Flamuri konsultohet me hoxhallarët para takimit me Doktorin

Doktori kishte vendosur të priste një delegacion myslimanësh nga Ballkani për të treguar se e ka seriozisht projektin e xhamisë në Tiranë. Flamuri, i cili u kujdes t’i mblidhte dhe t’i sistemonte në hotel hoxhallarët, i takoi ata para se të shkonin në takim me Doktorin.

-Tani në fillim më duhet të bëj një prezantim, tha Flamuri. Problemi i parë është të mos kuptoheni që jeni të gjithë shqiptarë. Prandaj është mirë të flasë në emër tuaj zoti Gormes, që është kryetar i Komunitetit Mysliman të Turqisë.

-Ishallah, ishallah, u dëgjuan disa zëra.

-Ju tani e dini që është fushatë elektorale dhe na duhen votat e disa myslimanëve të lëkundur. Ndaj ju duhet të jepni mbështetje Doktorit dhe të tregoni se xhamia do bëhet me lekët tuaja.

-Marshallah, marshallah, u dëgjuan disa zëra të tjerë.

-Problemi është që ne u japim garancitë tona që lekët tuaja do shkojnë në destinacion. Për këtë Doktori ka ngarkuar të birin e tij, një besimtar që e njohin të gjithë, i cili do merret me administrimin e lekëve dhe ndërtimin e xhamisë. Ai ka treguar gjithë jetën se nuk ia merr dot njeri lekët nga dora.

-Meazallah, meazallah, u dëgjuan disa zëra.

-Unë them që ju duhet të keni besim të pakufishëm të Doktori në këtë pikë dhe t’ia jepni lekët para fushatës, tha Flamuri. Lekët i keni në duar të sigurta.

-Marshallah, marshallah, pëshpëritën disa të tjerë.

-Ju tani do hyni brenda do takoni Doktorin dhe në lajme do jepet sikur përfaqësoni gjithë Ballkanin. Duhet të bëni kujdes mos të kontaktoni me median dhe të identifikoheni se kush jeni.

-Meazallah, meazallah, u përgjigjën ata.

-Doktori ka një respekt të veçantë për ju dhe do t’iu kërkojë që kudo që të shkoni, të nxisni të afërmit tuaj të vijnë të votojnë në Shqipëri dhe të japin votën për të, me qëllim që ëndrra për xhaminë e madhe të bëhet realitet.

-Inshallah, inshallah, u dëgjuan disa zëra.

-Ballkani nuk ka qenë kurrë më i bashkuar se sot, tha Flamuri, kur shikon bashkë në një sallë hoxhën e Ulqinit, Dibrës, Prishtinës, Prizrenit, Preshevës, Shkupit, Sarajevës dhe Stambollit… që flasin shqip…

-Marshallah, marshallah, u dëgjuan disa zëra.

-Duke parë pjesëmarrjen tuaj të fortë dhe dëshirën për të ndihmuar Doktorin, unë do t’iu kërkoja që të premten e fundit të qershorit, më 21 qershor, kur të faleni në xhami, të bëni thirrje që të votohet Doktori, i cili është Zot mbi Zotat në tokat shqiptare.

-Allah, Allah, u dëgjuan gjithë hoxhallarët në një gojë.

Sandri gjen arsye “jopolitike” për prishjen e Fevzos me Doktorin

21:27 Antena

Sandri teston Doktorin për Fevzon përmes Blushit

21:43 Antena

Flamuri merr udhëzimet për liberalizmin e vizave me SHBA

22:16 Antena

Flamuri pastron biografinë e të padisiplinuarve në miting

21:51 Antena

Flamuri ngatërrohet me posterat e Hidrocentralit të Devollit

20:44 Antena

Muli çel fushatën në katund të vet

21:12 Antena

Dita e parë e Kaçit në PD

22:31 Antena

Fevzo shpjegon suksesin e librit të tij në botë

22:25 Antena

Disa pyetje të Komisionit të Veshit nga Ba Ka Dill

22:13 Antena

Kaçi ngatërrohet me protestuesit e Mulit tek pallati

21:59 Antena