paraqitje e re i bën nxënësit më dinjitozë edhe në sy të bashkëqytetarëve të tyre." Sipas tij, nismëtarë të vendosjes së uniformës janë bërë maturantët e të katër paraleleve të kësaj shkolle. Në shkollën e mesme të përgjithshme "Hasan Tahsini" ndjekin mësimet 750 nxënës.

Banorët furnizohen vetëm katër orë në ditë

Uji i pijshëm firon rrugës

TROPOJË- Furnizimi me ujë të pijshëm i konsumatorëve të qytetit të Bajram Currit vazhdon të jetë në nivel të ulët, për shkak të humbjeve në rrjet. Drejtori i Ujësjellësit, Abedin Jahelezaj, tha se, situata në të cilën ndodhen banorët vjen si pasojë, kryesisht e mungesës së rezervave ujore në burim, por dhe si pasojë e mungesës së mjeteve për riparimin e pajisjeve të domosdoshme për funksionimin e pompave në burimin e ujësjellësit. Jahelezaj sqaroi se, "aktualisht, prurjet e ujit janë 70 litra në sekondë, ndërsa nga dy rezervuarët e ujësjellësit dërgohen për të konsumatori rreth 2500 litra ujë, por 60 për qind e kësaj sasie humbet". Ndërkohë, në këtë periudhë është punuar kryesisht për të eliminuar rastet e ndotjes së ujit të pijshëm, siç ishte rasti i lagjes ‘Dardania’. “Kemi bashkëpunuar dhe me Drejtorinë e Shendetit Publik dhe bashkinë për kontrollin e vazhdueshëm të cilësisë së ujit që shkon te konsumatori", - thotë Jahelezaj.

Aktualisht, në burimin kryesor të ujësjellësit janë në gjendje pune tri pompa, përmes të cilave mundësohet furnizimi me ujë të pijshëm i mbi 12 mijë banorëve të qytetit të Bajram Currit e të fshatrave përreth tij për rreth 4 orë. Ndërsa, paguajnë për ujin e shpenzuar vetëm 32 për qind e konsumatorëve familjare dhe 67 për qind e konsumatorëve privatë.