100-vjetori i pavarësisë, Sali Berisha dhe banaliteti i politikës kosovare

Postuar në: Opinion |

Nga Besnik Kryeziu

Ajo që po quhet klasë politike e Kosovës, e që realisht më shumë se si e tillë është një grupim njerëzish me interesa të përbashkëta politike dhe ekonomike të cilët më shumë se sa qeverisin Kosovën dhe popullin e saj, po e sundojnë dhe grabisin. Këta njerëz e kanë bërë Kosovën vendin e çudirave banale.

Ftesa dhe ardhja e Berishës në Kosovë në vigjilje të 100 vjetorit të Pavarësisë së Shqipërisë, kur në Shqipëri të përndjekurit politikë po bëjnë grevë urie, kur njerëzit po ia fusin zjarrin vetës për dinjitet, drejtësi njerëzore e humane, është shumë më shumë se sa e pamoralshme, është shumë më shumë se sa fyerje e poshtërim i atyre njerëzve që tek e fundit me qëndresën e tyre bënë që Shqipëria të ndryshojë.

Berisha sa herë që i ka punët pisk dhe ngushtë në Shqipëri, Kosovën e përdor si shtegun dalës për të mbijetuar. Dhe mund të thuhet se deri tani po ja del me sukses.

Fjalori i tij populist dhe folklorik, po ja del që t’i hipnotizojë pjesën më të madhe të qytetarëve të Kosovës, pa reflektuar dhe menduar se po ju hymë në hak qytetarëve dhe votuesve në Shqipëri.

Nuk duhet filozofi e madhe për të reflektuar dhe parë në sy të vërtetën për Berishën, raportet dhe relacionet që i kemi ne si Kosovë dhe shoqëri me politikën dhe politikanët në Shqipëri.

Duhet të thuhet hapur se jo të gjithë shqiptarët që jetojnë në këtë pjesë të Shqipërisë, pra në Kosovë, janë symbyllur dhe të fjetur sa i përket Berishës dhe kontributit real që ka ai për çlirimin dhe fitimin e lirisë së munguar dhe pushtuar nga Serbia.

Berisha është shumë më shumë se një mit i rrejshëm në tregimin e tij për Kosovën, sepse nuk duhet të harrojmë faktin se shumë nga ata që janë drita dhe nderi i Kosovës në luftën çlirimtare, Berisha me Shërbimin e tij Informativ i pengoi dhe burgosi, i dëboi dhe shantazhoi.

Ky 100–vjetor i Pavarësisë së gjysmës së komit shqiptar, po (keq)përdorët nga dështakët politik këndej dhe andej Drinit.

Festimi i 100-vjetorit të shpalljes së pavarësisë , duhet të jetë në radhë të parë i kulturuar dhe para së gjithash dinjitoz, duke e kujtuar të kaluarën tonë historike me qëllimin për ta ndriçuar rrugën e së ardhmes.

Kur i sheh këto organizime, fare lehtë të bie në sy elementi dhe petku politik që organizatorët i bëjnë në interes të grupeve të veta politike.

Veprimi i atyre që e ftuan Berishën dhe shpallën “Qytetar Nderi” ishte më shumë se sa fyes dhe përçmues edhe për vetë qytetarët e Kosovës, e jo vetëm të Shqipërisë. Ky veprim banal arriti kulmin kur rapsodi këndoi enkas këngë për “heroin” e betejave të humbura, Sali Berishën.

Kjo që ndodhi në Deçan është shumë shqetësuese, sepse po shpërfaq një mentalit të vjetër dhe primitiv të politikës shqiptare në përgjithësi, duke na treguar se në mos ndryshe me sharkia e çiftelia të shkojmë në Evropë.

Ku ka një vend dhe shoqëri njëmend demokratike që i këndon kryeministrit?! Kjo ndodh vetëm te shqiptarët.

Në këtë 100-vjetor pavarësie shqiptarët duhet t’i përvjelin mëngët dhe ta djersitin trurin e tyre më shumë se sa të festojnë, sepse ende nuk i kanë punët për të festuar.

Shteti e ka kuptimin e vet real vetëm atë herë kur qytetarët e tij jetojnë të dinjitetshëm dhe në mirëqenie të mirë sociale dhe shpirtërore.

Pas 100-vjetëve shqiptarët janë më mirë se që ishin, por nuk janë ashtu si do të duhej të ishin, në përputhje me fuqinë e tyre politike dhe pasuritë natyrore që i kanë.

Më shumë se sa të festojnë, shqiptarët kanë nevojë për një reflektim të thellë historik në rrugën që e kanë bërë deri këtu dhe për rrugën që do të duhej ta bënin për të arritur atje ku janë popujt tjerë, me një ekonomi dhe demokraci të zhvilluar dhe të avancuar.

Më shumë se të festojnë, shqiptarët duhet të bëjnë shumë pyetje historike karshi klasës politike dhe asaj intelektuale se pse Shqipëria po vazhdon të mbetët njëri ndër vendet më të varfra dhe i pa perspektiv për vet rininë shqiptare?

Më shumë se sa të festojnë, shqiptarëve ju duhet një plan kombëtar për zhvillimin dhe avancimin e ekonomisë, duke krijuar mundësi për punësim dhe jetë të dinjitetshme.

Më shumë se sa të festojnë, shqiptarët duhet të përballen shumë seriozisht me vetën e tyre, duke kthyer shikimin mbrapa për të parë për atë që (s’e) kanë bërë për vetën e tyre dhe vendin që do ta festoj një shekull pavarësi dhe mëvetësi.

Më shumë se sa të festojnë, shqiptarët duhet ta shikojnë nivelin që ka sistemi i tyre arsimor, pa të cilin nuk do të ketë zhvillim të qëndrueshëm ekonomik dhe politik,duke bërë reforma të thella dhe të domosdoshme, sepse globalizmi me ketë nivel që ka ky sistem do të na le në margjina dhe të papërfillshëm.

Më shumë se sa të festojnë, shqiptarët duhet të mendojnë për integrimet brenda për brenda vetë Kombit shqiptar dhe hapësirave ku ata jetojnë.

Më shumë se sa të festojnë, shqiptarët duhet ta pyesin vetën se përse kësaj Shqipërie shpeshherë ia kanë nxjerrë sytë e ia kanë hëngër kokën, duke ua kaluar edhe armiqve më të mëdhenj që Shqipëria i kishte dhe i ka. Madje, këtë pyetje duhet ta bëjë së pari vetë Sali Berisha, njeriu i cili disa herë e solli në shtratin e vdekjes këtë Shqipëri.

IPTV duke filluar nga 790 Leke ne muaj Na ndiqni ne Facebook Sherbimi VOD

4 Pergjigje per 100-vjetori i pavarësisë, Sali Berisha dhe banaliteti i politikës kosovare

  1. feniks  --  5 Nëntor, 2012 në 5:48 pm

    Pershendetje,i nderuari Besnik Kryeziu!!
    Ti je shqiptar i NDERSHEM,TRIM DHE IDEALIST!!!
    Shqiperia sot,nen sundimin BARBAR te Sali Berishes,po jetoj ditet e saj me te zeza edhe se gjate pushtimit OTOMAN E NAZI-FASHIST!!!
    Pushtuesit e shumte nder shekuj na GJAKOSEN,por nuk na PERCANE,sic ka bere Sali Berisha!!!
    AI ESHTE ARMIKU ME I MADH I SHQIPTAREVE,ndaj duhet ta trajtojme si te tille ne te gjitha TROJET SHQIPTARE!!!

    Përgjigjjuni

  2. Delli USA  --  5 Nëntor, 2012 në 6:15 pm

    Ky shkrim me bind se jo te gjithe ne Kosove i bien ciftelise,ka atje shume njerez objektiv dhe te ndershem qe nuk mashtrohen nga renegati dhe krimineli Sali Berisha.Urime Kryeziu.

    Përgjigjjuni

  3. luis  --  5 Nëntor, 2012 në 7:39 pm

    Eshte plotesisht e vertet se Berisha ka mbijetuar fale populizmit qe ka perdorur duke perkedhelur popullsine kosovare te cilet me keqardhje e shpreh se jane ne pergjithesi nje popull pa piken e intelektit ose te ndersyer keqas nga islamizmi radikal nga ku per to eshte i rendesishem vetem ai person qe mbart ate fe qe kane ata.
    Berisha edhe pse i ka shkerdhyer si ka dashur sepse ne plan te pare ka pasur interesat serbe keta perseri jane entuziaste me te sepse jo vetem se quhet Sali por edhe se i perket krahines se tyre.
    Partia socialiste beri te pamunderen ne kohen e luftes ne Kosove per ti ndihmuar mesa fuqi qe pati pas gjithe atij shkaterrim total te vendit po nga Berisha por as edhe njehere te vetme nuk moren falenderimin prej tyre vetem se quheshin Pandeli dhe Fatos Thanas Nano.
    Kam menduar me naivitet te pashoq dikur se kosovaret jane vertet patriote te mirefillte shqiptar,por qe sot e kuptoj se ata jane thjeshte islamike te terbuar deri ne verbim dhe qe duke fituar cdo dite liri nga po te vendve te krishtera qe ne nje kohe jo fort te larget te dalin hapur kundra tyre sepse cdo i krishtere per ta eshte armik.
    Ne kohen e luftes kur ishin ne ngushtice te madhe keta dilnin me fotot e te madhes NENA TEREZE por qe sot qe e ndjejne se jane te lire i kundervihen asaj me epitetet me te ulta te deklaruara sidomos nga kleri i tyre.
    Berisha nuk do kishte sunduar kaq gjate po te mos ishte ky faktor sepse europa dhe amerika do nje ballkan te paqet dhe ku gradualisht serbet te jene primaret ne rrugen europiane dhe me Sali Berishen arrihen me se miri sepse ka mbeshtetjen e faktorit islamik shqiptar dhe gjithashtu serbet dhe greket nuk duan nje udheheqes me te mire se Berisha sepse synimet e tyre arrihen me se miri dhe populli islamik shqiptar gezohet per udhe heqsin e tyre pavaresisht se po i shkerdhen ne menyren me te shemtuar.

    Përgjigjjuni

  4. burimi,salzburg  --  5 Nëntor, 2012 në 8:50 pm

    o luis sheshi ma i mir ne prishtine e ka emrin dhe bustin e nenes terez ajroporti i shqiperis e ka emrin e nenes terez nuk ka qytet ne kosove qe nuk ka naj shesh apo rruge me emrin e nanes terez kisha pas deshire qe ta vizitosh kosoven e ta vertetojsh ket e jo te mirresh me propaganda

    Përgjigjjuni

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Mund të përdorni këto etiketa dhe atribute HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>